Ómótmælanleg staðreynd

Það er gott, að aðalritstjóri ESB-Fréttablaðsins viðurkenni loksins í leiðara,* að þjóðin vill ekki að lýðveldinu verði mokað inn í evrópskt stórveldi.

Rökin gegn Evrópusambandinu varða fyrst og fremst okkar eigið sjálfstæði og fullveldisréttindi, við hefðum minnst allra þjóða að græða á ESB og mestu allra hlutfallslega að tapa –– og höfum nú þegar þurft að berjast gegn ærnum og ófyrirleitnum bellibrögðum þessa stórveldabandalags gegn okkur í Icesave- og makríl-málunum og jafnvel nú síðast í vetur í kolmunna-málinu (ESB vill skerða hlutdeild okkar úr 17,63% í 4,8% í kolmunnaveiði í N-Atlantshafi á þessu ári : http://fullveldi.blog.is/blog/fullveldi/entry/1713658/ ).

* Í Frbl. í dag.

Jón Valur Jensson.

Athugasemdir

[Arnór Baldvinsson, 21.6.2015 kl. 03:18]

Aðild eða ekki-aðild Íslands að ESB er þess eðlis að tvær ríkisstjórnir hafa ekki haft þor til þess að bera það undir þjóðina hvort hún vilji, eða vilji ekki ganga í ESB.  Hugleysi íslenskra ráðamanna til þess að bera þetta undir þjóðaratkvæði er þjóðarskömm.  Ég er á móti ESB aðild, en þetta dæmi er hreinlega fáránlegt eins og að því hefur verið staðið í stjórnartíð tveggja síðustu ríkisstjórna.  

Kveðja

[Már Elíson, 21.6.2015 kl. 10:19]

Þetta er ekki hugleysi, Arnór..Þeir hafa einfaldlega mestu að tapa sem geta haldið uppi 23% meðalvöxtum, vöxtum, vaxtavöxtum og öðru okri á lítilli gerspilltri eyju í Atlantshafi, eyju sem hinsvegar getur ekki einu sinni státað af heilbrigðu hagkerfi, almennilegu heilbrigðiskerfi eða malbikað götur hjá sér þrátt fyrir kjaftfulla banka og lífeyrissjóði af peningum sem hafa verið mergsognir af þegnum lénsherranna...

[Jón Valur Jensson, 21.6.2015 kl. 10:36]

Hér eru engir 23% meðalvextir, Már, þú ferð þar með lygimál.

En vextir eru hér þrefalt til fjórfalt of háir og vel hægt að laga það, ef ríkisstjórnin væri ekki huglaus gagnvart því verkefni að beygja seðlabankastjórann til hlýðni. En við þessar aðstæður heigulsskapar hennar stefnir hann enn í að hækka vexti! Sjá þessa grein: Til hvers að hækka vexti? Hafa menn ekki önnur ráð? (En malbikun gata-gatna skaltu ræða við vinstri vini þína í borgarstjórn!)

Svo þarf hér enga 200+M kr. þjóðaratkvæðagreiðslu um málið, Arnór, það nægir ef ríkisstjórnin notar þingmeirihluta sinn til að leggja fram þingsályktunartillögu um, að Alþingi vilji afturköllun umsóknarinnar þegar í stað. 

Sem flestir ættu að lesa grein Styrmis í dag: 

Ríkisstjórnin verður að skýra stöðu aðildarumsóknarinnar fyrir þinglok