Eru Píratar orðnir ESB-viðhengi?

Píratar standa ekki undir nafni nema sem flokkur sem aðhyllist rán á hugverkum höfunda og á öryggis- og persónuupplýsingum frá leyniþjónustum. Rán eru ein­mitt ein iðja Sikileyjar-mafí­unn­ar, en hví vill þá Birgitta líkja Skagfirð­ing­um eða skagfirzkum framsóknarmönnum við lög­brjóta á Sikiley? Stunda Skagfirðingar glæpastarfsemi? Það er þá eitthvað nýtt eða bara í höfðinu á henni Birgittu.

Öllu alvarlegra en allt þetta er sú stefna Pírata, sem nú virðist uppi á borðum, að beita sér gegn því, að hætt verði umsóknarferlinu að Evrópusambandinu, og þar grípur Birgitta enn einu sinni til billegra meðala eins og þeirra að klína því á ríkisstjórnina, að hún sé bara að þjóna hagsmunum Skagfirðinga og Kaupfélags Skagfirðinga.

Lágt er risið á þessum málflutningi Birgittu. Og hvernig er með hana sjálfa: Vill hún ekki standa með sjálfstæði og fullveldi Íslands? Eru Píratar orðnir enn einn undirlægjuflokkurinn undir erlent vad?

Jón Valur Jensson.

Segir Skagafjörð „Sikiley Íslands“

Athugasemdir

[Ingibjörg Guðrún Magnúsdóttir, 17.5.2015 kl. 19:33]

Já Jón Valur, þessi flokkur Píratar ef flokk skyldi kalla er ekki allur þar sem hann er séður og sorglegt eiginlega hvernig þetta er að þróast vegna þess að það er ekki auðvelt að stofna nýjan flokk og hvað þá að láta hann lifa.

[Jón Valur Jensson, 18.5.2015 kl. 00:25]

Gott innlegg frá þér, Ingibjörg Guðrún !