Ríkisstjórn Undralands í Undralandi

Enn á ný staðfesta kannanir staðfastann vilja mikils meirihluta þjóðarinnar um að betra sé að gera aðra hluti en halda aðlögunarferlinu til streitu. Í næstum öllum skoðanakönnum um forgangsröðun hefur meirihluti landsmanna talið endurreisn atvinnumála og úrlausn efnahagsmála vera mikilvægari verkefni en aðildarbrölt að ESB eða stjórnarskrárbreytingar (að ekki sé nú talað um að afnema núgildandi stjórnarskrá).

Að auki er þróun ESB í alræðisríki án lýðræðis fyrir venjulegt fólk né heilu þjóðirnar öll svo hrikaleg með rísandi öldu almennings í mörgum aðildarríkjunum gegn ESB, að mörgum Íslendingum ofbýður. Við erum lítil friðsöm þjóð, sem verðum að neftóbaki í valdamaskínu ESB, sem hefur tröllvaxið síðustu árin og er stjórnað af búrókrötum í Brussel og óreiðufólki í fjármálafyrirtækjum með aðkomu Alþjóða Gjaldeyrissjóðsins. Þetta Þríeyki hefur þegar hneppt heilu þjóðirnar í áratuga skuldafjötra og sér ekki enn fyrir endann á þeim ljóta leik.

Veruleikafirring íslensku ríkisstjórnarinnar bæði hjá Samfylkingu og Vinstri Grænum er þess vegna mikil. Jafnvel svo mikil, að Lísa mundi spyrja sig hvenær hún gæti vaknað aftur í veruleika sínum: Undralandi. Ef landsmenn gætu verið jafn heppnir og Lísa.

Ríkisstjórnin, sem kennir sig við allt fagurt á prenti og talmáli er ekkert annað en vesæll þjófur, sem í skrifandi stund reynir að stela fjallkonunni frá landsmönnum. Kosið verður um ráðgefandi tillögu að landráði á laugardaginn, sem afnemur mörg af þeim réttindum, sem núverandi stjórnarskrá tryggir landsmönnum. T.d. réttinn að breyta stjórnarskránni.

Fólskan ríður ekki við einteyming. Vonandi tekst Íslendingum að losa sig við þessa furðulegustu ríkisstjórn allra tíma og fjölmiðlar Undralands brátt að vakna upp af svefnlyfjum hennar.

Þegar upp er staðið, þá eiga Íslendingar sig sjálfir þótt andlausir, feigir embættismenn reyni að selja út landið í von um betri stöður í Brussel. /gs

 

Hlé verði gert á ESB-viðræðum

"Fallbyssan" talar - fólkið þegi

Ríkisstjórnin ætlar að skjóta landsmenn í kaf með "nýrri stjórnarskrá", hvað sem tautar og raular.

Búið er að hlaða byssuna til að skjóta niður gömlu stjórnarskrána, sem sýnt hefur og sannað kosti sína í verstu efnahagsþrengingum lýðveldistímabilsins. Lögfræðingahópur fenginn til að skjóta niður öll mótmæli.

Skiptir engu máli hversu margir kjósa né hvað landsmenn segja. Allt verður að fóðri í byssukjaftinum til að valta yfir landsmenn. Alþingi fær ekki að ræða efnislega um málið svo þeir þingmenn, sem standa við loforð sitt að vernda stjórnarskrá lýðveldisins fái ekki að tala.

Í þágu ESB. Ríkisstjórnin er á síðustu metrunum að koma sér á Brusselspenann og fá flotta titla fyrir uppgjafa ráðherra, sem enginn vill ráða aftur í starf embættismanna á Íslandi.

Ólöglegt stjórnarráð með kvittun frá Hæstarétti um að þeir hafa ekki löglegt umboð almennings ætlar að afnema góðu stjórnarskrána okkar. Kjósa á um málið á ólöglegum degi, sem Alþingi hefur ekki valið.

Upplásnir hrokagikkir menntaklíku 101 Reykjavík ætla að:

1. Afnema stjórnarská lýðveldisins frá 1944

2. Afnema kristni sem opinbera trú á Íslandi

3. Afnema jafnvægi milli landsbyggðar og þéttbýlis

4. Afnema rétt þjóðarinnar að greiða þjóðaratkvæði um fjárlög, fjáraukalög, þjóðréttarskuldbindingar, skatta og ríkisborgarrétt

5. Afnema vald landsmanna við breytingar á stjórnarskrá

6. Innleiða ríkiseign á auðlindum þjóðarinnar

7. Innleiða völd til þingmanna að afsala ríkisvaldinu til erlendra ríkja

Þetta er hin hliðin á Icesave og makríldeilunni. Þetta er landráðasamningur svo ESB geti komist yfir sjávarauðlind Íslendinga og utanríkissamninga landsmanna.

Vonandi rísa landsmenn upp og senda þessa hrákasmíði beinustu leiðina í ruslafötuna!

SEGJUM ÖLL NEI! 

Gústaf Adolf Skúlason

Álit á tillögum stjórnlagaráðs

Réttast að taka af Norðmönnum réttinn að veita friðarverðlaun Nóbels

Komið hefur skýrt í ljós undanfarin ár, hversu pólitísk friðarverðlaun Nóbels eru orðin. Verðlaunin eru veitt af pólitískt skipaðri nefnd norska Stórþingsins og formaður Nóbelnefndarinnar er fyrrverandi formaður Verkamannaflokksins og fyrrum forsætisráðherra Noregs Thorbjörn Jagland. Verkamannaflokkurinn er hlynntur aðild að Evrópusambandinu í trássi við yfirgnæfandi meirihluta Norðmanna, sem í tvígang hafa fellt aðild að ESB og eru skv. síðustu skoðanakönnunum í Noregi milli 70-80% á móti inngöngu í ESB.

Strax eftir að friðarverðlaun ársins voru kynnt þustu Norðmenn til NEI við ESB samtakanna og gerðust meðlimir.

Bæði í Noregi og Svíþjóð hafa forystumenn friðarsamtaka látið í sér heyra og lýst yfir furðun sinn á því að veita einum stærsta vopnaútflytjenda í heimi friðarverðlaun Nóbels. Mörg núverandi og fyrrverandi stríða eru háð með vopnum framleiddum innan ESB. Meirihluti tíu stærstu vopnaútflutningsríkja heims eru meðlimir ESB.

Ekki bætir það úr skák, að Alfred Nóbel skrifaði í erfðaskrá sína, að verðlaunin ætti að veita þeirri persónu, sem (laus þýðing):

"mest hefur og á bestan hátt stuðlað að bræðralagi fólks og að leggja niður eða minnka herafla ásamt myndun og útbreiðslu friðarþinga."

Með þessi síðustu orð Alfred Nóbels í huga er algjörlega óskiljanlegt að veita verðlaunin til Evrópusambandsins, sem er stofnun og ekki nein einstök persóna. ESB er á barmi sundrungur og tónnin æ harkalegri við lausn mála. Þannig hótar varaforseti Evrópuþingsins Katalóníumönnum að sjálfstæðisviðleitni þeirra verði barin niður með valdi sem ekkert er annað en ávísun á innbyrðisstríð. Nazisminn vex enn á ný eins og dæmin frá götum Aþenu sýna, þar sem innflytjendur geta ekki lengur látið sjá sig án þess að eiga á hættu að verða lamdir eða teknir af lífi án dóms og laga. Í Portúgal og á Spáni eru mótmælendur slegnir blóðugir niður á götum úti.

Á sama tíma eykur friðsama Sviss herafla sinn með fjórum nýjum herdeildum til að undirbúa sig undir vaxandi óróleika, vegna evrukreppunnar. Hópurinn "FRAMTÍÐ EVRÓPU" undir leiðsögn Þýzkalands vill mynda eitt ríki til að Þýzkaland geti aftur byggt upp herafla og notað iðnað sinn till vopnaframleiðslu enn á ný. Til að ná þessu markmiði hefur reglum ESB verið breytt, þannig að neitunarvald verður tekið af þjóðum en meirihluti (eftir sérstökum reglum) ræður. Þannig losa Þjóðverjar sig við óþægilega Englendinga, sem eru allt annað en hressir með, að Þýzkalandi verði enn á ný gert kleyft að auka hermátt sinn, sem þeim var bannað samkvæmt skilmálum við lok seinni heimsstyrjaldarinnar. Framtíðarsýn þessa hóps fellur alveg að sambandsríkjahugmynd framkvæmdastjórnar ESB, sem endanlega vill leysa upp sjálfsákvörðunarrétt þjóða, sem aðild eiga að sambandinu. Framkvæmdastjórn ESB er að verða jafnvaldamikil og á sömu forsendum og konungar miðalda í Evrópu. Almenningur getur ekki sett þá af, þótt flestir vildu.

Friðarverðlaun Nóbels í ár eru álíka fáranleg og að veita hönnuðum TITANIC verðlaun fyrir frábært öryggi á meðan heimurinn allur horfir á skipið sökkva og reynir að bjarga þeim, sem bjargað verður, í yfirfulla lífbáta. Krata- og ESB-klíkan í Noregi notar nafn Alfred Nóbels til að auka ljóma hvers annars en erfðaskrá Nóbels sett í ruslatunnuna.

Tvííj!!!!!

Leggjum niður úthlutunarnefnd Nóbels í Noregi og finnum einhvern annan aðila, sem reiðubúinn er að sýna minningu Alfreð Nóbels lágmarks virðingu.

Gústaf Adolf Skúlason 

Breyta ekki afstöðu Norðmanna

Friðsama Sviss eykur vígbúnað vegna aukins óróleika í Evrópu

Þrátt fyrir að vera friðsöm og sjálfstæð, óháð þjóð, þá eru Svisslendingar að bæta við fjórum herdeildum, sem staðsettar verða víðsvegar um landið til aukins öryggis vegna vaxandi óróleika í Evrópu. Nýjasta heræfing svissneska hersins í september, kölluð Stabilo due, var framkvæmd til að þjálfa hermenn í vörnum landsins, ef stöðuleiki innan ESB færi úr böndunum. Það síðasta, sem Svisslendingar vilja, er að vandamál ESB, steypist yfir litla friðsama landið þeirra.

John R. Schindler prófessor í öryggismálum USA skrifaði nýlega grein á vef sinn The xxcommittee og varar við að slökun hermála eftir fall kommúnismans geti komið sér það illa, að lönd ESB geti átt í erfiðleikum með að halda uppi almennri löggæslu ef kreppan fer á versta veg. Hann segir, að staðsetning nýrra herdeilda í Sviss sýni, að Svisslendingar undirbúi sig fyrir almennan óróleika, vegna kreppunnar í ESB.

Almennt mun vera álitið innan öryggismála í ESB, að ef næsti Anders Breivik mundi ráðast á múslíma í stað venjulegra evrópubúa, gæti ástandið fljótt breyst í hræðilegt ástand. Það er erfitt að sjá, hvernig her minni landa gæti ráðið við almennan borgaralegan óróleika.

"Og biðjið ekki Frænda Sam um aðstoð, þar sem það síðasta sem Pentagon vill, er að dragast inn í uppþot og götubardaga - sérstaklega til að kveða niður uppreisnir múslíma - hvar sem er í Evrópu."

Evruvandi eykur óstöðugleika

Evran er ávísun á stríð

Grikkland er að niðurlotum komið. Ríkið á ekki fyrir útborgun launa eða lífeyris næsta mánuð. Hlutverk stjórnmálamanna í Grikklandi hefur vegna ESB-aðildar og evru verið breytt í hlutverk betlara í skúmaskoti evrusvæðisins. Sama gildir reyndar um flesta stjórnmálamenn ESB. Eigin ríkisstjórn er heimastjórn ESB og vald þjóðþinga í fríu falli. Framkvæmdastjórnin er að gera aðildarríki ESB algjörlega háð sér um leyfa- og peningaúthlutun. Eins og miðstjórn Kommúnistaflokks Sovétríkjanna á valdatíma kommúnismans.

Það kemur að því, að fólk segir hingað og ekki lengra. Hversu miklar fórnir amenningur þarf að færa til að vinda ofan af tilrauninni með Bandaríki Evrópu og evruna er undir valdamönnum ESB og fjármagnseigendum komið. Hingað til hefur engin miskun verið sýnd.

Aftenposten í Noregi birti í gær sína skoðun á ástandinu:

SPÁNN: Búið er að setja hengilása á ruslagáma með matarafgöngum eftir að fátækir leituðu að mat í ruslinu. Bankana vantar 500 miljarða norskra króna til að rétta af rotin húsnæðislán. Hækkun virðisaukaskatts boðaður ásamt 12 % niðurskurði í velferð þegnanna. Stórar mótmælagöngur hafa lamað fleiri borgir. Landið íhugar alvarlega að biðja um neyðarlán frá ESB.

STÓRABRETLAND: Aukinn niðurskurður boðaður. 70 þúsund færri kennarar, 10 þúsund færri lögreglumenn, 30 þúsund færri hermenn. Minnka á gjöldin tilsvarandi 140 miljörðum norskra króna.

ÍTALÍA: Á Sikiley eru látnir ekki grafnir. Heilu héruðin eru á leiðinni í gjaldþrot. Ítalía er með ríkisskuld ca 16 þús miljarði norskra króna. Eða: 1.958 triljónir evra. Um 180 miljarða norskra króna niðurskurður í fjármálum margra ítalskra rannsóknarstofnana boðaður. M.a. lækkar fjármagn um 20% til Large Hadron Collider í Cern í Sviss. Virðisaukaskattur hækkar.

GRIKKLAND: Umfangsmikill niðurskurður, þjóðfélagslegur óróleiki og neyð, stóraukin útbreiðsla fátæktar. Ríkiskassinn að tæmast og yfirvöld geta ekki borgað laun, því ESB hefur enn ekki gefið grænt á næstu útborgun 240 miljarða evra. Forsætisráðherrann Antonis Samaras vill skera niður 11,5 miljarði evra aukalega. Um 90 miljarði norskra króna.

NOREGUR: Noregur er öðruvísilandið. Land sem er með 3730 miljarða norskra króna á bankabókinni eða um 3,7 sinnum árleg fjárlög norska ríkisins. Atvinnuleysið minnkar og er núna aðeins um 2,4%. Í stað niðurskurðar er rætt um nýjar miljarðafjárfestingar t.d. í fleiri barnaheimilum. /gs.

Grikkir komnir að þolmörkum

Hvar er ESB-friðurinn núna? Varaforseti Evrópuþingsins vill senda herlögreglu til Katalóníu

Einn af varaforsetum Evrópuþingsins, Katalóníumaðurinn Alejo Vidal er flokksbróðir forsætisráðherra Spánar Mariano Rajoy í flokknum Partido Popular. Í viðtali við Lavanguardia sagði hann,

 "að segja þyrfti hlutina beint út. Ákvörðunin um þjóðaratkvæði er ólögleg. Hluti ríkisstjórnar Spánar, þingið í Katalóníu, hefur tekið ákvörðun, sem gengur gegn kerfinu.

Áður en ríkisstjórnin dregur málið fyrir dómsstól, þarf hún að hafa samband við forseta Katalóníu Artur Mas og upplýsa hann um, að 'Það sem þú hefur gert er ólöglegt.' Leiðréttu það eða við munum grípa inn í málin. Ef Mas neitar að verða við þeirri ósk mun Spánska þingið greiða um það atkvæði, að Katalónska þingið verði leyst upp og stjórn Katalóníu send heim. Í stað hennar mun sendinefnd frá ríkisstjórn Spánar taka yfir völdin í Katalóníu.

Herlögregla Spánar mun taka yfir hlutverki Mossos d'Esquadra (svæðislögreglunarinnar). Þannig verður það. Ef alþýðan fer út á göturnar, þá verður það þannig. En hún getur bara mótmælt í mánuð. Kröfugöngur metta ekki hungur fólksins. Ef íbúar Katalóníu halda við uppreisnarhug sinn, þá verður ríkisstjórnin að grípa inn í málin á uppreisnarsvæðinu."

Í morgun reyndu fulltrúar Partido Popular að draga úr orðum varaforseta Evrópuþingsins og sögðu hann tala á eigin vegum en ekki flokksins. Alicia Sánchez-Camacho leiðtogi Partido Popular í Katalóníu sagði, að ekkert væri að marka varaforseta Evrópuþingsins, þar sem hann gegndi engri "hárri stöðu" innan flokksins.

Slíkt viðhorf endurspeglar, hversu mikilvægt margir þjóðlegir stjórnmálamenn telja Evrópuþingið vera.

 

Brutust inn í ráðuneyti í Aþenu

Erlend blöð taka eftir því íslenzka andófi sem hið ESB-dygga Fréttablað þegir um!

Evrópusambandið ætlast til þess að styrkþegar sínir og "samstarfsaðilar" eins og háskólar auglýsi ESB með því að flagga ESB-fánanum ekki síður en þjóðfánanum. En bændur á Suðurlandi sýna sinn hug og sinn dug með skiltum sínum: ESB - Nei takk, og þessu taka erlendir blaðamenn eftir, þótt Fréttablaðið og Fréttatíminn "láti sér fátt um finnast" og feli einfaldlega þessa staðreynd.

Eftirfarandi er mjög athyglisvert í frétt Mbl.is um þetta mál:

• Þá segir í umfjölluninni að íslenskir embættismenn hafi varað Steingerði [Hreinsdóttur, umsjónarmanni verkefnisins Katla Jarðvangur í tengslum við gosið í Eyjafjallajökli 2010] við því að það kunni ekki að verða vinsælt á meðal íbúa svæðisins að setja upp skilti með fána Evrópusambandsins en venjulega gerir sambandið þá kröfu að verkefni sem fjármögnuð eru af því séu merkt fánanum. Haft er eftir Steingerði að embættismennirnir hafi sagt að Evrópusambandið vildi að auglýst væri að sambandið hefði veitt fjármagni til verkefnisins en að það skildi að það gæti verið viðkvæmt í augum bænda.

ESB-tröllið neyðist sem sé til að halda sig á mottunni til að styggja ekki landann enn frekar og gerir því ekki sömu kröfur þarna eins og t.d. í Bretlandi þar sem hinn hvimleiði fáni þessa gamla nýlenduvelda-bandalags fær að þjóna auglýsinga- og montáráttu pótintátanna í Brussel, jafnvel á fornfrægum menntasetrum eins og Oxford, Cambridge og St Andrews, sem hvert um sig er meira en 50 sinnum eldra en evran, og vafalítið munu þessar stofnanir lifa evru-tilraunina um margar aldir.

Jón Valur Jensson. 

Varað við óvinsældum ESB-fánans

Lágt er lagst að stela heiðri af verkum Sjálfstæðisflokksins

Össur Skarphéðinsson utanríkisráðherra fer mikinn og slær sér á brjóstið og segir um Jóhönnu Sigurðardóttur:

"Ég held að hennar verði fyrst og fremst minnst fyrir það að hún var forsætisráðherra ríkisstjórnar sem leiddi Ísland út úr kreppunni.“

Íslenska ríkið er í dag meðal skuldsettustu ríkja í Evrópu með yfir 100% af þjóðarframleiðslu í skuldir. Þegar ríkisstjórnin tók við voru skuldir ríkissjóðs næstum engar. Færri hafa atvinnu á lægri launum með hærri skatta núna en þegar "norræna velferðarstjórnin" tók við.

Það efnahagslega kraftaverk á Íslandi, sem utanríkisráðherran segir að sé á vörum sérhvers utanríkisráðherra, sem hann hittir á allsherjarþingi Sameinuðu þjóðanna í New York lýgur Össur Skarphéðinsson að sé verk Jóhönnu Sigurðardóttur:

"Þá geta þeir aldrei frá henni tekið að það var undir hennar forystu sem Ísland náði sér á strik. Það er hennar stóra afrek.“ 

Íslendingar vita, að neyðarlög ríkisstjórnar Geirs Haarde, þar sem stefnu Davíðs Oddssonar að "borga ekki skuldir óreiðumanna" var fylgt, björguðu Íslandi frá gjaldþroti.

Jóhanna Sigurðardóttir og Össur Skarphéðinsson reyndu hins vegar allt hvað þau gátu til að gera þjóðina gjaldþrota með Icesave. Núna gera þau allt til að gera þjóðina gjaldþrota með afhendingu auðlinda landsins til Brussel. 

Lygar á borð við þær, sem Össur lætur út úr sér, þar sem hann eignar Jóhönnu Sigurðardóttur heiðurinn af verkum Davíðs Oddssonar og Geirs Haarde eru þekktar í vörumerkjaheiminum. Þú afritar merki þeirra, sem náð hafa lengst og lýgur því að óvitandi fólki, að það sé þitt merki. Slíkt athæfi er saknæmt að lögum.

Ekki hafa íslenskir jafnaðarmenn mikið til málanna að leggja fyrst þeir þurfa að leggjast svo lágt að tileinka sér verk andstæðinga sinna. /gs

Vangaveltur ósmekklegar á þessari stundu

Ísland þarfnast Frosta Sigurjónssonar á Alþingi

Núna er skýringin komin á kjördæmishrókleik Framsóknarflokksins með flutning formannsins Sigmundar Davíðs Gunnlaugssonar í annað kjördæmi.

Frosti Sigurjónsson er mættur til leiks. 

Það er fagnaðarefni að menn eins og Frosti Sigurjónsson gefa kost á sér í stjórnmálin og Framsóknarflokknum er töluverður fengur af góðum dreng sem Frosta.

Frosti Sigurjónsson er kunnur landsmönnum eftir vasklega framgöngu í baráttu þjóðarinnar fyrir hagsmunum sínum meðal annars í Icesave. Að undanförnu hefur Frosti Sigurjónsson verið ötull talsmaður betra peningakerfis á Íslandi og mun þeirri hreyfingu vera mikill fengur af Frosta á þing, þar sem þar fer maður, sem kann peningamálin og fjármálakerfið. 

Ég óska Framsóknarflokknum innilega til hamingju með þennan liðsstyrk og þér Frosti óska ég alls góðs gengis á komandi Alþingi. 

Gústaf Adolf Skúlason 

Frosti vill leiða Framsókn í borginni

Árni Páll Árnason telur sambandsríki vera merkimiða andstæðinga til að gera ESB fráhrindandi

Í silfri Egils s.l. sunnudag reyndi Árni Páll Árnason að gera lítið úr Illuga Gunnarssyni formanni þingflokks Sjálfstæðisflokksins, sem benti réttilega á, að hann vissi ekki hvort íslenska þjóðin hefði áhuga á því að ganga í hið nýja sambandsríki ESB.

Svar Árna Páls var: "Það er enginn vandi að hengja einhvern merkimiða á Evrópusambandið til þess að gera þá fráhrindandi, kalla það sambandsríki eða eitthvað."

Froða Samfylkingarmanna er mikil og áhættan, sem þeir stöðugt taka er, að áheyrendur þekki ekki neitt til um, hvað sé að gerast úti í Evrópu.

Árni Páll er með þessum orðum sínum í sömu afneitun og flokksbróðir hans Össur Skarphéðinsson, sem telur, að José Manuel Barroso, forseti framkvæmdarstjórnar ESB ætli sér "ekki að leysa upp þjóðríkin!" Um það skrifar leiðarahöfundur MBL. í dag.

Það er með ólíkindum að vera vitni að, hvernig Evrópusambandsumræður eru á Íslandi í dag. Samfylkingin keyrir áfram með lygar um, hvert ESB stefnir og virðast að hluta til komast upp með það, vegna upplýsingaskorts hjá stórnarandstöðu og venjulegu fólki. Illugi Gunnarsson virðist hins vegar hafa tekið við sér eftir fundinn með Árna Pál hjá SUS í síðustu viku, þegar hann taldi það rétt af ESB að stofna sambandsríki til að bjarga evrunni. Núna gefur hann þjóðinni möguleikann á aðkomu málsins en ríkisstjórnin gerir allt til að keyra yfir þjóðina að henni forspurðri.

Það var að sjálfsögðu Barroso sjálfur sem talaði um sambandsríki í ræðu sinni fyrr í mánuðinum, þegar hann útskýrði nauðsyn þess að koma á sameiginlegri stjórn þjóðríkja ESB með flutningi fullveldis fjárlaga ríkjanna til Brussel. En hann vildi fyrir engan mun kalla það "stórveldi" og útskýrði þá, að sambandsríki væri "ríki ríkjanna" í sambandinu. 

Þannig – ef taka á Árna Pál á orðinu – þá er Árni Páll á móti skilningi forseta framkvæmdastjórnar ESB á hvað sambandsríki er.

Ekki fer Barroso sjálfur að hengja merkimiða á ESB til að gera sambandið fráhrindandi?

Finnast meiri lýðskrumarar í þessum heimi en talsmenn Samfylkingarinnar á Íslandi?