Ný ríkisstjórn: Aðildarferlið að Evrópusambandinu verður stöðvað þegar í stað

Þetta er mjög ánægjuleg frétt úr Valhöll, höfð eftir Bjarna Ben. sem bætir því þó við, að nánari útfærsla á þessu "verði hins vegar kynnt á næstunni". Nú er bara að vona, að sú útfærsla feli ekkert það í sér sem rekizt geti á fyllstu vonir og væntingar fullveldissinnaðra Íslendinga.

Þá væri einnig gott að frétta af því frá fundarmönnum, hvort upplýsingar um þetta mál hafi ekki verið eitthvað meiri en þessar einar.

Fyrir fundi sjálfstæðis- og framsóknarmanna í kvöld stóðu fullveldissinnar fyrir aðgerð til að minna flokkana á fyrirheitin sem þeir höfðu gefið fyrir kosningarnar, um slit ESB-aðlögunar- og aðildarviðræðnanna. Hér er mynd af vettvangi við Valhöll:

 

og hér við Rúgbrauðsgerðina í Borgartúni:

 

JVJ. 

Aðildarferlið verður stöðvað strax

Athugasemdir

[Birgir Örn Guðjónsson, 21.5.2013 kl. 22:37]

Til Hamingju Ísland !

[Samtök um rannsóknir á ESB ..., 21.5.2013 kl. 23:32]

[Sigurður Haraldsson, 22.5.2013 kl. 08:59]

Vonum það besta.

[Gunnar Sigfússon, 22.5.2013 kl. 09:47]

Þetta hljómar allavegana eins og Framsóknarleiðin, þ.e. að setja viðræður á Ís þar til Þjóðaratkvæðagreiðsla á sér stað (sem verður vonandi fljótlega) :)

[Ingibjörg Guðrún Magnúsdóttir, 22.5.2013 kl. 09:58]

Það er verið að tala um að stöðva þær strax, láta ákvörðun um framhald í hendur þjóðarinnar með Þjóðaratkvæðagreiðslu sem ræður þá með meirihluta hvort þeim verði slitið eða framhaldið.

Það er ástæða til að óska okkur til hamingju með nýja Ríkisstjórn.

[Sleggjan og Hvellurinn, 22.5.2013 kl. 10:51]

Sorglegur dagur.

kv

sl

[Jón Valur Jensson, 22.5.2013 kl. 11:38]

Varðandi þessa staðhæfingu þína, Ingibjörg: "Það er verið að tala um að stöðva þær strax, láta ákvörðun um framhald í hendur þjóðarinnar með þjóðaratkvæðagreiðslu sem ræður þá með meirihluta hvort þeim verði slitið eða framhaldið," hvaðan hefurðu hana? -- Þetta er ekki það, sem landsfundur Sjálfstæðisflokks talaði um, heldur að hætta við viðræðurnar. EF einhvern tímann kemur svo upp það ástand, að þjóðin virðist vilja fara inn í þetta Evrópusamband, þá muni flokkurinn ekki beita sér einfaldlega gegn því, heldur segir hann: Það verður einungis gert, ef í þjóðaratkvæðagreiðslu kemur í ljós, að meirihlutavilji sé fyrir því. Hér hefði ég og fleiri fullveldissinnar raunar viljað hafa aukinn meirihluta, en þetta er þó það, sem flokkurinn samþykkti, og veiztu til þess, að málefnasamningurinn feli í sér, að umsóknin verði ekki beinlínis afturkölluð varanlega? Slíkt væri vitaskuld hráskinnaleikur gagnvart kjósendum þessara flokka.

Gunnar Sigfússon talar hér í líkum dúr og Ingibjörg, án heimildar, sýnist mér.

ESB-sinnuð Sleggjan tjáir hér sorg sína, sem ég deili ekki með henni!

[Jón Valur Jensson, 22.5.2013 kl. 11:41]

... heldur segir hann: Það verður einungis gert, ef í þjóðaratkvæðagreiðslu kemur í ljós, að meirihlutavilji sé fyrir því ...

þ.e.a.s. að sækja um inngöngu á ný, það er það sem ég átti hér við.

[Jón Valur Jensson, 22.5.2013 kl. 11:57]

Á Eyjunni er birt

Gert verður hlé á aðildarviðræðum Íslands við Evrópusambandið og úttekt gerð á stöðu viðræðnanna og þróun mála innan sambandsins. Úttektin verður lögð fyrir Alþingi til umfjöllunar og kynnt fyrir þjóðinni. Ekki verður haldið lengra í aðildarviðræðum við Evrópusambandið nema að undangenginni þjóðaratkvæðagreiðslu. [...]"

--- Þetta tal um "hlé" á aðildarviðræðunum er að mínu mati aulaleg SVIK við stefnu landsfunda þessara tveggja flokka og boðaða stefnu þeirra fyrir kosningar, þá stefnu um að slíta viðræðunum, stefnu sem meirihluti þjóðarinnar gaf þeim umboð til að framkvæma.

Ótrúlegt, hvað erfitt er að treysta stjórnmálamönnum á Íslandi!

[Jón Valur Jensson, 22.5.2013 kl. 11:58]

Á Eyjunni er birt Stefnuyfirlýsing

ríkisstjórnar Framsóknarflokks og Sjálfstæðisflokks. Þar er smákafli einn:

Utanríkismál, þar sem segir m.a. (feitletrun jvj):

"Meginmarkmið íslenskrar utanríkisstefnu er að gæta hagsmuna lands og þjóðar á alþjóðavettvangi. Það er grundvallaratriði í samskiptum þjóða að alþjóðalög séu virt og að þjóðir leysi deilumál með friðsamlegum hætti. Samstarf þjóða er mikilvægt til þess að takast á við þær ógnir sem þjóðir standa frammi fyrir þvert á landamæri og leikreglur alþjóðakerfisins.

Gert verður hlé á aðildarviðræðum Íslands við Evrópusambandið og úttekt gerð á stöðu viðræðnanna og þróun mála innan sambandsins. Úttektin verður lögð fyrir Alþingi til umfjöllunar og kynnt fyrir þjóðinni. Ekki verður haldið lengra í aðildarviðræðum við Evrópusambandið nema að undangenginni þjóðaratkvæðagreiðslu. [...]"

--- Þetta tal um "hlé" á aðildarviðræðunum er að mínu mati aulaleg SVIK við stefnu landsfunda þessara tveggja flokka og boðaða stefnu þeirra fyrir kosningar, þá stefnu um að slíta viðræðunum, stefnu sem meirihluti þjóðarinnar gaf þeim umboð til að framkvæma.

Ótrúlegt, hve erfitt er að treysta stjórnmálamönnum á Íslandi!

[Jón Valur Jensson, 22.5.2013 kl. 12:09]

Hlálegt er líka af Sigmundi Davíð að tala á þessum nótum (rétt í þessu, á blaðamannafundi þeirra Bjarna): "... það [Evrópusambandið] hefur tekið miklum breytingum, frá því að Ísland sótti um"

En ÍSLAND sótti ekki um, heldur mjög naumur meirihluti stjórnarskrárbrjótandi Samfylkingar og stefnuskrár- og stjórnarskrársvíkjandi Vinstri grænna. Þingsályktunin 19. maí 2013 "hlaut samþykki Alþingis með aðeins 33 atkvæðum af 63. Tillögu, um að leita álits þjóðarinnar á þessu afdrifaríka feilspori, var hafnað með 32 atkvæðum. Umsóknin um aðild að Evrópusambandinu var þannig alfarið á ábyrgð þess meirihluta á Alþingi sem studdi ríkisstjórn Jóhönnu Sigurðardóttur. Umsóknin var hvorki á ábyrgð stjórnarandstöðunnar á Alþingi né þjóðarinnar," eins og segir í hinni yfirlýsingu Samstöðu þjóðar, sem birt var HÉR á vefsetrinu.

[Jón Valur Jensson, 22.5.2013 kl. 12:12]

... hinni ágætu yfirlýsingu Samstöðu þjóðar ...

vildi ég sagt hafa