Boris Johnson hefst strax handa við að löggilda Brexit-niðurstöðuna. Sérfræð­ingar hlynntir Breta­stjórn í þessu verða skipaðir í lávarðadeildina

 

Bretland hverfur úr ESB fyrir næstu janúarlok, af öllum innri markaði bandalagsins, og samn­ingurinn sem Boris Johnson náði við ESB gengur í gildi. Við­ræð­ur um önnur samnings­atriði breyta þessu ekki.

Til að tryggja framgang málsins líka í lávarðadeildinni sýna íhaldsmenn ennfremur hug sinn með þessu:

Tories to appoint Brexit supporting experts as peers in a bid to balance the ´remainiac´ House of Lords  (hugtakið "Remainiacs" -- sem hefur kómískan hljóm -- eru þeir, sem enn vilja vera í ESB). En meðal þeirra, sem fá munu sæti í lávarðadeildinni, til að rétta af hlutfallið í samræmi við niðurstöðu þingkosninganna, eru lögfræðingar og sérfræðingar um alþjóðaviðskipti og umhverfismál, sem ríkisstjórnin þarf á að halda til að styðja við lagasetningu hennar til að tryggja endanlega Brexit-útkomu. Meðal tilnefndra eru Zac Goldsmith, áður þingmaður íhaldsmanna í Richmond í Surrey, en Frjálslyndir demókratar náðu af honum sætinu í kosningunum nýafstöðnu; hinn sérfróði Shanker Singham, Brexit-lögfræðingurinn Martin Howe QC og Johnny Leavesley, "a businessman who chairs the Conservatives´ Midlands Industrial Council donor group," eru og nefndir til sögunnar. Og það verður ekkert hikað við að innmúra hinn mikla sigur Brexit-manna og Íhaldsflokksins.

ByCamilla Tominey  Premium-grein þar.

 

 

Hér er Boris Johnson í hópi glaðbeittra helztu stuðningsmanna sinna.

 

Eftirfarandi í The Telegraph er áhugavert fyrir Íslendinga sem lentu í því að kljást við ákveðinn fyrrverandi stjórnmálaleiðtoga brezkan:

Why Gordon Brown bears much of the responsibility for Labour´s current mess 

 

Jón Valur Jensson.

Stórsigur Íhaldsflokksins blasir við í brezku þingkosningunum; Skozki þjóðarflokkurinn stendur sig afar vel, en HRUN í fylgi Verkamannaflokksins

UMSKIPTI eru orðin í brezkum stjórnmálum. Brexit-stefnan er rækilega staðfest sem megin-áhrifa­valdur, en Jeremy Corbyn hefur í því efni sem öðru gert afger­andi glappa­skot; það sýður á flokks­mönnum hans, talað um "borg­ara­styrjöld" í flokkn­um, fari hann ekki frá! Sú stefna hans að taka ekki mark á þjóð­ar­atkvæða­greiðsl­unni um Brexit 2016 féll í grýttan jarðveg, jafnvel hans eigin menn tala um að virða hafi átt þá lýðræðis­legu afstöðu í stað þess að hringla með málið og ætlast til nýrrar þjóð­ar­atkvæða­greiðsl­u um það sem brezka þjóðin hafði þegar ákveðið.

Hvert eftir annað, af langtíma- öruggum kjör­dæmum Verka­manna­flokksins (sum jafnvel nánast svo lengi sem elztu menn muna), hafa nú þegar fallið, kl. hálfþrjú að nóttu, yfir­leitt komin á vald Íhalds­flokksins, en í Skotlandi til Skozka þjóðar­flokksins (SNP). Ein­ungis á einu áberandi svæði í Bretlandi, Putney, hefur fram­bjóð­andi Verka­manna­flokksins, Flair ..., aukið forskot hans verulega.

Í Wales, eins og í Englandi, var sigur Íhaldsflokkurinn mikill í ýmsum kjördæmum, en dæmi voru þess þar, að Verka­manna­flokkurinn missti þingsæti án þess að Íhaldsflokkurinn bætti við sig að heitið gat, en Brexit-flokkurinn átti þar heiðurinn af því að ná umtals­verðum fjölda atkvæða frá Verka­manna­flokknum.

Margir viðmælendur BBC (sem sjást á skjá Sjónvarpsins í nótt, þökk fyrir það) bera því vitni, að Gyðinga­andúð Jeremys Corbyn var meðal þeirra viðburða í kosninga­barátt­unni, sem fældu kjósendur frá flokki hans, en nánast marxískur sósíalismi hans hafði einnig sín áhrif, jafnvel á einstaklinga og fjöl­skyldur sem höfðu áratugum saman komið Labour. Kona ein sagðist alltaf hafa kosið þann flokk, eins og faðir hennar, en í þetta sinn gat hún ekki kosið flokkinn vegna Corbyns, kaus m.a.s. Íhaldsflokkinn sem betri kost, en getur hins vegar hugsað sér að snúa aftur til Verka­manna­flokksins, ef Corbyn lætur af forystunni.

Fyrirsögn The Times (of London) segir sína miklu sögu hér: 

Exit poll points to Johnson landslide

Worst result for the Labour Party in more than 80 years

Kl. 3.00 eiga úrslit enn eftir að birtast í um 200 kjör­dæmum, en úrslitin komin í 227. Það er SPÁ BBC, þegar þar er komið sögu, að Íhalds­flokkurinn endi með 357 þingsæti, en Verka­manna­flokkurinn með 201. 

Í Richmond Park (Surrey), einu ríkasta kjördæmi Bretlands, var kjörsókn 79%, langt yfir meðaltali landsins, og þar vann fram­bjóðandi Frjáslyndra demókrata yfirburða­sigur á frambjóð­anda Íhalds­flokksins, með yfir 34.000 atkvæðum.

Jeremy Corbin var rétt í þessu (um kl.3.15) að vinna glæsilegan sigur, með ámóta atkvæðafjölda, í kjördæmi sínu North Islington, og flutti mjög vel fram setta ræðu eftir talninguna, afar vel máli farinn, en viðurkennir engin mistök (kennir frekar fjölmiðum um útkomuna!), þótt hann sjái fram á, að stefna flokksins þarfnast yfirlegu, en hann hyggst sjálfur leiða flokkinn í þeirri endurskoðun, en ætlar ekki að leiða hann í næstu kosningum.

Kl. 3.40 var tilkynnt um úrslit í kjördæmi Boris Johnson, þar sem afar margir buðu sig fram (margir með hlálega fá atkvæði, fáeina tugi), en hann vann þar með yfirburðum með 25.351 atkvæði og heldur nú ræðu sína í kjölfarið, um að hann ætli sér að "get Brexit done", og hafizt verður handa við það fyrir jól. Ennfremur vill hann bæta heilbrigðisþjónustuna, NHS.

Fleiri Skotlandsfréttir: Yfirburðasigur SNP, með líklega 53 þingsæti, en mest áður 56. Verkamanna­flokkur­inn missti jafnvel Glasgow til SNP. Óvæntasta kjördæmið var Eastern Dun­bar­ton­shire; þar missti leiðtogi Frjálslynda demókrata­flokksins í öllu Bretlandi, Jo Swinson, þingsæti sitt með sáralitlum mun, fekk 19.523 atkvæði, en frambjóðandi Skozka þjóðar­flokksins, Amy Callaghan, hirti það, fekk 19.672.

Ein fréttakona BBC takar réttilega um, að hin miklu umskipti í þessum kosningum birtist kannski umfram allt í aukinni þjóðern­is­stefnu bæði í Englandi og Skotlandi. Umskipta mun einnig sjá merki í Neðri málstofu brezka þingsins, m.a. hafa ýmsir misst þingsæti, eins og leiðtogi LibDem, áberandi norður-írskur leiðtogi líka (og sá ESB-sinnaði flokkur missti þar tvö þingsæti), og Corbyn mun ekki verða leiðtogi stjórnar­andstöðunnar!

Nú kl. 4.10 er verið að tala við Theresu May og hún m.a. spurð hvers vegna hún hafi misst þingmeirihlutann, en Boris Johnson hins vegar unnið mikinn þingmeirihluta! -- Hún hvetur SNP til að leita ekki eftir sjálfstæði Skotlands, heldur að vanda sig betur í innanlandsmálum þar, en í því efni hafi flokkurinn staðið sig illa á ýmsum sviðum, m.a. heilsugæzlu.

Jón Valur Jensson.

Corbyn ekki sætt ef útgönguspár rætast

Kolbrún Bergþórsdóttir þæfist við í sínum ESB-predikunum sem ESB-sinnaður eigandi Frétta­blaðsins lætur útbýta fyrir hvers manns dyr!

Makalaust er að horfa upp á ein­hliða leiðara­skrif hins krón­íska ESB-mál­svara Kol­brún­ar í ESB-Frétta­blað­inu. Ekki minnsta við­leitni til að skilja, hvað þá virða and­stöðu meiri hluta Breta við ESB-"að­ild­ina" sem svo erf­itt er að losna við í reynd (hvern­ig væri það þá fyrir Ísland, ef við létum narrast inn í stór­veldið?!).

Ekki kemur heldur fram hjá henni í þessum nýjasta leiðara ESB-blaðsins, að brezka þingið hefur samþykkt útgöngu Bret­lands úr Evrópusambandinu, þannig að Boris Johnson hefur nú þegar unnið þann sigur í reynd, eins og Björn Bjarnason, fyrrv. mennta- og dómsmálaráðherra, rekur hér í grein sinni í gær : https://www.bjorn.is/dagbok/thingbrellur-gegn-boris-og-brexit 

Björn tekur þar á þeim óvandaða fréttaflutningi ýmissa fjölmiðla (þ.á m. Rúv og "Fréttablaðsins") sem hefur tekizt að leyna því, að Johnson hefur nú þegar borið sigurorð af ESB-aðildarsinnunum í brezka þinginu í sínu Brexit-máli, og Björn vekur athygli á því, að áframhaldandi deilur og tafir þar snúast aðeins um tæknileg mál, ekki um sjálfa ákvörðunina sem nú hefur verið tekin, bók­mennta­fræðingnum Kolbrúnu til ómældrar gremju!

Jón Valur Jensson.

Bretar fái aðeins tveggja vikna frest

Endanlegur samningur um úrsögn Breta úr Evrópu­sambandinu 31. okt. væntanlega samþykktur næstkomandi laugardag!

Boris Johnson og Juncker voru að tilkynna að tekizt hafi samn­ingur milli ríkis­stjórn­ar Bret­lands og ESB um úrsögn Breta úr ESB 31. þ.m. Hann verður bor­inn undir brezka þing­ið nk. laug­ar­dag, til lukku von­andi, auk þess sem Juncker, forseti fram­kvæmda­stjórn­ar ESB, segir samn­ing­inn endan­lega verða borinn undir leið­toga­ráð Evrópu­sambandsins. 

Þótt ákvæði samningsins séu ekki að fullu kunn, þegar þetta er ritað, fer Juncker jákvæðum orðum um samninginn, að vilji beggja aðila til að semja hafa skilað sér, samn­ingur­inn sé sann­gjarn og að tekið hafi verið til­lit til óska Bret­lands jafnt sem ESB. Mun Juncker hvetja leiðtogaráðið til að taka vel í samn­ing­inn. (mbl.is)

Við Íslendingar munum margir fagna því, að Bret­land hverfi úr Evrópu­sambandinu. Það gerum við í Samtökum um rann­sóknir á Evrópu­sambandinu og tengslum þess við Ísland. 

Jón Valur Jensson.

Nýr samningur um Brexit í höfn

Áberandi meirihluti Breta vill að Brexit-ákvörðunin verði virt -- RÚV ekki með á nótunum?

Í skoðana­könn­un­ 6.-8. sept­. kom fram að 54% eru hlynnt því að Brexit-niðurstaða þjóðar­at­kvæðis­ins sum­arið 2016 sé virt, 25% voru því ósam­mála, en 21% tóku ekki af­stöðu. Hér sést (í könnun fyr­ir­tæk­isins Com­Res fyr­ir breska dag­blaðið Daily Tel­egraph) að drjúgur helm­ing­ur Breta tel­ur með Boris Johnson, "að virða eigi niður­stöðu þjóðar­at­kvæðagreiðslunn­ar sem fram fór í Bretlandi, þar sem meiri­hluti kjós­enda samþykkti að landið skyldi ganga úr Evr­ópu­sam­band­inu" (Mbl.is).

Þegar aðeins eru taldir þeir, sem afstöðu tóku, voru 68,3% sammála því að virða Brexit-niðurstöðuna, en 31,7% ósammála.

Af þeim sem kusu með áfram­hald­andi veru í Evr­ópu­sam­band­inu 2016 vilja 35% nú að Bret­land gangi úr sam­band­inu. Tæp­ur helm­ing­ur, eða 49%, er and­víg­ur því að út­göng­unni verði frestað frek­ar en 29% eru hlynnt því. Þá vilja 43% að Bret­ar gangi úr Evr­ópu­sam­band­inu án samn­ings ef sam­bandið gefi ekki eft­ir en 32% eru því and­víg.

Hátt í helm­ing­ur Breta, eða 44%, vill frek­ar yf­ir­gefa Evr­ópu­sam­bandið án samn­ings en að Jeremy Cor­byn, leiðtogi Verka­manna­flokks­ins, verði næsti for­sæt­is­ráðherra Bret­lands, en þriðjung­ur er á önd­verðum meiði. Helm­ing­ur aðspurðra sagðist telja það ólýðræðis­legt af hálfu þeirra þing­manna sem væru að reyna að koma í veg fyr­ir að Bret­land gengi úr sam­band­inu í ljósi lof­orðs þings­ins um að fram­kvæma niður­stöðu þjóðar­at­kvæðis­ins. Rúm­ur fjórðung­ur, eða 26%, sagðist því ósam­mála. (Mbl.is)

Þessi býsna eindregnu viðhorf brezks almennings virðast lítt fá að njóta sín í almennum frétta­burði Ríkisútvarps­ins af Brexitmál­um. Ítrekað er því einnig slegið upp ­að varpað sé skugga á Johnson og vaktar efasemdir um heilindi hans. Iðulega er nei­kvæður tónninn í fréttaritara Rúv í Lundúnum, Sigrúnu Davíðs­dóttur, sem virðist hallari undir álit Brussel-manna en brezkra stjórn­valda. Væri fróðlegt að fá upplýst, hve margar boðsferðir hún hefur þegið til Brussel.

Jón Valur Jensson.

Vilja að þjóðaratkvæðið verði virt

Bretar með Brexit og Boris Johnson fram yfir þingið

Brezka þingið nýtur nú mun minna trausts al­menn­ings en for­sætis­ráð­herr­ann Boris Johnson.

Meiri­hluti Breta er hlynnt­ur því að Bret­land gangi úr Evr­ópu­sam­band­inu (Brex­it) 31. októ­ber sama hvað það þýðir. Jafn­vel þó það fæli í sér að breska þingið verði leyst upp til þess að koma í veg fyr­ir að það geti komið í veg fyr­ir út­göngu án samn­ings.

Þetta kem­ur fram í niður­stöðum nýrr­ar skoðana­könn­un­ar sem fyr­ir­tækið Com­Res gerði fyr­ir breska dag­blaðið Daily Tele­graph, en Bor­is John­son, for­sæt­is­ráðherra Bret­lands, hef­ur sagt að til greina gæti komið að senda þingið heim til þess að greiða fyr­ir út­göng­unni. (Mbl.is)

 

Og hér sjáið þið að stuðningurinn við Brexit hefur aukizt, ekki minnkað:

Spurt var um af­stöðu fólks til þess hvort John­son þyrfti að koma Bretlandi úr Evr­ópu­sam­band­inu sama hvað það kostaði, þar á meðal ef það þýddi að leysa upp þingið ef þess gerðist þörf, til þess að hindra þing­menn í að stöðva út­göng­una. Drjúg­ur helm­ing­ur, eða 54%, sögðust sam­mála þessu en 46% lýstu sig hins veg­ar ósam­mála. (Mbl.is)

Og ekki er traustið á þinginu beysið hjá brezkum almenningi, eftir allar tilraunir Theresu May og fimbulfambið og hringlandaháttinn með úrsagnarmálið undir hennar leiðsögn:

Einnig var spurt um af­stöðu fólks til þess hvort þingið væri í meiri takti við bresk­an al­menn­ing en John­son og sögðust 62% vera því ósam­mála en 38% sam­mála. Þá sögðust 88% telja þingið vera úr takti við al­menn­ing og 89% sögðust telja flesta þing­menn hunsa vilja al­menn­ings varðandi út­göng­una til þess að ganga eig­in er­inda. (Sama heimild.)

 

Jón Valur Jensson.

Vilja Brexit sama hvað það kostar

Boris Johnson sýnir skýr dæmi um að "taking back control" nýtist þjóðinni ekki sízt utan höfuð­borgar­innar, með stefnu nýrrar ríkisstjórnar hans

Í Manchester í dag kvað hann "gríðarleg tæki­færi" fel­ast í Brex­it og lofaði aukn­um fjár­fest­ing­um í inn­viði utan Lund­úna og SA-hluta lands­ins.

Í ræðu hans í Man­ches­ter í dag hét hann því að auka fjár­fest­ing­ar á svæðum sem kusu með Brex­it og lofaði að setja full­an kraft í viðræður um fríversl­un­ar­samn­inga við ríki heims­ins sem myndu nýt­ast við út­göngu úr Evr­ópu­sam­band­inu. (Mbl.is)

Ennfremur:

„Að taka aft­ur völd­in [taking back control] nær ekki bara til þess að þingið end­ur­heimti full­veldi sitt frá Evr­ópu­sam­band­inu,“ sagði for­sæt­is­ráðherr­ann og lofaði því að auka sjálfs­ákvörðun­ar­rétt á lægra stjórn­sýslu­stigi. Þá hét hann því einnig að auka fjár­fest­ingu í innviði. (Mbl.is)

Ennfremur kom fram í ræðunni þung áherzla á það sem við gætum kallað "jafnvægi í byggð landsins", með auknu sjálfræði byggða utan Lundúna-svæðisins og fullri virðingu fyrir arfleifð þeirra og réttindum og tækifærum til framfara og aukinnar atvinnu, en Manchester er gott dæmi um að þetta getur gerzt.

Hér er þessi skýra og snarpa ræða hans.

https://www.youtube.com/watch?v=_jbLzMEZNrw

 

 

 (Þarna sést ræðan öll. Enn betra er að njóta hennar með því að stækka þetta (neðst t.h.) upp í fulla skjámynd.)

 

Og ræða hans í morgun var upplýsandi um fleira, m.a. um málefni Norður-Írlands (sjá tengilinn neðar) og um hugsanlegar kosningar:

Álits­gjaf­ar hafa velt því fyr­ir sér hvort John­son muni kalla til kosn­inga í þeim til­gangi að end­ur­heimta meiri­hluta Íhalds­flokks­ins á breska þing­inu. For­sæt­is­ráðherr­ann sagðist „al­gjör­lega“ úti­loka kosn­ing­ar áður en Bret­land seg­ir skilið við Evr­ópu­sam­band­ið. (mbl.is)

Hlustið á hinn mælska mann og áform hans um tækniframfarir á svæðum sem of lengi voru vanrækt af ráðandi stjórnmálastétt.

Jón Valur Jensson.

Frá vettvangi í Manchester í dag.

„Gríðarleg tækifæri felast í Brexit“

Nigel Farage brosir gleitt yfir stórsigri síns nýja flokks, The Brexit Party, í ESB-kosningum (og Marine Le Pen lagði ESB-sinnaða forsetann Macron!)

Hér er Farage í Southampton að fagna sigri, en flokkur hans fekk 28 eða 29 ESB-þingsæti og 32% atkvæða.

Íhalds­flokkurinn fekk aðeins þrjú þingsæti (tapaði 15), með 9,2% atkvæða, og Verka­manna­flokk­urinn 10 (tapaði 8), er með 13,7% atkvæða, en Frjálslyndir demó­kratar (styðja ESB) fá 15 sæti, vinna 14, með 20,4% atkvæða.

Eins og The Times sagði um kosningaúrslitin:

Britain’s two main parties suffered a collapse in support last night as Nigel Farage’s Brexit Party headed towards a sweeping victory in the European parliament elections.

Þetta sýnir hug Breta, svo að ekki verður um villzt. 

• Green 5 sæti, vinnur 3, með 12,1%
• SNP 2 sæti, áður 0, með 1,4%
• Aðrir fá 2 þingsæti, áður ekkert, með 2,8% atkvæða
• Sinn Féin 1 sæti, bætir á sig einu, með 0,6%
• Change UK fær ekkert sæti, áður ekkert, með 3,5%
• UKIP fær ekkert þingsæti, var áður með 16, fær 3,3% atkvæða
• (Heimild: Telegraph.co.uk.)

Þetta eru skilaboð brezku þjóðarinnar til húsfreyjunnar í Downing-stræti 10 og, að því er virðist, til Brussel.

Mr Farage said: “There is a huge message here. The Labour and Conservative parties could learn a big lesson tonight but I don’t suppose they actually will. We in the Brexit Party want to be part of the Brexit negotiation team. If we don’t leave the EU on October 31, tonight’s results will be repeated in a general election.”

The collapse of the Tory vote was matched by a dramatic slump in Labour support. (The Times)

Þrátt fyrir tap verður miðjan enn sterkust á ESB-þinginu eftir að úrslit hafa birzt í löndunum 28 í ESB. Kosningaþátttakan yfir heildina var sú mesta hingað til, 50,5%. Bæði mið- og hægri flokkar og mið- og vinstri flokkar tapa fylgi, en frjálslyndir unnu mest á, umhverfisflokkar einnig í vissum æli, en þjóðernissinnar juku fylgi sitt líka, áberandi mikið í Frakklandi, þar sem Marine Le Pen skaut Renaissance-flokki Emmanuels Macron's forseta ref fyrir rass, því að flokkur hennar fekk 24% atkvæða, en flokkur hins mikla ESB-sinna Macrons varð næstur í röðinni með 22,5%!

Hér fagnar Marine Le Pen niðurstöðum ESB-kosninganna í Frakklandi

„Svona er að upplifa tortímingu“

Brex­it-flokk­ur­ Nig­els Fara­ge skorar hæst í skoðana­könn­un um kosn­ingar til þings Evr­ópu­sam­bands­ins

 Flokk sinn, The Brexit Party, stofnaði hann sl. föstu­dag, yfirgaf þar með UKIP (Brezka sjálf­stæðis­flokkinn) sem hann áður veitti forystu. 

Flokk­ur­inn mæl­ist með 27% fylgi í skoðana­könn­un fyr­ir­tæk­is­ins YouGov, næst kem­ur Verka­manna­flokk­ur­inn með 22%, þá Íhalds­flokk­ur­inn með 15%, Græn­ingj­ar með 10%, Frjáls­lynd­ir demó­krat­ar með 9% og Breski sjálf­stæðis­flokk­ur­inn með 7%.

Brex­it-flokk­ur­inn mæld­ist með 15% fyr­ir helgi og Breski sjálf­stæðis­flokk­ur­inn með 14%.

Frétta­vef­ur breska dag­blaðsins Daily Tel­egraph grein­ir frá þessu. (Mbl.is)

Þetta er hratt vaxandi gengi hjá Brexit-flokknum, úr 15 í 27% á nokkrum dögum. Á sama tíma hefur fylgi UKIP helmingazt, sem samsvarar því, að þeir hafi tapað 7% af atkvæðum kosningabærra manna. Farage segir, að öfgamenn hafi svert það vörumerki, sem UKIP hafði, og sá hann sér því þann kost væntan að stofna nýjan flokk.

 Flokk­ur­inn berst fyr­ir því að út­ganga Bret­lands úr Evr­ópu­sam­band­inu verði með þeim hætti að sam­bandið hafi ekk­ert vald yfir bresk­um mál­um þegar út er komið. (Mbl.is)

 

Áður hafði staðið til, að Bret­ar tækju ekki þátt í ESB-kosn­ing­un­um þar sem þeir yrðu form­lega gengn­ir úr Evr­ópu­sam­band­inu áður til þeirra kæmi, en víst má telja, að af þessum ESB-kosn­ing­­um verði, eftir að Theresa May samþykkti með ESB-mönnum að fresta út­göngu lands­ins þar til á komandi hausti.

Ekki ber þessi skoðanakönnun því vitni, að Brexit-stefnan sé óvinsæl meðal Breta, flokkur Farage er með 5% undir sameinuðu fylgi "stóru flokkanna" tveggja! Og lítt dulbúin eru þessi skilaboð til Brussel!

Jón Valur Jensson.

Brexit-flokkurinn með mest fylgi

Stefna Merkel: Óþjóðlegt stórríki ESB afnemi fullveldi meðlimaríkjanna og opni á innflæði úr Afríku og Mið-Austurlöndum!

1. Ofríkisfull Merkel opin­berar með ræðu sinni í Berlín* stefn­una á evrópskt stór­ríki á kostn­að full­veldis­rétt­inda þjóð­anna. Klár­lega höfðu Bretar rétt fyrir sér með Brexit!

2. "Sjálfs­morðs­samn­ing­ur­inn" er framhald samn­ings EBE við araba­ríki í olíu­krepp­unni um 1972 þar sem viðskipti með olíu voru tryggð gegn leyfi fólks þaðan til að starfa í Evrópu. Nú vilja ágangssamir aðilar (m.a. múslimaríkin) í skrif­stofum SÞ útvíkka þetta til slíks allsherjar­leyfis sem og að viðkomandi innflytjendur gangi beint inn í full borg­ara­réttindi í gistilöndunum!** Það væru greypileg svik við íslenzka þjóð ef stjórnvöld hér undirrita svo óbærilega afdrifaríka og gígantískt kostnaðarsama yfirlýsingu.

* Ræðuna flutti Angela Merkel ríkiskanzlari við athöfn í Aden­auer-stofnuninni í Berlín í vikunni, sagði þar m.a., að þjóðþing aðildarríkja ESB ættu formlega að veita ESB yfirráð yfir ríkjum Evrópu­sambands­ins (skv. frétt þýzka stórblaðsins Die Welt).

** Samninginn um innflæðið ("regular migration") í Evrópu stendur til að "samþykkja í Marókkó 10. des. n.k. Fjölda­mörg ríki neita að skrifa undir "sjálfsmorðs­samninginn", t.d. Sviss, Bandaríkin, Ísrael, Pólland, Austurríki, Eistland, Ungverjaland, Búlgaría, Tékk­land og Króatía. Svíþjóð og mögu­lega Noregur og Ísland ætla að skrifa undir samn­ing­inn", segir Gústaf Skúlason í grein um málið, en það væri hrapalleg gjörð, sem stjórnvöld hér hafa ekkert umboð til að samþykkja.

    

Jón Valur Jensson.

Merkel tekur Brexit-samningnum fagnandi