Bragð er að þá barnið finnur - Össur gagnrýnir Evrópusambandið vegna Grikkja!

„Sekt eða ábyrgð ESB ligg­ur í því, að all­ir vissu þetta. Það voru póli­tík­us­ar ESB sem settu kík­inn fyr­ir blinda augað, vit­andi vits að Grikk­ir voru að svindla. Þess vegna ligg­ur mik­il ábyrgð á þeim. Það rétt­læt­ir kröf­una um að þeir taki hluta skuld­anna á sig,“ seg­ir Össur [Skarphéðinsson í Facebókar-færslu] og bæt­ir við, að þegar Grikk­ir hafi kom­ist í þrot 2009 hafi hik, taf­ir og ráðleysi ein­kennt viðbrögð Evr­ópu­sam­bands­ins. (Mbl.is)

Össur hefur áttað sig á því, að það er ekki hægt að afneita altöluðum staðreyndum alþjóðlega um þetta Evrópusamband hans!

Hvað verður nú af þeirri meintu "röksemd" Evrópusambands-innlimunarsinna á Íslandi, að ESB sé frábær valkostur til að losna við spillingu og aðra galla á íslenzkri stjórnsýslu? Hvað um þá staðreynd, að þetta er ekkert síður til staðar í hinu oflofaða Evrópusambandi, bara í miklu gígantískari mynd?!

Látið nú af þessari einsýni ykkar og ofdýrkun á þessu átrúnaðargoði ykkar, gyllta kálfinum í Brussel, Evrópusambandssinnar!

Jón Valur Jensson.

Pólitíkusar sekir en ekki almenningur

Árni Páll Árnason fer með fleipur um stuðning verkalýðs við ESB-umsókn

Á sama tíma og Bretar færast nær því að ganga úr ESB, nái íhaldsstjórnin ekki hag­stæðari aðild­ar­skil­málum handa Bret­um, býður Árni Páll upp á lygimál í ESB-Fréttablaðinu í gær:

• "ESB-umsóknin hefur ekki spillt fyrir samstarfi [Samfylkingarmanna] við verkalýðshreyfinguna, enda umsóknin átt mikið fylgi meðal verkalýðshreyfingarinnar."

Þetta er nú djörf skreytni! Margítrekað hefur komið fram í skoðanakönnunum, að meðal þess meirihluta Íslendinga, sem er andvígur Evrópusambands-inntöku landsins, eru verkalýðsstéttirnar og landbyggðarmenn mun öflugri í andstöðunni heldur en háskólagengnir og fólk á höfuðborgarsvæðinu.

Að "verkalýðsrekendum" hafi tekizt að sölsa undir sig stéttarfélög og einkum ASÍ, auk lífeyrissjóðanna, með afar þunglamalegum, ólýðræðislegum framboðs- og kjörreglum, eru engin meðmæli með því, að menn taki mark á ESB-stuðningsyfirlýsingum Gylfa Arnbjörnssonar hagfræðings, forseta ASÍ, og fylginauta hans (t.d. Ólafs Darra hagfræðings) og á Evrópusambands-meðvirkni þessara verkalýðsforingja, sem fram hefur komið m.a. í því að hvetja meðlimi hreyfingarinnar til Brusselferða, þar sem matur og vín er borið í þá, í fínasta hótelplássi, ásamt áróðurs-innleiðslu þeirra í glæsihöllum valdsins; svo eru þeir leystir að auki úr hlaði með drjúgum "vasapeningum"! Hefur Jón Bjarnason, fv. ráðherra, fjallað á afhjúpandi hátt um þau síðastnefndu málefni, tókst jafnvel að þrýsta grein um það inn í sjálft Fréttablaðið (grein sem þó var að sjálfsögðu ekki slegið upp á leiðaraopnunni eins og greinum þeirra sem eru í "náðinni" hjá Jóni Ásgeiri).

Við skulum minnast þess, að sjálfur foringinn Gylfi Arnbjörnsson var einn þeirra sem studdu bæði Icesave II- og Icesave III-samningana, þvert gegn þjóðarhag, en þókknaðist vitaskuld með því Brussel-herrunum. Fyrrnefnda ömurlega samninginn, sem ekki sízt atvinnurekendur studdu, auk Gylfa, Margrétar Kristmannsdóttur, Vilhjálms Þorsteinssonar í CCP, Gylfa Magnússonar prófessors í hagfræði, Gylfa Zoëga hagfræðings, Þórólfs Matthíassonar hag­fræðings, Más Guðmundssonar, hagfræðings og seðlabankastjóra, og Ólafs Þ. Stephensen, felldi þjóðin með 98% atkvæða!* Ekki lét Gylfi sér það að kenn­ingu verða, heldur studdi líka Buchheit-samninginn (Icesave III),** sem nú væri búinn að kosta þjóðina um eða yfir 80 milljarða kóna og það í einbera vexti, óafturkræfa,*** hvað svo sem kemur út úr þrotabúi Landsbankans gamla! 

Guðmundur Gunnarsson, fv. form. Rafiðnaðarsambands Íslands, tók sérstaklega fram, að já við Icesave-samningnum væri "forsenda þess að hægt sé að vinna upp þann kaupmátt sem hefur tapast"!** Góður í öfugmælunum karlinn!! En hann var í Áfram-hópnum, sem beitti sér fyrir því máli með öflugri auglýsinga­herferð (hlálega myndskeyttri!)** og þáði til hennar 20 milljóna styrki, m.a. frá samtökum atvinnurekenda. (Áfram-hópinn getið þið séð hér á mynd þar sem það fólk leggur nöfn sín og æru við það, að við ættum að borga Icesave!**)

* http://thjodarheidur.blog.is/blog/thjodarheidur/entry/1290081/

** http://thjodarheidur.blog.is/blog/thjodarheidur/entry/1286385/

*** Sjá hér samantekt og útreikninga Daníels Sigurðssonar véltæknifræðings: http://samstadathjodar.123.is/

Jón Valur Jensson.

Cameron leggur upp skákina

10.000 manns mótmæla við Seðlabanka Evrópu (ESB) í Frankfurt. Bankinn grýttur og kveikt í lögreglubílum

Þetta er nú sælubanki evrusinna á Íslandi, bankinn sem sendi fulltrúa sinn í gerðardóm til að dæma Ísland sekt og greiðsluskylt í Icesave-máli! En sjáið þetta:

News for Frankfurt Central Bank

BBC News

Germany riot targets new ECB headquarters in Frankfurt BBC News - 5 hours ago Police cars were set alight and stones were thrown in a protest against the  opening of a new base for the European Central Bank (ECB). Protesters and the Police Clash Near ECB's New Headquarters New York Times - 8 hours ago Protesters, police clash near new European bank HQ in Frankfurt Reuters - 1 hour ago

Þetta gera að vísu uppivöðslusamir vinstri menn, þýzkir og úr öðrum löndum, en margir þeirra reiðir vegna meðferðar ECB á Grikklandi. Vinstri menn á Íslandi mættu skoða betur gagnrýni þeirra, í það minnsta fremur en að slefa yfir evrunni og bankanum hennar. --PS. Fregnum ber ekki alveg saman um mannfjöldann; Reuters er með mun lægri tölur (smellið á þá frétt, enda margt "grafískt" þar!). --JVJ.

Gunnar Bragi og aðrir ráðherrar gefa ESB valdið, ekki Alþingi!

"Það er Íslands að ákveða hver ná­kvæm­lega staða lands­ins er gagn­vart Evrópusam­band­inu,“ segir ut­an­rík­is­ráðherra Lett­lands, en Gunnar Bragi vill láta ESB jarða umsóknina! Valdið til þess vill hann ekki gefa Alþingi, heldur afleitustu fjandvinum okkar, sem hingað til hafa reynt sitt til að níðast á þjóðréttarlegri stöðu okkar í Icesave- og makrílmálunum, með hundraða milljarða tapi fyrir þjóðarbúið, ef ESB hefði tekizt ætlunarverkið.

Einfeldnin er ekki lítil að halda Evrópusambandið munu binda enda á þessa ólögmætu umsókn Össurar og félaga á Alþingi 2009! Margfalt stjórnarskrárbrot var þá framið, m.a. gegn 48. gr. stjórnarskrárinnar, þegar þingmenn Vinstri grænna voru þvingaðir til að kjósa með þingsályktunartillögunni þvert gegn sannfæringu sinni, og ennfremur með skýru broti Össurar gegn fyrirmælum 16.-19. gr. stjórnarskrárinnar um meðferð mikilvægra stjórnarráðstafana, eins og oft hefur verið rakið hér áður á þessari vefsíðu.

ESB mun ekki vinna verkið fyrir Gunnar Braga; Brusselmenn og stórveldin í Evrópu vilja ná okkur inn og munu vitaskuld beita til þess slægð að auki, 500-faldri á við það, sem íslenzk stjórnmálastétt hefur getu til.

Og Össurarumsóknin hefur enn ekki formlega verið dregin til baka, hún liggur enn fyrir Evrópusambandinu, og Árni Páll hefur í dag lýst því skýra áformi sínu að biðja bara um framhald aðildarviðræðna, ef hann og flokkur hans komast aftur til valda. Jafnvel formaður utanríkismálanefndar, Birgir Ármannsson, og forseti Alþingis, Einar K. Guðfinnsson, bera því vitni, að ESB-umsóknin sé enn í gildi, þar til Evrópusambandið hafi tekið ákvörðun um annað!

Þvílíkt sjáfsálit hefur þessi ríkisstjórn að geta ekki tekið ábyrgð á sínum verkum, heldur leggur það í hendur hagsmunasambands stórvelda, sem vilja komast yfir okkur, að taka ákvörðun um það, sem Alþingi á að fá að ákveða!

Gunnar Bragi þarf hér að gæta sóma síns, svíkjast ekki um í starfi, gagnvart kjósendum sínum og þjóðinni, og bera þess í stað fram þingsályktunartillögu um að draga umsóknina formlega til baka.

Það er laukrétt hjá Árna Páli í þingræðu í dag, að einmitt með því að leggja fram slíka þingsályktunartillögu í fyrra bar Gunnar Bragi því vitni, að hann taldi þá sjálfur Össurarumsóknina ennþá vera í gildi!

Jón Valur Jensson.

 

 

Skiptir sér ekki af umræðunni

ESB-vísa af Jóni Baldvin Hannibalssyni

Er ekki um að gera að gera að gamni sínu í góða veðrinu? Þar varð til þessi bragur í tilefni af viturlegum ummælum JBH um Evrópusambandsmál:

    

• Bragð er að þá Jón Baldvin finnur,
• Brussel skammar og Össur með.
• Eitt sinn var hann þó yfrið stinnur
• ESB-maður, en hefur nú séð
• ljósið, horfandi´ á Híberníu
• hafandi skaðazt af evrómaníu;
• og ekki´ eru skárri ófarir Spánar,
• „Evrópuvonirnar“ dánar ...
• ef enginn þeim lengur lánar!

 

Híbernía er, eins og allir vita, gamalt nafn á nágrannalandi okkar Írlandi. Þar öfunda menn Íslendinga vegna okkar sveigjanlega gjaldmiðils, sem hefur komið sér vel fyrir útflutningsatvinnuvegina og stórauknar ferðaþjónustutekjur. Sjálfir eiga Írar orðið tiltölulega lítinn part í íbúðum sínum.

Og ekki er ástandið á Spáni að hrópa húrra fyrir. Jón Baldvin spáir því, að senn komi að „uppreisn almennings" á Spáni, rétt eins og í Grikklandi.

Jón Valur Jensson.

Fórnarlömb sjúks fjármálakerfis

Jón Baldvin: ESB er í margs konar krísum og Ísland er ekki á leið þangað inn

Vinsælasta fréttin á Eyjunni á hádegi 2. marz er þessi:

Jón Baldvin Hannibalsson.

„Evrópusambandið er í fjármálalegri krísu sem er bæði bankakrísa og skuldakrísa. Evrópusambandið er í hagstjórnarkrísu, þú nefndir Þýskaland, vegna þess að pólitíkin sem Þýskaland hefur þröngvað upp á Evrópu sem er niðurskurður á félagslegri þjónustu og hækkun skatta í jaðarríkjunum hefur ekki skilað neinum árangri. Hún hefur haft þveröfug áhrif sem allir áttu að hafa lært af reynslu heimskreppunnar á sínum tíma,“ segir Jón Baldvin Hannibalsson, fyrrum utanríkisráðherra sem segir Ísland ekki á leið í Evrópusambandið.

Jón Baldvin var gestur Eyjunnar á Stöð 2 í dag þar sem hann ræddi meðal annars utanríkismál og stjórnmálin hér heima fyrir.

[Sleppt er hér orðum JBH um málefni Rússlands og um innanlandsmál.]

Um heimsmálin almennt sagði Jón Baldvin að Ísland og fleiri ríki um allan heim væru fórnarlömb sjúks fjármálakerfis. Öllum hömlum og böndum hafi verið sleppt af fjármálakerfinu sem vaxið þjóðríkjum yfir höfuð og hafi nú heiminn að viðfangsefni. Uppreisn almennings í Grikklandi, og fljótlega á Spáni að því er Jón Baldvin telur, sé til komin vegna þess að stjórnmálakerfið hafi algjörlega brugðist og leyft fjármálakerfinu að byggja upp gríðarleg völd. Í stað „fúnkerandi lýðræðis“ sé búið að koma á auðræði. [...]

Viðtalið allt má sjá hér að neðan“ [hér allra neðst].

Þetta er einkar athyglisvert innlegg Jóns Baldvins í umræðu um Evrópusambandið og það á sama tíma og Sigmundur Davíð Gunnlaugsson forsætisráðherra boðar (skv. frétt Bylgjunnar í hádeginu þennan 2. marz 2015), að í næstu viku megi búast við framlagningu frumvarps ríkisstjórnarinnar um afturköllun umsóknarinnar um inngöngu í Evrópusambandið.

Sömuleiðis kemur þetta helgarviðtal þeirra Björns Inga Hrafnssonar í kjölfar heilsíðu-auglýsingar félagsskapar, sem tekið hefur sér nafnið „Viðreisn“, í vinstrablaði gamla Smuguhópsins, Reykjavík, sl. laugardag 28. febrúar. Þar tínir þetta félag harðra ESB-inntökusinna til „12 rök“ fyrir stefnu sinni, en verðug svör fekk sú fráleita auglýsing samdægurs á vef Heimssýnar í þessari grein: Tólf rök gegn inngöngu Íslands í ESB? Menn lesi endilega þá Heimssýnargrein, en þar bætti undirritaður við þessari athugasemd:

Hér mætti enn bæta miklu við þessi rök greinarinnar, og það verður gert. En greinin er góð. Hafið heilar þakkir fyrir!

Einu má þó bæta við strax: ESB-þingið í Strassborg og Brussel fer ekki eitt með löggjafarvald. Það gerir í vissum skilningiframkvæmdastjórn Evrópusambandsins líka, þar sem hún, en ekki einstakir þingmenn á ESB-þinginu, hafa leyfi til að bera fram lagafrumvörp. Ísland gæti t.d., væri það ESB-meðlimur, EKKI borið fram neitt frumvarp á ESB-þinginu!

Ekki nóg með það, heldur er ráðherraráð Evrópusambandsins (í Brussel) LÍKA með löggjafarvald og það beinlínis. En þar yrði atkvæðavægi Íslands jafnvel margfalt minna en í ESB-þinginu í Strassborg og Brussel, það yrði 0,06% (og minnkandi, ef ríkjum í ESB fjölgar).*

Viðreisnin, sem hér hófst um 1960 (viðreisnarárin), bar nafn með rentu og lagði mikilvægan grunn að eflingu þróttmeira atvinnulífs á Íslandi og leysti þjóðina úr ýmsum höftum. En þarna í þessum nýja félagsskap í auglýsingunni er um að ræða hóp, sem vill EKKI sjálfstætt og öflugt íslenzkt hagkerfi, heldur múlbundið erlendum stórveldum, gömlu nýlenduveldunum fyrst og fremst (tíu slík ráða yfir 73% atkvæðavægis í ráðherraráðinu**). Þar á meðal eru ríki sem hafa beitt sér harkalega gegn okkur í landhelgisstríðunum, Icesave-málinu og (ESB í heild, auk ofríkis þess í Icesave-málinu***) í makrílveiðimálinu. Það yrði sízt neitt lát á yfirganginum með því að fela þeim öll æðstu völd yfir okkur!

Hópurinn nýi, "Viðreisn", stendur ekki undir nafni, hann er með hjákátlegum hætti að reyna að ræna sér gloríu út á gamalt og gott nafn, en stefnir sjálfur með lymskulegum áróðri sínum að afsali fullveldisréttinda Íslendinga í löggjafarmálum, dómsvaldi og framkvæmdavaldi yfir okkar 850.000 ferkílómetra yfirráðasvæði í Atlantshafinu!

* Sjá hér: Haraldur Hansson: Ísland svipt sjálfsforræði

** Sjá hér: Tíu aflóga nýlenduveldi ráða lögum og lofum í Evrópusambandinu

*** Sjá hér: ESB (útópía sumra!) vann harkalega gegn Íslandi í Icesave-málinu (og auk þess, sem þar er rakið um yfirgang ESB í málinu frá byrjun, gerðist það líka meðaðili að málsókn Breta og Hollendinga gegn okkur fyrir EFTA-dómstólnum -- þar sem þessi þrjú ofríkisöfl urðu á endanum að lúta í lægra haldi fyrir lagalegum rétti Íslendinga!).

Jón Valur Jensson, 28.2.2015 kl. 16:19.

 

Vefslóð Eyjufréttarinnar er hér: Jón Baldvin: ESB er í margs konar krísum og Ísland er ekki á leið þangað inn

... og viðtalið á skjánum:  

Hægur bati á evrusvæðinu

Nýjustu yfirskinsrök ESB-inntökusinnans

Kænn skriffinnur Fréttablaðs, Andrés Pétursson, hefur predikað árum, ef ekki áratugum saman, það sem í reynd er innlimun í ESB, þar sem við réðum jafn-miklu og heimiliskötturinn í húsi okkar. Vitaskuld liggur sá áhugi hans að baki þessari útsmognu grein hans í Fréttablaði dagsins: að vilja halda umsóknar­málinu opnu á næstu árum fyrir tilkippilega landsölu­flokka á Alþingi, en hér undir því yfir­skini, að við þurfum á þessu að halda gagnvart Norðmönnum!

Innlimunarhugsjón hans er að sjálfsögðu frágangssök gagnvart því að taka mark á slíkum málsvara stórveldis, sem ítekað hefur reynzt fjandsamlegt okkur, var það eindregið í Icesave-málinu með alls kyns þrýstingi (líka í EFTA-réttinum, þar sem þessir ranglætismenn þó töpuðu!) og felldi meira að segja einhuga sinn prívat-áfellisdóm yfir okkur í því máli í "gerðardómi" síðla hausts 2008, þar sem fulltrúar framkvæmdastjórnar ESB, Seðlabanka (ESB)Evrópu og ESB-dómstólsins áttu sína fulltrúa, en Árni Mathiesen, ráðherra okkar, hafði vit á að skipa EKKI Íslending í þann stórhættulega "gerðardóm".

Eins hefur ESB beitt sér af hörku gegn okkur í makrílmálinu, og við hefðum ekki haft okkar yfir 100 milljarða tekjur af þeim fiskveiðum, ef við hefðum verið í þessu stórveldabandalagi.

Og þá er það þessi óþurftar-EES-samningur, sem gaf ævintýramönnum færi á útrásinni og var í raun það helzta sem olli okkar bankahruni. Undirritaður er fjarri því að vera einn um að vilja að við segjum upp þeim samningi, en í þessari útsmognu grein Andrésar, þar sem hann uppteiknar "samninga­viðræður" við Evrópusambandið sem björgunarhring fyrir okkur til að þurfa ekki að lúffa fyrir Norðmönnum vegna greiðslna til fátækra ESB-landa, þar ber hann því þó sjálfur vitni, að það er þetta sama Evrópu­sam­band sem er SJÁLFT að krefjast 6 og hálfs milljarðs króna af okkur í þessa hít í Austur-Evrópu, sem kemur okkur hreint ekkert við! 

Aldrei hefur sézt nein reikningsúttekt á meintum hag okkar af EES-samn­ingn­um, og ljóst er reyndar að í tengslum við bóluárin og hrunið og afleið­ingar þess töpuðum við GÍGANTÍSKT á honum. Því segja nú margir ekki aðeins: Niður með ESB-umsóknina, heldur einnig: Burt með EES-samninginn, og skoðum svo Schengen-samninginn líka! (sbr. frétt af ummælum Frosta Sigurjónssonar o.fl nú í vikunni).

Jón Valur Jensson.

Full ástæða til að draga ólögmæta umsókn Össurar strax til baka - Gunnar Bragi gæti sóma síns!

Af þeim, sem afstöðu taka meðal aðspurðra í nýrri Capacent Gallup-könnun fyrir ESB-samtökin "Já Ísland" (sic!), vilja 68% þeirra sem styðja Sjálfstæðis­flokkinn að umsóknin að Evrópusambandinu verði dregin til baka, en 85% þeirra sem styðja Framsóknarflokkinn vilja að umsóknin verði dregin til baka.

Þetta gefur því enga ástæðu til að efast um, að ríkisstjórnarflokkarnir gera rétt í því að fylgja eftir stefnu flokksþinga sinna, í fullu umboði flokksfulltrúa, og flytja sem fyrst frumvarp um slíka afturköllun Össurar-umsóknarinnar, sem var raunar gróft brot gegn 16.–19. gr. stjórnarskrár lýðveldisins.

Öll tregða og lufsuháttur af hálfu utanríkisráðherra í þessu máli mun vinna gegn honum meðal kjósenda í næstu kosningum. Flytjist hann til Brussel á hæstu ofurlaunum, verður það honum til ævarandi skammar.

Jón Valur Jensson.

„Málið hjá utanríkisráðherra“

Afskiptasemi "Félags atvinnurekenda" er jafn-vitlaus og hún er óviðeigandi

Ómark er að ákalli sex manna stjórnar FA sem líklegt er að ÓLAFUR STEPHENSEN, frkvstj. FA (áður ritstjóri ESB-Fréttabl.), hafi samið eða fengið í pósti frá BRUSSEL.

 

Í stjórn Félags atvinnu­rek­enda eiga sæti: Birgir S. Bjarnason, form., frkvstj. Íslensku umboðssölunnar, Anna Svava Sverrisdóttir, fjármálastjóri Fítons, Bjarni Ákason, frkvstj., Epli.is - Skakkiturn, Guðný Rósa Þorvarðardóttir, frkvstj. Parlogis, Halldór Haraldsson, frkvstj. Smith & Norland, og Magnús Óli Ólafsson, forstjóri Innness.

 

Þessir sexmenningar, sem eru ekkert merkilegri en hverjir aðrir, eiga ekkert með að setja ríkisstjórn Íslands stólinn fyrir dyrnar og mættu gjarnan passa sig á því að ofmetnast ekki þegar þau freista þess ábúðarmikil að flagga nafni þessara samtaka sinna.

 

Svo er hlálegt að byggja þetta ákall sitt á meintu gildi evrunnar, sem hefur átt í miklum vandræðum og ekki sízt nú, þegar a) prentun hennar er aukin í gríð og erg, eins og það er nú gæfulegt, og b) Grikkir eru vísir með að detta út úr evrusvæðinu og það sjálft jafnvel að gliðna sundur í beinu framhaldi. So much for "stability"!

 

Þá mættu þessir sexmenningar gjarnan reyna að ímynda sér, hvernig farið hefði, ef Ísland hefði verið með evruna við bankahrunið. Eitt er víst, að okkar stórauknu útflutningstekjur af sjávarútvegi og ferðaþjónustu komu að miklu leyti til vegna sveigjanleika krónunnar og bættrar stöðu okkar á mörkuðum vegna þess.

 

Þar fyrir utan lýsir það vitaskuld algerri skammsýni, ef ekki LOKUN, að horfa bara til peningamála í sambandi við Evrópusambandið. Það hefur ekkert ríki grætt á því að afsala sér æðstu ráðum um sína eigin löggjöf, dómsvald og framkvæmdavald.

 

Svo mega þessir sexmenningar minnast þess, að Össurarumsóknin, sem þeir vilja halda í, var ekki aðeins ólögmæt, heldur beint stjórnarskrárbrot. Ætli þeir hafi klórað sér í kollinum yfir því?

 

Jón Valur Jensson.

 

Mótmæla afturköllun aðildarumsóknar

Menn (og sérstaklega ráðherrar) ættu að lesa þessa grein formanns Heimssýnar!

• Okkur sem stóðum í eldlínunni í stjórnmálum síðasta kjörtímabili er ljóst að barátta Framsóknar­flokksins gegn umsókn og aðild að Evrópu­sambandinu skóp þeim kosninga­sigurinn vorið 2013.
• Með andstöðu sinni við umsóknina að ESB náðu þeir til baka megin­hluta þess fylgis sem þeir höfðu áður tapað til Vinstri grænna á meðan forysta þess flokks var trú stefn­unni og andstöðunni við inngöngu í ESB.

Svo ritar Jón Bjarnason, formaður Heimssýnar og fyrrverandi sjávar­útvegs­ráðherra, á Moggavefsíðu sinni í dag og miðlar þar af reynslu sinni. Réttilega minnist hann líka á Icesave-málið sem þátt í kosningasigri Framsóknar, en sá flokkur var hinn eini á þingi, sem stóð órofa og heill gegn öllum sviksamlegum Icesave-frumvörpum Jóhönnustjórnar og Steingríms.

Samtengd eru þau mál reyndar órofa böndum, og valdstofnanir Evrópu­sambandsins börðust af fullkominni óbilgirni og hörku fyrir ósigri íslenzku þjóðarinnar í Icesave-málinu,* eins og ljóst er öllum, sem þekkja þá sögu. Jafnvel þrátt fyrir sína eigin tilskipun um innistæðutryggingar felldi "gerðar­dómur", skipaður að meirihluta af fulltrúum ESB, úrskurð um, að Íslendingar ættu að borga Icesave-kröfur ríkisstjórna Bretlands og Hollands upp í topp!

Það var síðla hausts 2008, sem þetta dómsmorð var framið, en fjármála­ráðherra Íslands, Árni Mathiesen, hafði borið gæfu til þeirrar ákvörðunar að Ísland skyldi ekki eiga fulltrúa í þeim ofstopafulla gerðardómi.

Það eru verulega góðir hlutir í áminnztri grein Jóns Bjarnasonar og réttmætt tiltal hans til núverandi forystu Framsóknarflokks og Sjálfstæðisflokks. Þið getið lesið grein hans HÉR!

Landsmönnum öllum óskum við á Fullveldisvaktinni farsældar á nýju ári og lausnar undan þeirri langvinnu óværu, sem hinn mikli sundurlyndisfjandi, Össurarumsóknin ólögmæta, hefur verið um allt of langan tíma á baki þjóðarinnar.

* Rétt eins og í makrílmálinu, en lögmætar makrílveiðar okkar í eigin landhelgi hafa gefið af sér rúma 100 milljarða króna í útflutningstekjur – nokkuð sem Evrópusambandið vildi ekki unna okkar heimildar til. Og hrópi nú allir áhangendur þess húrra fyrir þessum ofurgyllta gullkálfi sínum!

Jón Valur Jensson.