Stefna Merkel: Óþjóðlegt stórríki ESB afnemi fullveldi meðlimaríkjanna og opni á innflæði úr Afríku og Mið-Austurlöndum!

1. Ofríkisfull Merkel opin­berar með ræðu sinni í Berlín* stefn­una á evrópskt stór­ríki á kostn­að full­veldis­rétt­inda þjóð­anna. Klár­lega höfðu Bretar rétt fyrir sér með Brexit!

2. "Sjálfs­morðs­samn­ing­ur­inn" er framhald samn­ings EBE við araba­ríki í olíu­krepp­unni um 1972 þar sem viðskipti með olíu voru tryggð gegn leyfi fólks þaðan til að starfa í Evrópu. Nú vilja ágangssamir aðilar (m.a. múslimaríkin) í skrif­stofum SÞ útvíkka þetta til slíks allsherjar­leyfis sem og að viðkomandi innflytjendur gangi beint inn í full borg­ara­réttindi í gistilöndunum!** Það væru greypileg svik við íslenzka þjóð ef stjórnvöld hér undirrita svo óbærilega afdrifaríka og gígantískt kostnaðarsama yfirlýsingu.

* Ræðuna flutti Angela Merkel ríkiskanzlari við athöfn í Aden­auer-stofnuninni í Berlín í vikunni, sagði þar m.a., að þjóðþing aðildarríkja ESB ættu formlega að veita ESB yfirráð yfir ríkjum Evrópu­sambands­ins (skv. frétt þýzka stórblaðsins Die Welt).

** Samninginn um innflæðið ("regular migration") í Evrópu stendur til að "samþykkja í Marókkó 10. des. n.k. Fjölda­mörg ríki neita að skrifa undir "sjálfsmorðs­samninginn", t.d. Sviss, Bandaríkin, Ísrael, Pólland, Austurríki, Eistland, Ungverjaland, Búlgaría, Tékk­land og Króatía. Svíþjóð og mögu­lega Noregur og Ísland ætla að skrifa undir samn­ing­inn", segir Gústaf Skúlason í grein um málið, en það væri hrapalleg gjörð, sem stjórnvöld hér hafa ekkert umboð til að samþykkja.

    

Jón Valur Jensson.

Merkel tekur Brexit-samningnum fagnandi

Athugasemdir

[Hörður Þormar, 24.11.2018 kl. 15:07]

 Angela Merkel er að draga sig í hlé út úr pólitíkinni.

Líklegastir keppinautar í stöðu hennar eru Annegret Karrenbauer og  Friedrich Merz.

Það er miklu athyglisverðara sem þau hafa að segja heldur en Angela Merkel.

[Jón Valur Jensson, 24.11.2018 kl. 16:13]

Þakka þér ábendingarnar, Hörður, en við getum alveg reitt okkur á það, að þetta eru ekki prívatskoðanir Angelu Merkel. Hún telur sig örugglega ekki hafa til þess neina heimild að tala þarna þvert gegn vilja framkvæmdastjórnar Evrópusambandsins né gegn hagsmunum Þýzkalands eða stefnu eigin flokks.

[Hörður Þormar, 24.11.2018 kl. 17:13]

Karrenbauer virðist fylgja svipaðri stefnu og Merkel.

Friedrich Merz virðist hins vegar hafa nokkuð aðrar skoðanir. Hann hætti í pólitík fyrir u.þ.b. tíu árum vegna ágreinings við Merkel og fór út í viðskiptageirann. Hann þekkir mjög vel til í Bandaríkjunum og hefur stundað mikil viðskipti við þau.

Hann virðist vera mjög ákveðinn maður og vill m.a. harðari stefnu gagnvart innflytjendum.

Ef Merz verður næsti kanslari má búast við breytingum á þýskum stjórnmálum.

[Samtök um rannsóknir á ESB ..., 25.11.2018 kl. 09:48]

Þú ert að sniðganga hér efni greinar þessarar, Hörður, og í raun að draga athygli frá þeim tveimur stóru fréttum, sem hér var sagt frá.

Alveg óháð því, hver verði næsti formaður Kristilega demókrataflokksins, er ljóst, að það eru stórtíðindi, að helzti ráðamaður stærsta ríkisins innan ESB (og með langmesta atkvæðavægið á þingum þess) skuli keyra með þessum hætti á, að meðlimaríkin eigi að afsala sér sjálfsákvörðunarrétti í stærstu fullveldismálum.

Sömuleiðis sniðgengurðu hina fréttina um að reynt er nú (í síðasta lagi 10. des.) að þvinga ESB-þjóðir og EES-þjóðir til að taka á sig þungbærar skyldur til að taka hér við innflytjendum (migrants) ár eftir ár eftir ár án takmarkana og með því að gefa þeim mikil borgararéttindi í hverju viðkomandi landi!

Ennfremur hefur hér ekkert verið minnzt á stórtækar nýlegar staðhæfingar eða áætlanir Merkel um að komið skuli upp "Evrópuher", þ.e.a.s. ESB-her! Þetta stefnir allt hjá henni og samhera hennar Macron sem öðrum í tilurð STÓRRÍKIS ESB.

JVJ.

[Hörður Þormar, 25.11.2018 kl. 21:12]

Ísland er, sem betur fer, ekki í ESB. Evrópuher hefur áður verið til umræðu, en hún kemur okkur ekki við.  

Angela Merkel fylgir stefnu Macrons um að auka völd miðstjórnar ESB á kostnað aðildarríkja. Þessi stefna er afar umdeild og vafasamt að hún verði samþykkt þegjandi og hljóðalaust af öðrum sembandsríkjum. Reyndar skilst mér að Friedrich Merz sé mikill sambandssinni, en veit ekki hvaða stefnu hann myndi taka ef hann yrði næsti kanslari. Mér þykir þó ólíklegt að hann láti Macron stjórna sér.

Varðandi þennan "innflytjendasamning" sem á að fullgilda í Marokkó í næsta mánuði, þá kom ég af fjöllum. Ég hef reynt að kynna mér málið, sem er afar umdeilt innan CDU. Jens Spahn, þriðji frambjóðandinn í leiðtogkjöri CDU, er gagnrýninn á það. Hin tvö, Karrenbauer og Merz, skilst mér að standi bak við Merkel. Ég skil þó ekki þá afstöðu Merz ef hann vill endurheimta fylgi frá Afd.

Reyndar mun Merkel hafa klykkt út með því að segja að þessi fullgilding sé ekki bindandi án samþykktsr sambandsþingsins.