Ríkisfjármál Bandaríkjanna á leiðarenda

Bandaríska klukkan tikkar stanslaust með skuldaaukningshraða um 10 miljónir dollara á mínútu. Þú getur smellt til að sjá skuldaklukkuna hér. 

Í grein Sænska Dagblaðsins 28. okt. skrivar Andreas Cervenka, að burtséð frá því, hver verði kosinn næsti forseti Bandaríkjanna, verði sá hinn sami að koma með beisk skilaboð til þjóðarinnar: Þið verðið að borga meira og fá minna. Sem sagt sömu skilaboð og þríeykið í Evrópu kemur með til landa eins og Grikklands, Ítalíu, Portúgals, Spánar og Írlands.

Ár 2007 sagði David Walker ríkisendurskoðandi USA í þættinum 60 minutes:

"Við þjáumst af efnahagskrabbameini. Það stækkar í okkur. Ef við förum ekki í meðferð mun það fá skelfilegar afleiðingar fyrir vort land."

Eftir að viðtalið var sýnt hefur ríkisskuld USA meira en tvöfaldast og skuldar hver Ameríkani meira en meðalárstekjur vinnandi manns. Þessi þróun hefur margversnað eftir að tenging dollars við gull var afnumin.

David Walker, sem í dag leiðir hreyfinguna Comeback America, segir að til þess að skilja stærð vandamálsins verði að leggja saman allar skuldbindingar ríkisins, t.d. lífeyrissjóði hersins og starfsmanna ríkisins og sér í lagi Medicare og velferðakerfið Social Security. Um þetta getur þú lesið á síðu samtakanna hér. Framundan er snarversnandi staða, sem hleypa mun skuldunum yfir 200 % af þjóðarframleiðslu og fjárlagahalla yfir 17 % komandi aldarfjórðung. Þá eru skuldabréf Medicare og Social Security ekki einu sinni tekin með í reikninginn. David Walker segir, að stjórnmálamenn, sem ekki vilja sjá vandamálið séu hluti vandans en ekki lausnarinnar.

"Sannleikurinn er sá að stærsti hallinn í landinu er vöntun á stjórnmálalegri leiðsögn."

Þegar Alan Simpson var spurður í samtali fyrir nokkru, hvað fólk ætti að gera, ef stjórnmálamennirnir geri ekkert í málunum, svaraði hann án þess að hugsa sig um:

"Fáðu þér helli í fjöllunum og lærðu að lifa á vatnsgraut og berjum."

New York Times styður Obama

Ríkisstjórn í bjölluati hjá þjóðinni

Evrópuvaktin skýrir frá því 26. október, að komið hafi fram í skriflegu svari Jóhönnu Sigurðardóttur forsætisráðherra við fyrirspurn frá Atla Gíslasyni alþingismanni sem lagt var fram á þingi fimmtudaginn 25. október, fimm dögum eftir að ríkisstjórnin lagði fyrir þjóðina spurningar í skoðanakönnum um afstöðu til nýrrar stjórnarskrá að:

"Ekki liggur fyrir nein stefna hjá forsætisráðherra eða ríkisstjórninni um hvaða breytingar gera þurfi á stjórnarskránni fyrir eða í kjölfar hugsanlegrar inngöngu Íslands í Evrópusambandið." 

Kom fram að ríkisstjórnin hefur sér til ráðgjafar og stuðnings sérstakan hóp um lagaleg málefni sem "vinni að samantekt varðandi álitamál um stjórnarskrárbreytingar." Björg Thorarensen, lagaprófessor við Háskóla Íslands, er formaður hópsins og jafnframt einn varaformanna viðræðunefndar Íslands við ESB. Hópurinn kom síðast saman 9. janúar í ár.

Stóra spurningin eftir þessar upplýsingar er, hvers vegna það er Jóhönnu Sigurðardóttur og flokki hennar svo mikið kappsmál, að tillögur Stjórnlagaráðs, sem ekki má gera neinar efnislegar breytingar á, á að keyra með látum gegnum Alþingi og kasta framan í kjósendur í Alþingiskosningum næsta vor fyrst til er "alvöru" stjórnarskrárhópur, sem vinnur að "álitamálum" um stjórnarskrárbreytingar.

Á sama tíma og verið er að afnema stjórnarskrá lýðveldisins fyrir nýja ESB-stjórnarskrá með hávaðalátum og stjórnarskrárbroti með ólöglegri kosningu til stjórnlagaþings, skipun stjórnlagaráðs með sama fólkinu til að sniðganga niðurstöður Hæstaréttar kemur forsætisráðherrann fram og talar um sjálfa sig sem arftaka Jóns Sigurðssonar og vitnar í aðra nefnd, sem gera á breytingar á stjórnarskránni fyrir ESB.

Stjórnlagaráð hefur breytt þjóðfundi 2010 í betra bjölluat en bjölluat ríkisstjórnarinnar í Brussel með "kíkja í pakkann" umsóknina. Þjóðinni var þá sagt, að ekki væri verið að sækja um aðild Íslands að ESB, sem komið hefur skýrt í ljós að var og er haugalygin uppmáluð.

Nú er þjóðinni sagt, að tillaga stjórnlagaráðs, sem formaður Samfylkingarinnar vill ekki breyta efnislega, sé engin aðlögun að ESB. Hvers vegna þá í ósköpunum öll þessi læti og kostnaður fyrir ekki neitt?

Halló, Samfylkingin: af hverju þorið þið ekki að segja upphátt, hvað þið eruð að reyna að gera? Hvaða eilífi blekkingarleikur er þetta eiginlega.

Haldið þið virkilega að bjöllutrikkið virki eina ferðina enn???!

gs

Virðingarleysi stjórnlagaráðs fyrir þjóðarsamstöðu; og af bjúgverpli Jóhönnu

Sambandslögin voru samþykkt hér með 90% atkvæða árið 1918. Í þeim var ákvæði um, að til uppsagnar þeirra þyrfti 2/3 alþingis og síðan 75% atkvæði almennings í þjóðaratkvæðagreiðslu. Þarna var vakandi vitund um nauðsyn ÞJÓÐARSAMSTÖÐU um gerbreytingu á grunni samfélagsskipunarinnar. Kærulausir og að stórum hluta reyndar evrókratískir "fulltrúar" (fulltrúar 30 þingmanna!) í stjórnlagaráði spila hins vegar rússneska rúllettu um sjálfstæði þjóðarinnar, með tillögu í 111. grein sinni um heimild til fullveldisframsals til Evrópusambandsins (í raun, þótt ekki sé sagt berum orðum) og það jafnvel þótt eitt einasta atkvæði gæti skilið að, og tryggilega er svo gengið frá því í 67. greininni, að fólkið eigi EKKI heimtingu á þjóðaratkvæðagreiðslu um að snúa þessari ákvörðun aftur til baka. En þetta finnst t.d. "ráðsmanninum" Lýði Árnasyni allt í lagi, það sé þá bara "lýðræðið í verki", ef einföld meirihlutaákvörðun með eins atkvæðis meirihluta leiðir til framsals fullveldis til Evrópusambandsins!!! Þjóðarsamstaða um svo afdrifaríka ákvörðun er víst bara eitthvað til að gera gys að í hugum þessara manna.

Jóhanna Sigurðardóttir reyndi á Alþingi í vikunni að bera saman kosninguna sl. laugardag við eitthvað annað en kosninguna um lýðveldisstjórnarskrána (þar sem var 98% kjörsókn og 95% sögðu JÁ), hún taldi sig geta fundið betri samanburð í kosningunni um sambandslögin 1918, af því að þar hefði kjörsóknin verið 40%. En hún sleppti því viljandi að geta um tvennt: að þá lá þjóðin í sárum vegna spænsku veikinnar, mannskæðrar drepsóttar sem gekk um landi, og átt ekki auðhlaupið á kjörstaði; í 2. lagi var niðurstaðan þar 90% stuðningur við sambandslögin -- ekki 2/3 stuðningur við óljósa og mistúlkanlega 1. spurningu nú, en 1/3 andstaða.

Þannig koma blekkingar Jóhönnu eins og bjúgverpill (boomerang) gegn henni sjálfri.

Notið tækifærið til að lesa þetta líka, ef tími er til: Kristin stjórnmálasamtök lýsa andstöðu við fullveldisframsals-heimild stjórnlagaráðs

  Svo á Gústaf okkar Skúlason frábæra grein í Morgunblaðinu í dag um stjórnarskrármálið:  Stjórnarskrá Bardenfleths - hin síðari

Jón Valur Jensson.

ESB-Þorgerður Katrín gegn Þorkatli lýðræðis- og fullveldissinna

Án raka segir hún fráleitt að slíta aðildarviðræðum. Þó var umsóknin stjórnarskrárbrot, þjóðin ekki spurð, og við bættist: "Innlimunarferlið sem ESB hefur nú dregið okkur í með fulltingi [ríkisstjórnari]nnar er fyrir löngu komið langt út fyrir ramma þeirrar samþykktar sem Alþingi veitti fyrir "aðildarviðræðum" í upphafi. Og við, þjóðin, höfum aldrei verið spurð. Eða erum við kannski ekki þjóðin? A.m.k. virðist enn gæta nokkurs misskilnings þar um eins og hér um árið, því ekkert fáum við að tjá okkur um það fullveldisafsal sem þarna er í vændum og hinar nýju stjórnarskrártillögur galopna fyrir með 111. grein."

Þarna er Þorkell Á. Jóhannsson, flugmaður í Akureyri, í mjög fréttnæmri grein í Mbl. í dag að ræða um ESB í tengslum við þjóðaratkvæðagreiðsluna og þá fullveldisframsals-heimild sem ESB-sinnum tókst að troða í gegn í "stórnlagaráðinu" svokallaða. Eins og hann bendir á, fengu kjósendur ekkert að tjá sig um það fullveldisframsal, og er óhætt að fullyrða, að 66% Íslendinga voru ekki að greiða atkvæði með því. Það sést af þeirri staðreynd, að á báða bóga gerðist það, að menn svöruðu ýmist JÁ eða NEI við 1. spurningunni, þó að nei-menn væru ekki endilega andvígir ÖLLU innihaldi plaggsins og þó að já-menn væru með sama hætti ekki endilega sammála ÖLLU í því. Þar við bætist, að margir voru hreinlega illa upplýstir um þessa grein sérstaklega, m.a. af því að ekkert var fókuserað á hana í spurningunum.

Það er borðleggjandi staðreynd, að á tveimur krítískum stundum hafa Samfylkingar- og ESB-taglhnýtingar á Alþingi VILJANDI KOSIÐ AÐ HALDA ÞJÓÐINNI FRÁ ÁHRIFUM Á ÞEIRRA ILLA ESB-INNLIMUNARFERIL: þ.e.a.s. við umsóknina sjálfa, þegar breytingatillaga var borin fram af stjórnarandstöðu um að umsóknin yrði borin undir þjóðaratkvæði, en þá tillögu FELLDI stjórnarmeirihlutinn; og í 2. lagi var ekki við það komandi, að meirihluti stjórnskipunar- og eftirlitsnefndar Alþingis tæki inn spurningu um 111. greinina um fullveldisframsal, og breytingatillaga sem stefndi í þá átt í þingumræðunni á eftir var einnig FELLD -- svo hræddur er þessi ESB-leiðitami lýður á Alþingi við að þjóðin fái að skoða það mál sérstaklega og greiða um það atkvæði. "Gott og vel," gæti þá einhver sagt; "þar með hafa þessir ESB-þjónar líka svipt sig tækifærinu til að geta sagt þessar ákvarðanir sínar njóta almenningshylli eða hafa á sér mark þjóðarumboðs." Svo er nefnilega ekki, og allan tímann frá umsókninni hafa ALLAR skoðanakannanir sýnt andstöðu þjóðarinnar við að fara inn í Evrópusambandið. Engin tilviljun þess vegna, að Samfylkingarstóðið vill ekki bera þessar áfanga-ákvarðanir sínar undir þjóðina!

Nefndur Þorkell hefur átt margar snjallar greinarnar í Morgunblaðinu, og með góðfúslegu leyfi hans birtast hér tilvitnanir í hans afar öflugu grein í Mbl. í dag, um stjórnlagaráðs-tillögurnar og hinar undarlegu kosningar sl. laugardag, þegar valfrelsi þjóðarinnar um innihaldið var margfalt minna en það sem þjóðinni var bannað að segja álit sitt á.

Hér er beint framhald textans frá Þorkatli (hér efst í færslunni):

Fráleitt verður séð að þetta framlag með stjórnarskrártillögunni sé í samræmi við vilja þjóðfundarins, sem lagði þó til það veganesti sem Stjórnlagaráði bar að vinna með. Fullveldisafsal var sannarlega ekki meðal áhersluatriða þar,* hvað þá að slíkt skyldi gert kleift án samþykkis aukins meirihluta þjóðarinnar. 

* Sbr. orð Ásmundar Einars Daðasonar (hér neðar á vefsíðunni):  Þjóðfundurinn 2010 var afdráttarlaus í afstöðu sinni til fullveldis Íslands og sagði bæði í upphafsorðum og niðurstöðum að stjórnarskráin ætti að vera sáttmáli sem tryggði fullveldi og sjálfstæði þjóðarinnar.

Jón Valur Jensson tók saman.

Telur fráleitt að hætta aðildarviðræðum

ESB hefur ekkert með það að gera, hvað Íslendingar veiða í eigin lögsögu

Það skiptir engu, hvað útgerðamenn í aðildaríkjum ESB kalla okkur. Þeirra mein er, að þeir geta ekki samið sjálfir um hagsmuni sína. Aðildin að ESB hefur slegið úr höndum þeirra eðlilegustu skilyrði til sjálfstæðs atvinnurekstrar. Við höfum áður verið kölluð þjóð hryðjuverkamanna af ríkjum ESB og núna erum við ræningjaþjóð. Hvort tveggja slæmt og ósatt. En óp vina okkar, sem stunda sjávarútveg í aðildaríkjum ESB er í raun neyðaróp til búrókratanna í Brussel, sem eru á góðri leið með að eyðileggja höfin vegna fáranlegrar fiskveiðistefnu, þar sem sjómenn þurfa að henda allt að fjórum sinnum þeim afla, sem þeir taka í land, vegna reglugerðarverks ESB.

Sósíalísk fiskveiðistjórnun ESB setur öll markaðslögmál úr leik eins og síðustu fréttir um uppkaup ESB á fisk á fiskimörkuðum til að halda uppi gerviverði til sjómanna og síðan er fisknum fleygt á haugana. Maria Damanaki sjávarútvegsráðherra ESB fær við ekkert ráðið, þegar stórþjóðir eins og Frakkland og Spánn neita að breyta gegnumrotnu sjávarútvegsstyrktarkerfi ESB, þar sem einstakar útgerðir fá fyrst styrk til að endurbæta skip og síðan annan styrk til að farga því og svo loks þann þriðja til að kaupa nýtt. Íbúar ESB geta alveg verið án sambandsrekinna fyrirtækja eins og þessum ónýtu útgerðum, sem hanga bara til að taka á móti peningum frá ESB. 

Það eru engar smásummur af peningum skattgreiðenda, sem ESB sólundar í þetta kerfi, sem er að ganga af fiskveiðum dauðum í landhelgi ESB. Útgerðarmenn kunna ekkert annað ráð en ráðast á fiskveiðiþjóðir utanvið ESB eins og Ísland og Færeyjar. Vopn þeirra eru heimsvaldahótanir, viðskiptaþvinganir, löndunarbönn og hafnbönn skipa undir íslenskum og færeyskum fána.

Íslendingar þurfa að fara að senda frá sér opinberar yfirlýsingar um ósvífni þessarra árása hins lífríkiseyðileggjandi ESB. 

Íslendingar eiga að gera þá kröfu, að ESB breyti fiskveiðistefnu sinni áður en grundvöllur geti skapast um samstarf á sviði sjávarútvegsmála. Sannleikurinn er því miður sá, að það er ESB sem er fiskveiðiræninginn, sem ætlar að komast yfir gjöful íslensk fiskimið með viðskiptahótunum eða að Íslendingar gangi með í ESB.

Það versta er, að ríkisstjórn Jóhönnu Sigurðardóttur er meðhlaupari ESB gegn hagsmunum Íslands. Íslandi má farga til að ráðherrar ríkisstjórnarinnar komist á launaskrá ESB og fái pláss í betliröðinni til Brussel. Stjórnarskrártillagan er, verði hún samþykkt óbreytt, afhending fiskimiða okkar til ESB þar sem búrókratarnir skipta kvótunum á milli aðildarríkjanna.

Landsmenn berjast á tveimur vígstöðvum: Annars vegar við ofveiðibandalagið ESB og hins vegar við svikula ríkisstjórn landsins.

Vaknið Íslendingar! Það þarf að henda út ríkisstjórninni og velja nýja, svo hægt sé að byrja að byggja upp atvinnulífið aftur og skapa samstöðu gegn heimsveldisyfirgangi ESB./gs 

 

Kallar Íslendinga ræningjaþjóð

STJÓRNLAGARÁÐSTILLÖGURNAR ERU EKKI ÞJÓÐARVILJINN

Þjóðin hefur ekki sett sér neina nýja stjórnarskrá, plaggið er illa unnið og þverstæðufullt. Seint og illa var hún upplýst og sérvaldar ofan í hana vel hljómandi spurningar. Ögmundur og Lilja Mós. eiga heiður skilinn fyrir að benda á það augljósa, að þjóðin var ekki spurð um alvarlegustu mál (fullveldisframsal, opnun á Núbóa og erlend útgerðarfyrirtæki (niðurfelling 2. tl. 72. gr. stjskr.), opnun á erlend glæpafélög) og það grafalvarlegasta (fullveldisframsalsheimildin í 111. gr.) sett fram með villandi hætti og í áróðursbúningi (í þágu friðar ...!) og látið eins og kjósendur fengju alltaf tækifæri til að afturkalla hana, en í 1. lagi er það gríðarerfitt, og í 2. lagi býður 111. gr. ekki leið til þjóðaratkvæðis um afturköllun, og svo sér 67. greinin um hitt að meina þjóðinni að krefjast þjóðaratkvæðis um slíkt!

Esb-sinna-yfirhlaðið "stjórnlagaráð", ólögmætt og umboðslaust nema frá 30 lögbrjótum á Alþingi, bauð upp á þessar trakteringar: LOKUN á að segja upp Schengen með þjóðaratkvæði, LOKUN á þjóðaratkvæði til að segja upp EES-samningnum, OPNUN á að framselja (þess vegna með eins atkvæðis meirihluta) æðsta og ráðandi löggjafarvald til Evrópusambandsins og einnig dóms- og framkvæmdavald (m.a. í sjávarútvegsmálum), en LOKUN á að þjóðin geti heimtað þjóðaratkvæði til að fara þaðan út, OPNUN á erlend glæpasamtök (niðurfelling lokamálsgr. 74. gr. stjórnarskrár Ísands) og OPNUN á útlendinga eins og Nubo sem vilja kaupa hér upp land og OPNUN á spænska útgerðarfursta að kaupa hér upp sjávarútvegsfyrirtæki.

ÞETTA ER EKKI ÞJÓÐARVILJINN, svo mikið er víst, og ÞJÓÐIN VAR BLEKKT OG FÍFLUÐ AF BÆÐI "RÁÐINU", SAMFYLKINGU, viðhengjum hennar og FJÖLMIÐLUM, m.a. Rúv og Útvarpi Sögu, sem kastaði t.d. út þremur þáttagerðarmönnum, bauð ENGUM lögspekingi til umræðna um málin, en "ráðsmönnum" var boðið þangað í löngum bunum, ekki sízt ESB-innlimunarsinnum og sumum aftur og aftur í klukkustundarlöng viðtöl sem síðan voru endurtekin margsinnis í dagskránni! Og litlu skárra var Ríkisstjórnarútvarpið

Jón Valur Jensson.

Skili frumvarpinu sem fyrst

ESB stýrir hönnuðu aðlögunarferli Íslands inn í sambandið - ríkisstjórnin hefur svikið lýðveldið

Aðeins tveimur dögum eftir hina svo kölluðu "ráðgefandi" þjóðaratkvæðagreiðslu, þar sem góður meirihluti þeirra sem kusu lýstu sig samþykka því, að tillögur Stjórnlagaráðs yrðu lagðar sem grundvöllur að "endurbættri" stjórnarskrá, koma skilaboðin frá ESB, að ESB sé reiðubúið að hefja viðræður um "takmarkanir í íslenskum lögum á stofnsetningu í sjávarútvegi og aðgang erlendra fiskiskipa, skráðum í ríkjum sem Ísland hefur ekki gert samninga við um flökkustofna, að þjónustu og höfnum," og "fjárfestingar í sjávarútvegi. "

Það er engin tilviljun, að ESB lætur kné fylgja kviði strax eftir að stór hluti þjóðarinnar hefur verið blekktur til að halda, að tillögur Stjórnlagaráðs séu framhald þess ferlis, sem þjóðfundur lagði ár 2010. Spurningar ráðsins voru leiðandi og þjóðinni sagt, að um "ráðgefandi" kosningu væri að ræða. Strax og niðurstöður urðu ljósar sögðu bæði forsætisráðherra og hagfræðiprófessorinn, formaður ráðsins, að um bindandi niðurstöðu væri að ræða.

Þannig hafa lögmenn, sem fara yfir tillögurnar, fengið skýr skilaboð um, að þeirra verkefni sé ekki að gera tillögur um "efnislegar" breytingar - einungis lagatæknilegar útfærslur. Man einhver eftir Icesave og Lee Bucheit? Bucheit var fyrirlagt að koma ekki með aðrar tillögur, þótt betri væru, því verkefnið var að koma með greiðslusamning! 

Nákvæmlega það sama gildir um tillögur Stjórnlagaráðs, sem eru aðlögun sjálfs stjórnskipulags lýðveldisins að kröfum Lissabonsáttmálans, svo ESB geti tekið yfir Ísland. Í tillögum Stjórnlagaráðs er búið að taka burtu fullveldisákvæði þjóðarinnar og rétt almennra borgara á Íslandi t.d. við afturvirkni skatta svo og ákvæði til verndunar íslenskum hagsmunum í sjávarútvegi og landeigna.

Þessi "skyndilega" breyting hjá ESB, að lyfta ofangreindum köflum úr sjávarútvegskaflanum yfir í samningskafla 3 og 4 er ekki ákvörðun, sem var tekin í gær eða í morgun. Hún var tekin fyrir löngu í hönnuðu aðlögunarferli, sem ESB stjórnar. Búið er að leggja upp alla fléttuna til að komast yfir sjávarauðlind Íslendinga og á borðinu liggja áætlanir tilbúnar með mismunandi viðbrögðum eftir því, hver viðbrögð þjóðarinnar eru.

Íslendingar ættu að vakna upp af blundi sínum og skilja, að sú ríkisstjórn, sem kosin var 2009 er í dag framkvæmdavald ESB á Íslandi. Sú spilling, sem ríkti í bönkunum með mútum til hægri og vinstri áður en rjúkandi peningalausum rústum var fleygt framan í þjóðina, er nú endurtekið með IPA styrkjum frá ESB. Því miður - og það vita þeir hjá ESB - finnast Íslendingar, sem taka borgað fyrir að esba upp Íslendinga hvern gegn öðrum.

Sú rúst, sem verður eftir, þegar ESB hefur tekið yfir lýðveldið, gerir bankahrunið að sólskinsdegi til samanburðar. 

Full þörf er á, að þjóðin og stjórnmálaflokkar og leiðtogar hennar skipi sér í breiða fylkingu til varnar stjórnarskrá lýðveldisins og fullveldis okkar. /gs 

ESB tilbúið að fjalla um kafla 3 og 4

Dómsdagsspámaðurinn varar við fullkomnu hruni

Fjárfestirinn og skilgreinandinn Marc Faber, einn þeirra sem kallast "Dr. Doom", sér ekkert ljós í nálægustu framtíð. Í viðtali við sjónvarpsstöðina CNBC spáir hann "allsherjar upplausn" innan fárra ára.

Marc Faber er þekktur sem rithöfundurinn á bak við fréttabréfið "Gloom, Boom and Doom" og hann varar oft við fjármálakreppu á heimsvísu. 

Faber telur að valdahafar í Evrópu og USA leyfa skuldunum að hækka enn meira. Hann telur, að ríkin byggi upp það háar skuldir að lokum, að allt kerfið hrynji. 

"Annað hvort verða stórar breytingar gerðar með friðsamlegum endurbætum eða með byltingum", segir Marc Faber við CNBC.

"USA nálgast æ hraðar þvílíka byltingu eins og Evrópa."

"Ég held, að við sjáum innan næstu fimm eða tíu árin, algjört hrun í öllum hinum vestræna heimi. Ég tel, að fjárlagahallinn í USA burtséð frá því, hver gegnir embætti í Hvíta húsinu, verði að lokum yfir 1.000 miljarði dollara árlega eins langt og augað sér", segir Marc Faber. /gs

Skuldir ESB-ríkja jukust

Þjóðin tæld í snöruna

Það verður ekki ofsögum sagt að ESB-ríkisstjórnin vinnur öllum höndum að aðlögun Íslands að ESB. Núna er það stjórnarskráin sjálf, sem á að aðlaga. Sú gamla, sem hjálpaði þjóðinni að verða sjálfstætt ríki og losa sig við yfirstjórn Dana, er of sjálfstæð fyrir ESB. Þess vegna verður að vinda ofan af henni alla vankanta og ESB-hindranir svo hægt sé að koma Íslandi inn í sambandsríkið.

Það merkilega við þennan hamagang allan er að ríkisstjórnin og hið svokallaða stjórnlagaráð þykjast vera að halda áfram með hugmyndir þjóðfundar 2010.

Ásmundur Einar Daðason skrifar góða grein í Morgunblaðið í gær, þar sem hann rekur fullveldissögu Íslands og segir m.a. um niðurstöður þjóðfundar 2010:

"Þjóðfundurinn sem haldinn var 6. nóvember 2010 í þeim tilgangi að fá fram viðhorf um meginatriði nýrrar stjórnarskrár sýndi að þjóðin er enn sömu skoðunar þrátt fyrir að liðin sé ein og hálf öld. Þjóðfundurinn 2010 var afdráttarlaus í afstöðu sinni til fullveldis Íslands og sagði bæði í upphafsorðum og niðurstöðum að stjórnarskráin ætti að vera sáttmáli sem tryggði fullveldi og sjálfstæði þjóðarinnar. Þetta skiptir máli þegar talað er um að tillögur stjórnlagaráðs séu bein afurð 1.000 manna þjóðfundar."

 Enn fremur segir Ásmundur Einar Daðason:

Tillögur stjórnlagaráðs fylgja ekki niðurstöðum þjóðfundar 2010. Þær veita heimild til framsals ríkisvalds til alþjóðlegra stofnana á borð við ESB en þó er tekið fram að slíkt skuli vera afturkræft og borið undir þjóðaratkvæðagreiðslu. Annars staðar í tillögum stjórnlagaráðs er fjallað um hvernig hægt sé að kalla fram þjóðaratkvæðagreiðslur um hin ýmsu mál. Þar er sérstaklega tekið fram að ekki sé hægt að krefjast þjóðaratkvæðagreiðslu um lög sem sett eru til að framfylgja þjóðréttarskuldbindingum. Ef svo ólíklega færi að Ísland yrði aðili að ESB þá gæti almenningur hvorki kallað fram þjóðaratkvæðagreiðslu um úrsögn úr ESB né um nokkur mál sem sem heyra undir valdsvið ESB en þróunin sýnir að þeim málaflokkum fer fjölgandi. Almenningur mun heldur ekki geta sagt skoðun sína á neinum málum sem tengjast EES-samningnum og ekki hefði verið hægt að stöðva Icesave-samningana með þjóðaratkvæðagreiðslu.

Þegar ríkisstjórnin ákvað að boða til þjóðaratkvæðagreiðslu um tillögur stjórnlagaráðs var þeim sjónarmiðum ítrekað komið á framfæri á Alþingi að mikilvægt væri að spyrja þjóðina hvort hún væri fylgjandi því fullveldisframsali sem tillögur stjórnlagaráðs gera ráð fyrir. Ríkisstjórnarflokkarnir höfnuðu því alfarið enda ljóst að niðurstaðan gæti sett fyrirfram ákveðna niðurstöðu í uppnám."

"Skoðanakannanir sýna ítrekað að mikill meirihluti Íslendinga er mótfallinn því að við færum ríkjasambandi ESB sjálfstæði þjóðarinnar. Fyrirliggjandi tillögur stjórnlagaráðs veikja verulega fullveldi Íslands. Ríkisstjórnarflokkarnir hafa sagt að verði þessi drög samþykkt eigi þau að fara óbreytt gegnum Alþingi."

Ásmundur Einar Daðason skýtur beint í mark. Stjórnlagaráð sett fram hjá niðurstöðum Hæstaréttar hefur ekki sama grundvöll og ólöglega kosið Stjórnlagaþing, þótt löglegt hefði orðið. En það skiptir litlu máli, því það er sett á fót til að búa til snöru fyrir þjóðina til að taka af henni fullveldið.

Tími til kominn fyrir alla sjálfstæðissinna að mynda breiðfylkingu og stöðva þetta ferli áður en ESB gleypir landið. /gs  

„Er afskaplega stolt af þjóðinni“

Tóbaksmútuhneyksli afhjúpar gjörspillta framkvæmdastjórn ESB

Heilbrigðisráðherra framkvæmdastjórnar ESB, Möltubúinn John Dalli var rekinn úr framkvæmdastjórninni s.l. þriðjudag á meðan rannsóknardeild ESB Olaf athugar bakgrunninn að mútukæru á hendur honum frá sænska tóbaksfyrirtækinu Swedish Match.

Skv. sænska Aftonbladet, sem náði tali af honum nýlega, neitar Dalli öllum ásökunum.

Sagan byrjaði í maí, þegar annar Maltverji að nafni Silvio Zammit hafði samband við Swedish Match og bauð fyrirtækinu, að hann mundi fyrir einar 60 miljónir evra (513 miljónir SEK eða tæpa 10 miljarði íslenskar krónur) geta fengið Dalli til að hætta við nýjar tóbaksreglur, sem banna bragðefni í reykingar og munntóbak. 

Svíþjóð er með undanþágu fyrir framleiðslu SNÚS (munntóbaks), sem er mjög vinsælt og framleitt í ýmsum brögðum. Verði hugmyndir framkvæmdastjórnarinnar að veruleika, verður Swedish Match að taka a.m.k. tvær af vinsælustu tegundum sínum af markaðinum.

Tilheyrir sögunni að Silvio Zammit og John Dalli eru búnir að þekkjast og starfa saman lengi, m.a. var Zummit kosningastjóri Dalli áður fyrr.

Samkvæmt Patrik Hildingsson, upplýsingastjóra hjá Swedish Match, hafði Zammit mörgum sinnum samband við fyrirtækið og sagðist vera fulltrúi Zammit og bað um 60 miljónir evra til að Dalli mundi stöðva nýju tóbaksreglurnar, svo Swedish Match gæti haldið áfram að framleiða allar tegundir tóbaks. Það sem Zammit reiknaði greinilega ekki með, er að enn finnast heiðarlegir Svíar í Svíþjóð. Swedish Match kærði Zammit til rannsóknardeildar ESB Olaf, sem nú hefur sent málið til dómstóla á Möltu og látið Dalli víkja á meðan rannsókn stendur yfir.

Christoffer Fjellner Evrópuþingmaður sagði í viðtali við sænska útvarpið, að kæra sænska fyrirtækisins bæri merki um hugrekki og hann liti það mjög alvarlegum augum, að "spillingin teygir sig alla leiðina inn í framkvæmdastjórn ESB. Ég óttast, að það finnist fyrirtæki, sem hafa valið að borga mútur til að fá fram lagabreytingar sér í vil. Svona getum við ekki haft hlutina í Evrópu."

"Ég vonast til, að þetta sé byrjunin á allsherjaruppgjöri við spillinguna, sem grasserar í öllu ESB-kerfinu", sagði Christoffer Fjellner./gs