Boris Johnson hefst strax handa við að löggilda Brexit-niðurstöðuna. Sérfræð­ingar hlynntir Breta­stjórn í þessu verða skipaðir í lávarðadeildina

 

Bretland hverfur úr ESB fyrir næstu janúarlok, af öllum innri markaði bandalagsins, og samn­ingurinn sem Boris Johnson náði við ESB gengur í gildi. Við­ræð­ur um önnur samnings­atriði breyta þessu ekki.

Til að tryggja framgang málsins líka í lávarðadeildinni sýna íhaldsmenn ennfremur hug sinn með þessu:

Tories to appoint Brexit supporting experts as peers in a bid to balance the ´remainiac´ House of Lords  (hugtakið "Remainiacs" -- sem hefur kómískan hljóm -- eru þeir, sem enn vilja vera í ESB). En meðal þeirra, sem fá munu sæti í lávarðadeildinni, til að rétta af hlutfallið í samræmi við niðurstöðu þingkosninganna, eru lögfræðingar og sérfræðingar um alþjóðaviðskipti og umhverfismál, sem ríkisstjórnin þarf á að halda til að styðja við lagasetningu hennar til að tryggja endanlega Brexit-útkomu. Meðal tilnefndra eru Zac Goldsmith, áður þingmaður íhaldsmanna í Richmond í Surrey, en Frjálslyndir demókratar náðu af honum sætinu í kosningunum nýafstöðnu; hinn sérfróði Shanker Singham, Brexit-lögfræðingurinn Martin Howe QC og Johnny Leavesley, "a businessman who chairs the Conservatives´ Midlands Industrial Council donor group," eru og nefndir til sögunnar. Og það verður ekkert hikað við að innmúra hinn mikla sigur Brexit-manna og Íhaldsflokksins.

ByCamilla Tominey  Premium-grein þar.

 

 

Hér er Boris Johnson í hópi glaðbeittra helztu stuðningsmanna sinna.

 

Eftirfarandi í The Telegraph er áhugavert fyrir Íslendinga sem lentu í því að kljást við ákveðinn fyrrverandi stjórnmálaleiðtoga brezkan:

Why Gordon Brown bears much of the responsibility for Labour´s current mess 

 

Jón Valur Jensson.

Stórsigur Íhaldsflokksins blasir við í brezku þingkosningunum; Skozki þjóðarflokkurinn stendur sig afar vel, en HRUN í fylgi Verkamannaflokksins

UMSKIPTI eru orðin í brezkum stjórnmálum. Brexit-stefnan er rækilega staðfest sem megin-áhrifa­valdur, en Jeremy Corbyn hefur í því efni sem öðru gert afger­andi glappa­skot; það sýður á flokks­mönnum hans, talað um "borg­ara­styrjöld" í flokkn­um, fari hann ekki frá! Sú stefna hans að taka ekki mark á þjóð­ar­atkvæða­greiðsl­unni um Brexit 2016 féll í grýttan jarðveg, jafnvel hans eigin menn tala um að virða hafi átt þá lýðræðis­legu afstöðu í stað þess að hringla með málið og ætlast til nýrrar þjóð­ar­atkvæða­greiðsl­u um það sem brezka þjóðin hafði þegar ákveðið.

Hvert eftir annað, af langtíma- öruggum kjör­dæmum Verka­manna­flokksins (sum jafnvel nánast svo lengi sem elztu menn muna), hafa nú þegar fallið, kl. hálfþrjú að nóttu, yfir­leitt komin á vald Íhalds­flokksins, en í Skotlandi til Skozka þjóðar­flokksins (SNP). Ein­ungis á einu áberandi svæði í Bretlandi, Putney, hefur fram­bjóð­andi Verka­manna­flokksins, Flair ..., aukið forskot hans verulega.

Í Wales, eins og í Englandi, var sigur Íhaldsflokkurinn mikill í ýmsum kjördæmum, en dæmi voru þess þar, að Verka­manna­flokkurinn missti þingsæti án þess að Íhaldsflokkurinn bætti við sig að heitið gat, en Brexit-flokkurinn átti þar heiðurinn af því að ná umtals­verðum fjölda atkvæða frá Verka­manna­flokknum.

Margir viðmælendur BBC (sem sjást á skjá Sjónvarpsins í nótt, þökk fyrir það) bera því vitni, að Gyðinga­andúð Jeremys Corbyn var meðal þeirra viðburða í kosninga­barátt­unni, sem fældu kjósendur frá flokki hans, en nánast marxískur sósíalismi hans hafði einnig sín áhrif, jafnvel á einstaklinga og fjöl­skyldur sem höfðu áratugum saman komið Labour. Kona ein sagðist alltaf hafa kosið þann flokk, eins og faðir hennar, en í þetta sinn gat hún ekki kosið flokkinn vegna Corbyns, kaus m.a.s. Íhaldsflokkinn sem betri kost, en getur hins vegar hugsað sér að snúa aftur til Verka­manna­flokksins, ef Corbyn lætur af forystunni.

Fyrirsögn The Times (of London) segir sína miklu sögu hér: 

Exit poll points to Johnson landslide

Worst result for the Labour Party in more than 80 years

Kl. 3.00 eiga úrslit enn eftir að birtast í um 200 kjör­dæmum, en úrslitin komin í 227. Það er SPÁ BBC, þegar þar er komið sögu, að Íhalds­flokkurinn endi með 357 þingsæti, en Verka­manna­flokkurinn með 201. 

Í Richmond Park (Surrey), einu ríkasta kjördæmi Bretlands, var kjörsókn 79%, langt yfir meðaltali landsins, og þar vann fram­bjóðandi Frjáslyndra demókrata yfirburða­sigur á frambjóð­anda Íhalds­flokksins, með yfir 34.000 atkvæðum.

Jeremy Corbin var rétt í þessu (um kl.3.15) að vinna glæsilegan sigur, með ámóta atkvæðafjölda, í kjördæmi sínu North Islington, og flutti mjög vel fram setta ræðu eftir talninguna, afar vel máli farinn, en viðurkennir engin mistök (kennir frekar fjölmiðum um útkomuna!), þótt hann sjái fram á, að stefna flokksins þarfnast yfirlegu, en hann hyggst sjálfur leiða flokkinn í þeirri endurskoðun, en ætlar ekki að leiða hann í næstu kosningum.

Kl. 3.40 var tilkynnt um úrslit í kjördæmi Boris Johnson, þar sem afar margir buðu sig fram (margir með hlálega fá atkvæði, fáeina tugi), en hann vann þar með yfirburðum með 25.351 atkvæði og heldur nú ræðu sína í kjölfarið, um að hann ætli sér að "get Brexit done", og hafizt verður handa við það fyrir jól. Ennfremur vill hann bæta heilbrigðisþjónustuna, NHS.

Fleiri Skotlandsfréttir: Yfirburðasigur SNP, með líklega 53 þingsæti, en mest áður 56. Verkamanna­flokkur­inn missti jafnvel Glasgow til SNP. Óvæntasta kjördæmið var Eastern Dun­bar­ton­shire; þar missti leiðtogi Frjálslynda demókrata­flokksins í öllu Bretlandi, Jo Swinson, þingsæti sitt með sáralitlum mun, fekk 19.523 atkvæði, en frambjóðandi Skozka þjóðar­flokksins, Amy Callaghan, hirti það, fekk 19.672.

Ein fréttakona BBC takar réttilega um, að hin miklu umskipti í þessum kosningum birtist kannski umfram allt í aukinni þjóðern­is­stefnu bæði í Englandi og Skotlandi. Umskipta mun einnig sjá merki í Neðri málstofu brezka þingsins, m.a. hafa ýmsir misst þingsæti, eins og leiðtogi LibDem, áberandi norður-írskur leiðtogi líka (og sá ESB-sinnaði flokkur missti þar tvö þingsæti), og Corbyn mun ekki verða leiðtogi stjórnar­andstöðunnar!

Nú kl. 4.10 er verið að tala við Theresu May og hún m.a. spurð hvers vegna hún hafi misst þingmeirihlutann, en Boris Johnson hins vegar unnið mikinn þingmeirihluta! -- Hún hvetur SNP til að leita ekki eftir sjálfstæði Skotlands, heldur að vanda sig betur í innanlandsmálum þar, en í því efni hafi flokkurinn staðið sig illa á ýmsum sviðum, m.a. heilsugæzlu.

Jón Valur Jensson.

Corbyn ekki sætt ef útgönguspár rætast

Nú er Fréttablaðið alfarið eign Helga Magnús­sonar, ESB-innlimunarsinna; og af samherjum hans

Meðan blaðið var að hálfu eign eigin­konu Jóns Ásgeirs Jóhann­es­sonar (ESB-sinna), en annarra að auki, var ástandið annað, en breytt­ist með kaupum Helga Magn­ús­sonar á hálfu hluta­fénu. Nú hefur hann keypt það allt!

Baráttumaður er Helgi fyrir inn­göngu Ís­lands í Evrópu­sambandið. Hann var m.a. kosinn í framkvæmdaráð samtakanna "Já Ísland" sem valið var á aðal­fundi 30. september 2015. Þau samtök hafa barizt fyrir inngöngu Íslands í ESB. 

Það er einkar fróðlegt að sjá listann um framkvæmdaráð "Já Ísland" og hverjir eru eða voru félagar Helga þar.* 

 

* Meðal fulltrúa í framkvæmdaráði "Já Ísland" má nefna eftirfarandi áberandi aðila í stjórnmálum, viðskiptum og á fleiri sviðum þjóðlífsins:

Andrés Pétursson, verkefnastjóri hjá Rannís, hefur oft talað fyrir ESB.
Albertína Elíasdóttir, þá verkefnastjóri atvinnumála Akureyri, nú þingkona Samfylkingar og var ákafur talsmaður þriðja orkupakkans.
Árni Björn Guðjónsson, húsgagnasmíðameistari
Árni Zophoniasson, eigandi Miðlunar ehf.
Auðunn Arnórsson stjórnmálafræðingur, bróðursonur Jóns Baldvins; fyrrv. blm. Fréttablaðsins.
Baldur Dýrfjörð, forstöðumaður (fv.starfsm.Samfylk.?)
Baldur Þórhallsson, prófessor, styrkþegi Evrópusambandsins.
Baldvin Jónsson, viðskiptafræðingur
Bergur Ebbi Benediktsson, lögfræðingur
Bjarni Þór Sigurðsson, verkefnastjóri og varaformaður VR
Björn B. Björnsson, kvikmyndagerðarmaður
Bolli Héðinsson, hagfræðingur
Bryndís Ísfold Hlöðversdóttir, stjórnmálafræðingur, samfylkingarkona.
Brynhildur Pétursdóttir, þáv. alþm., nú frkvstj. Neytendasamtakanna.
Davíð Stefánsson, þá ráðgjafi, síðar ritstjóri Fréttablaðsins, er það enn.
Ellisif Tinna Víðisdóttir, lögfræðingur, fv. forstj. Varnarmálastofnunar og frkvstj. Kirkjuþings, form. utanríkismálanefndar Viðreisnar 2016.
Pétur Matthíasson, upplýsingafulltrúi Vegagerðarinnar, fv. fréttam., bróðir Þórólfs prófessors.
G. Valdimar Valdemarsson, kerfisfræðingur.
Grímur Atlason, framkvæmdastjóri, maður Helgu Völu.
Guðbjörn Guðbjörnsson, yfirtollvörður, vinsæll söngvari
Guðjón Sigurbjartsson, frkvstj., hefur skrifað margar áróðursgreinar fyrir ESB í Morgunblaðið og Fréttablaðið og beitt sér innan Sjálfstæðisflokksins.
Guðmundur Gunnarsson, fv. formaður Rafiðnaðarsambandsins.
Guðmundur Steingrímsson, fyrrv. alþingismaður Framnsóknarflokks og síðan Samfylkingar, nú Fréttablaðspenni.
Guðrún Pétursdóttir, lífeðlisfræðingur, fv. forsetaframbjóðandi, ekkja Ólafs Hannibalssonar.
Gylfi Zoega, hagfræðiprófessor.
Hanna Katrín Friðriksson, fv. blm. Mbl., nú alþm. "Viðreisnar".
Helga Vala Helgadóttir, lögfræðingur, nú þingkona Samfylkingar.
Helgi Jóhann Hauksson, stjórnmálafræðingur.
Helgi Magnússon, framkvæmdastjóri, nú 100% eigandi Fréttablaðsins
Helgi Pétursson, tónlistarmaður.
Hilmar V. Pétursson, forstjóri CCP
Hörður Unnsteinsson, stjórnmálafræðingur
Jón Sigurðsson, forstjóri Össurar.
Jón Sigurðsson, rekstrarhagfræðingur, fv. skólastjóri.
Katrín Júlíusdóttir, fv. alþingism. og fv. varaform. Samfylkingar
Margrét Kristmannsdóttir, framkvæmdastjóri Pfaff, form. SVÞ
Oddný G. Harðardóttir, alþingism., fv. ráðherra og form. Samfylkingarinnar
Óttarr Ólafur Proppé, fv. alþingismaður.
Páll Rafnar Þorsteinsson, heimspekingur
Pawel Bartoszek, stærðfræðingur, nú borgarfulltrúi Viðreisnar.
Pétur J. Eiríksson, hagfræðingur.
Sema Erla Serdar, stjórnmála- og Evrópufræðingur, aðgerðakona mikil, var í framboði til Alþingis fyrir Samfylkinguna 2016.
Svana Helen Björnsdóttir verkfræðingur, stjórnarformaður Stika.
Svanborg Sigmarsdóttir, stjórnmálafræðingur, fv. blm. á Fréttablaðinu 
Sveinn Hannesson, frkvstj. Gámaþjónustunnar, framarlega í röðum atvinnurekenda.
Úlfar Hauksson, stjórnmálafræðingur, reit blaðagreinar með ESB-inngöngu.
Vilhjálmur Bjarnason, fyrrv. alþingismaður Sjálfstæðisflokks, fjárfestir.
Vilhjálmur Þorsteinsson, frumkvöðull, forstj. CCP, sat í "stjórnlagaráði".
Vilmundur Jósefsson, fv. formaður Samtaka atvinnulífsins.
Þorkell Helgason, fv. orkumálastjóri, sat í "stjórnlagaráði"
Þorsteinn Pálsson, fv. forsætisráðherra.

Ýmsir í þessum hópi voru beintengdir við Áfram-hópinn svokallaða, sem barðist af hörku fyrir því, að Íslendingar skyldu borga kröfur Breta og Hollendinga til ríkissjóðs okkar vegna Icesave-málsins!

Meðal formanna "Já Ísland" hafa verið Benedikt Jóhannesson, fyrrverandi alþm. og ráðherra, sömuleiðis fyrrv. formaður "Viðreisnar" og mikill stuðnings­maður Icesave-svika­samn­inganna, og Jón Steindór Valdimars­son (kosinn form. í sept. 2014), var í framboði til Stjórnlagaþings 2010, en náði ekki kjöri, nú alþingismaður Viðreisnar.

Jón Valur Jensson.

Helgi eignast Fréttablaðið

Endanlegur samningur um úrsögn Breta úr Evrópu­sambandinu 31. okt. væntanlega samþykktur næstkomandi laugardag!

Boris Johnson og Juncker voru að tilkynna að tekizt hafi samn­ingur milli ríkis­stjórn­ar Bret­lands og ESB um úrsögn Breta úr ESB 31. þ.m. Hann verður bor­inn undir brezka þing­ið nk. laug­ar­dag, til lukku von­andi, auk þess sem Juncker, forseti fram­kvæmda­stjórn­ar ESB, segir samn­ing­inn endan­lega verða borinn undir leið­toga­ráð Evrópu­sambandsins. 

Þótt ákvæði samningsins séu ekki að fullu kunn, þegar þetta er ritað, fer Juncker jákvæðum orðum um samninginn, að vilji beggja aðila til að semja hafa skilað sér, samn­ingur­inn sé sann­gjarn og að tekið hafi verið til­lit til óska Bret­lands jafnt sem ESB. Mun Juncker hvetja leiðtogaráðið til að taka vel í samn­ing­inn. (mbl.is)

Við Íslendingar munum margir fagna því, að Bret­land hverfi úr Evrópu­sambandinu. Það gerum við í Samtökum um rann­sóknir á Evrópu­sambandinu og tengslum þess við Ísland. 

Jón Valur Jensson.

Nýr samningur um Brexit í höfn

Ein EU Liebesgedicht

O Du
warst mein Traum und mein Segen ...
O Brüssel !
in Sonne und Regen.
Liebliche, schöne
und große Idé,
komm, gib´ mir immer
dieselbe Kliché,
Dich zu anbeten
auf meinem Knie !

JVJ, 23. okt. 2010

 

Skýrslan um EES-samninginn og áhrif hans virðist í mörgu tilliti fljót­færnis­lega unnin og með áberandi hlutdrægum hætti.

Dr. Ólafur Ísleifsson bað á Alþingi um skýrslu um reynsluna af kostum og göllum af EES-aðild Íslands, en er réttilega síður en svo ánægður með niðurstöðuna sem birtist í "gagn­rýnis­lausu varnar­riti fyrir sam­starfið í pré­dikunarstíl," eins og hann kemst að orði, og skyldi engan undra, en þarna ræddi Ólafur um nýbirta skýrslu 3ja manna starfs­hóps undir forystu Björns Bjarna­sonar -- þess fyrrv. ráðherra sem lesendur blog.is þekkja einmitt að nær stanzlausum greinaskrifum þar sem einhliða hefur verið borið lof á EES-samn­inginn og hvað hann á að hafa gefið af sér fyrir Íslendinga.

Meðal helztu áherzlu­punkta og mark­verðra ábendinga dr. Ólafs um takmarkað og í raun hæpið gildi þessarar þriggja manna skýrslu má nefna:

1. "Þrátt fyr­ir ósk Alþing­is [með samþykkt þeirrar beiðni sem dr. Ólafur bar fram 2018] um út­tekt á kost­um og göll­um aðild­ar­inn­ar að EES-samn­ingn­um hafi hóp­ur­inn ákveðið að sinna ekki því verk­efni, held­ur þess í stað leggja áherslu á rétt­indi, skyld­ur og ávinn­ing af aðild­inni. Þessi orð og fleira veki upp þá spurn­ingu hvort skýrslu­beiðni Alþing­is hafi í raun verið full­nægt með þess­ari skýrslu."
2. "Það veki einnig at­hygli að ekki skuli hafa verið lagt fyr­ir starfs­hóp­inn í er­ind­is­bréfi hans frá ut­an­rík­is­ráðuneyt­inu að fjalla um kosti og galla EES-aðild­ar­inn­ar, held­ur hafi hon­um aðeins verið falið að fjalla um ávinn­ing Íslands af aðild­inni og síðan helstu úr­lausn­ar­efni sem stjórn­völd hafi tek­ist á við vegna henn­ar."
3. „Ég sakna þannig mun gagn­rýnni umræðu um aðild Íslands að EES-samn­ingn­um í þess­ari skýrslu,“ seg­ir Ólaf­ur (allt skv. viðtali við hann á Mbl.is, í samantekt Hjartar J. Guðmunds­sonar, blaðamanns og sagnfræðings, sem sérlærður er í ESB-fræðum).
4. "Þetta sjá­ist til að mynda í um­fjöll­un skýrsl­unn­ar um þriðja orkupakka Evr­ópu­sam­bands­ins og inn­flutn­ing á fersku kjöti. Þau mál séu á meðal þeirra stærstu sem upp hafa komið í sögu samn­ings­ins og kalli á ít­ar­lega grein­ingu frek­ar en ódýra af­greiðslu" samkvæmt dr. Ólafi.
5. "Þannig hafi til dæm­is afstaða stjórn­valda gagn­vart þriðja orku­pakk­an­um verið reifuð ít­ar­lega en lítið sem ekk­ert fjallað um rök­semd­ir þeirra sem gagn­rýnt hefðu samþykkt hans." -- Undir­ritaður hefur einnig náð tali af dr. Ólafi um þetta skýrslumál og vill sérstak­lega taka undir þá ábendingu hans, að Björn Bjarnason virðist hafa neytt færis í skýrslunni að halda áfram sínum neikvæða málflutningi um alla gagnrýni á Þriðja orku­pakka­málið á þingi, en áberandi er, að í skýrslunni virða Björn og félagar ekki viðlits hin marg­háttuðu rök þing­manna, einkum Mið­flokksins, gegn því máli, heldur láta þau það eitt nægja að brenni­merkja þá gagnrýni með því að kalla hana alla "málþóf". En aldrei hefur þá undirritaður séð né heyrt málefna­legra eða betur og ýtarlegar rökstutt "málþóf" á Alþingi!
6. "Hliðstæða sögu væri að segja um umræðuna um ferska kjötið þar sem mjög skorti á hlut­læga um­fjöll­un og grein­ingu í skýrsl­unni. Ólaf­ur seg­ir skautað fram hjá gagn­rýni fræðimanna í þess­um efn­um á und­an­förn­um miss­er­um sem gefi ærið til­efni til um­fjöll­un­ar í skýrslu af þessu tagi."
7. Tökum einnig eftir þessu: "Þá væri at­hygl­is­vert að hlaupið væri einnig nokkuð hratt yfir hags­muni Íslands af ut­an­rík­is­viðskipt­um, sem verið hafi for­send­an fyr­ir aðild­inni að EES-samn­ingn­um á sín­um tíma, en þess í stað gerðir að því skórnir, að aðrir þætt­ir skiptu jafn­vel mun meira máli en bein­ir viðskipta­hags­mun­ir eins og til dæm­is frjáls för fólks og reiki­regl­ur um síma­notk­un." -- Undirritaður mun nánar í nýrri grein fjalla sérstaklega um það, hve fátæklegar og villandi upplýsingar skýrslunnar eru um útflutning okkar Íslendinga til ýmissa landa heims.
8. Og þetta er ekki ómarkvert í málflutningi Ólafs um skýrsluna: "Svo virt­ist sem reynt væri þannig að tína sem flest til í því skyni að fegra EES-samn­ing­inn, sem auðvitað væri um margt ágæt­ur, á meðan ýmis gagn­rýni fræðimanna og á stjórn­mála­vett­vangi væri sveipuð þagn­ar­hjúpi. Þetta ætti til dæm­is við um það þegar skýrt ákvæði samn­ings­ins um neit­un­ar­vald væri sagt hald­laust ef á reyndi, jafn­vel þótt mik­il­væg­ir þjóðar­hags­mun­ir lægju að baki." -- JVJ: Þarna er ekki sízt verið að víkja að sjónar­miðum Margrétar Einars­dóttur, dósents við ­Háskólans í Reykjavík, sem skýrslu­höfundar virðast gera að sínum, þótt þau sjónar­mið séu í raun andstæð anda EES-samn­ingsins, sem fastnjörvar það ekki, að við verðum skilyrðis­laust að taka við hverri tilskipun sem Evrópu­sambandið réttir að okkur.
9. "Veik­leik­ar sem fram hefðu komið varðandi tveggja stoða kerfi EES-samn­ings­ins fengju sömu­leiðis ekki þá um­fjöll­un sem vert væri að mati Ólafs."
10. „Ég tek síðan eft­ir því að í skýrsl­unni er til­finn­an­lega lítið um til­vís­an­ir í heim­ild­ir,“ seg­ir Ólaf­ur enn frem­ur. (JVJ: Já, þar blasir við æpandi vöntun á neðanmáls- eða aftanmálgreinum, makalaust, að engar slíkar eru hafðar í ritinu, ekki mjög fræðimannlega unnið né skv. venjulegum eksaktvidenskab. Þetta sá glöggur dr. Ólafur Ísleifsson vitaskuld, en undir­rituðum býður í grun, að þarna hafi verið reynt komast upp með ónákvæmni og fljótlegt klappsnið á þessu með því að hengja sig ekki í mikla nákvæmni.) 
11. Enn frem­ur sé ekki eig­in­leg heim­ilda­skrá vegna efn­is skýrsl­unn­ar, segir Ólafur, held­ur aðeins sjálf­stæð skrá yfir heim­ild­ir sem al­mennt tengd­ist aðild Íslands að EES-samn­ingn­um í sam­ræmi við ósk ut­an­rík­is­ráðuneyt­is­ins í er­ind­is­bréfi starfs­hóps­ins um að slíkt yfirlit yrði tekið sam­an. Mik­il­væg­ar heim­ild­ir vanti, þar á meðal rit Stef­áns Más Stef­áns­son­ar, pró­fess­ors í lög­fræði, um land­búnað­arlög­gjöf Evr­ópu­sam­bands­ins og EES og efn­is­mikla tíma­rits­grein Stef­áns Más og Mar­grét­ar Ein­ars­dótt­ur frá 2018 um vald­mörk og vald­heim­ild­ir stofn­ana sam­bands­ins og EES. (JVJ: Að ganga fram hjá hinu viðamikla og vandaða riti próf Stefáns Más um land­bún­aðar­málin má heita makalaus vöntun í skýrslunni.)
12. „Fyr­ir vikið er erfitt að sann­reyna margt af því sem fram kem­ur í skýrsl­unni með því að kanna hvaða heim­ild­ir séu fyr­ir því og í mörg­um til­fell­um alls ekki,“ seg­ir Ólaf­ur sem áður starfaði meðal ann­ars sem lektor við Há­skól­ann í Reykja­vík.
13. "Sama eigi við um lista yfir viðmæl­end­ur starfs­hóps­ins. Ekki komi fram í skýrsl­unni hvað sé haft eft­ir ein­stök­um viðmæl­end­um." (Sama viðtalsgrein Hjartar og dr. Ólafs.)
14. Sem dæmi um áróður­skeim í skýrsl­unni að mati Ólafs nefn­ir hann full­yrðingu um að án EES-samn­ings­ins yrði hætta á ein­angr­un, stöðnun og aft­ur­för í þjóðlíf­inu öllu. (Leturbr. JVJ). „Hvað er þetta?“ spyr hann og bæt­ir við að þarna hefði til að mynda verið þörf á að byggja á skýr­um heim­ild­um sem þætti sjálfsagt á öll­um skóla­stig­um þegar svo sver­ar full­yrðing­ar væru hafðar uppi. --- Já (hér tekur undirritaður við þræðinum, þar sem Ólafur sleppti honum), þessi órökstuddi söngur skýrsluhöfundanna minnir á úrtölutal hagfræði-prófessoranna Gylfa Magnússonar og Þórólfs Matthíassonar, að Ísland yrði "Kúba norðursins" eða myndi einangast eins og Norður-Kórea, ef við borguðum ekki Icesave að kröfu brezkra og hollenzkra stjórnvalda! Einn virðulegur háskóla­kennari, nú í hæstu stöðu, bætti svo um betur í þeim kór og sagði opinberlega, að við myndum einangrast eins og Myanmar, þ.e. Búrma undir sinni herforingjastjórn, ef við borguðum ekki! Það er ekki úr vegi að minna hr. Björn Bjarnason á, að hann er ekkert óskeikulli en sá fræðimaður um þessi þjóðhags- og hagrænu mál.

Það er óhætt að fullyrða hér í lokin, að dr. Ólafur Ísleifsson á miklar þakkir skildar fyrir sína vel rökstuddu og tímabæru gagn­rýni á þessa óvenju-einhliða skýrslu frá þeim starfshópi sem Guðlaugur Þór Þórðarson skipaði einn saman -- en sá ráðherra var þá þegar sjálfur orðinn mjög hallur undir Evrópusambandið og flest eða allt sem frá því kemur (eins og einna ljósast varð í framlagningu og afgreiðslu orkupakkamálsins).

Því miður hefur undirrituðum sýnzt (og á eftir að leiða fleiri rök að því), að starfs­hópurinn hafi verið hlutdrægur og því lítt marktækur þegar á hann reyndi.

Jón Valur Jensson.

Skýrsla 3ja manna nefndar utanríkisráðherra um meinta kosti og galla EES-samningsins birt

Skýrslan er birt á vef Alþingis, inngangs-kynning, tæpar 2 bls. HÉR á vef Alþingis, en skýrslan sjálf (301 bls.) hér: https://www.althingi.is/altext/pdf/150/fylgiskjol/r0001-f_I.pdf

 

Áður en hún hefur verið lesin og skoðuð í heild, skal birt hér frétt Ruv.is af skýrslunni, án þess að tekið sé undir það, sem þar kemur fram, og á það einkum við tillögugerð þremenninganna. Nánar verður í nýrri grein fjallað hér um skýrsluna, vinnubrögð höfunda hennar, upplýsingar hennar og takmarkanir þeirra, sem og um tillögugerð nefndarinnar, sem að minnsta kosti að meiri hluta til var skipuð einstaklingum sem fyrir fram voru ýmist eindregið hlynntir EES-samningnum (Björn Bjarnason) eða beinni innlimun Íslands í Evrópu­sambandið (Kristrún Heimisdóttir)!

 

En hér er sú frétt Ruv.is (en þar strax er ýmislegt vægast sagt mjög sérstætt og jafnvel verulegt áhyggjuefni um hugsanlegt framhald af tillögum þessa einhliða skipaða starfshóps utanríkisráðherrans; segja má, að strax í fyrstu klausu hennar komi fram meiri hneigð til samrunaþróunar við Evrópusambandið en menn eiga hér að venjast):

 

"Binda verður enda á stjórnlagaþrætur um aðild Íslands að EES-samningnum segir starfshópur sem vann skýrslu um EES-samstarfið. Það verður að gera annað hvort með ákvæði um aðildina í stjórnarskrá eða með viðurkenningu á því að hún hafi áunnið sér stjórnlagasess.

 

Skýrsla starfshóps utanríkisráðherra um EES-samninginn var birt á vef Alþingis í morgun. Hún var gerð að beiðni Alþingis, að tillögu þingmanna Miðflokksins, með það að markmiði að greina kosti og galla EES-samningsins og áhrif hans á íslenskt samfélag síðasta aldarfjórðunginn. Starfshópinn skipuðu þau Björn Bjarnason, fyrrverandi dómsmálaráðherra og menntamálaráðherra, og lögfræðingarnir Kristrún Heimisdóttir og Bergþóra Halldórsdóttir.

Í skýrslunni er því lýst að íslenskt samfélag hafi tekið stakkaskiptum við aðildina að samningnum um Evrópska efnahagssvæðið. Jafnframt hafi nær allir viðmælendur sagt EES-samninginn lifa góðu lífi og vera til gagns og ávinnings. Einu undantekningarnar hafi verið samtökin Frjálst land á Íslandi og Nei til EU í Noregi.

Fimmtán úrbætur

Starfshópurinn tiltekur fimmtán atriði um úrbætur. Hæst ber ágreining um það hvort stjórnarskrá Íslands heimili fulla aðild að EES-samningnum. Binda verði enda á þrætur um slíkt, annað hvort með því að viðurkenna að EES hafi áunnið sér stjórnlagasess eða með því að setja í stjórnarskrá sérstakt ákvæði um aðild Íslands að samningnum. Við núverandi aðstæður sé staða Íslands gagnvart Noregi og Liechtenstein, sem eiga aðild að samningnum við Evrópusambandið, veikari en annars væri.

Þá verði að viðurkenna í verki að samningurinn móti allt þjóðlífið en ekki megi skilgreina hann sem erlenda ásælni. Raunar verði að viðurkenna að stór hluti EES-samstarfsins sé alfarið innanríkismál. Starfshópurinn tekur fram að ekkert sambærilegt tækifæri gefist til jafn viðamikils samstarfs við Evrópusambandið og með EES-samningnum. Enginn tvíhliðasamningur komi í hans stað."

 

(JVJ kom þessu hér á framfæri með viðaukaorðum í byrjun.)

Orkupakka-gróðaáform undirbúin með margra ára fyrirvara! Helminga­skipta­flokkar sækja á!

Svo snemma sem 2016 var Bjarni Ben. ásamt frændum sínum Ben. Ein. og föður hans Einari Sveins­syni (föður­br. BB) að styðja hvern til for­seta­framboðs? Davíð Odds­son? Ekki aldeilis, heldur Guðna Th.! --- og voru þar í hópi annarra sem studdu Guðna, þ.á m. orku­fyrir­tækja!!* Hafa þeir þá skipu­lagt þennan orku­pakka sjálfum sér í hag með svona löngum fyrirvara -- og útvalið Guðna sem þægan bandamann og dælt í hann styrkjum?! 

Helminga­skipta­flokkar sækja fram

Listinn frá Ríkisendurskoðun er stórmerkilegur, og þar vaða uppi helztu menn Sjálfstæðisflokks og Framsóknarflokks, en "Viðreisn" kemur einnig við sögu. Kannski engin furða að grun­samlega þögull og leiðitamur var Fram­sóknar­flokkurinn með orkupakka­málinu í vor og sumar. Svo virðist sem gamla Halldórs Ásgrímssonar- og Finns Ingólfssonar-liðið hafi náð undir­tökunum í því, sem eftir er af flokknum, ásamt Valgerði Sverrisdóttur (öll fyrrv. ráðherrar) og að með þeim sé líklega Ólafur Ólafsson úr Samskipum (einu stórfyrir­tækjanna, sem ágengum, vopn­djörf­um mönnum tókst að losa út úr SÍS-samsteypunni og ná valdi yfir).

Ekki er Finnur Ingólfsson nefndur á nafn meðal þeirra sem studdu kosningasjóð Guðna Th. 2016, en Finnur er sagður standa fjár­hagslega á bak við Ásmund Einar Daðason, ráðherra Framsóknar­flokks í núverandi ríkisstjórn, og hans ótrúlega stórtæku áform um vind­orkuver á jörðum í Dalasýslu. Svo fjárfrek eru þau áform (nú þegar í forvinnslu, m.a. hjá Vegagerð ríkisins, og ljósleiðari þegar kominn á framkvæmdasvæðið), að þau myndu aldrei borga sig að óbreyttu raforkuverði frá því sem nú er, en með sæstreng gæti verðið tvöfaldazt til þrefaldazt og gífurleg gróðavon í því fyrir nýjar virkjanir sem gamlar (þær sem gírugir munu einnig sækja í að ná undan Lands­virkjun eftir að hafa hlutað hana sundur). Meðal slíkra nýrra virkjana væru þá einnig vindorkuver.

Þvílík er áætlun Ásmundar Einars og félaga, að þeir hyggjast reisa á jörðum hans á Sólheimum í Laxárdal 27 vindmyllur með 68 metra löngum spöðum og með framleiðslu­getu upp á 115MW, rúmlega á við tvær Hvalárvirkjanir. "Steypumagnið sem flytja þarf upp á Laxárdals­heiðina mun getað slagað hátt í 200.000 tonn" (Gunnar Heiðarsson, aðal-heimildarmaður minn um þetta). Tvær aðrar vindorkuvirkjanir eru svo fyrirhugaðar vestanlands, við Garpsdal og á Hróðnýjar­stöðum við Búðardal, samtals þessar þrjár með afköst allt að 375MW (á borð við Búrfellsvirkjun).

Með þessu og öðrum slíkum í kjölfarið (t.d. á hinni víðfeðmu Grímsstaðajörð olíu­furstans Jims Ratcliff) væri því boðið heim að gerbreyta ásýnd íslenzkrar náttúru og jafnvel sjálfum barna­mála­ráðherranum gefið tækifæri til að höggva skarð í arna­stofninn eða útrýma honum með vindmyllum sem ná upp í 175 metra hæð! 

Á þessu myndbandi --- deildu af Facebók frábærs greina­höfundar og verkfræðings, Sigurðar Oddssonar -- má sjá hvernig vind­myllur berja niður stærðar erni eins og ekkert sé. 

 Myndbandið hefur verið skoðað 377.166 sinnum.

Sjón er sögu ríkari, smellið á bláu línuna!

 

Sjálfstæðisflokks-stuðningsmannagengið við Guðna Th. 2016 er úr sjálfum kjarna flokksins. Þar eru þessir áberandi:

Einar Sveinsson.................................................... 300.000 (föðurbróðir Bjarna Ben.)

Borgun hf (fyrirtæki sem náðist billega út úr Landsbankanum)................................................... 200.000 (Bjarni sjálfur Benediksson, Benedikt Einarsson og Einar Sveinsson áðurnefndur; Benedikt er sonur hans)

Arctic Green Energy Geothermal ehf......................... 400.000 (Haukur Harðarson og Illugi Gunnarsson, fyrrv. ráðherra; sá síðarnefndi var líklega helzti bandamaður Bjarna Ben. við Austurvöll, og saman áttu þeir fræga eða öllu heldur alræmda grein í Morgunblaðinu þar sem augljóslega var verið að agitera fyrir ESB-innlimum Íslands).

Becromal Ísland ehf................................................... 50.000 (Eyþór Arnalds, oddviti XD)

KOM ehf, kynning og markaður................................. 400.000 (Friðjón R Friðjónsson; hann er fyrrverandi aðstoðarmaður Bjarna Ben. og átti sæti í kosningastjórn Guðna Th. vegna forsetaframboðsins og vinnur nú sem erindreki fyrir Atlantic Superconnection, sem er með áform um að leggja raforku-sæstreng milli Íslands og Skotlands! -- já, einmitt slíkur studdi framboð Guðna Th. 2016!)

Ursus ehf................................................................ 400.000 (félag Heiðars Guðjónssonar, sæstrengs- og vindmyllumanns, fjárfestis sem stefnir einarður að sæstreng, en hann er tengdasonur Björns Bjarnasonar, fyrrv. dómsmálaráðherra, hins óþreytandi orkupakka-málsvara á Moggabloggi!); já, einnig þeim tengdafeðgum mun hafa litizt vel á að fá Guðna Th. í lið með sér 2016! 

Og ekki er allt komið enn úr röðum "sjálfstæðismanna":

Bláa Lónið ehf........................................................ 200.000 (Guðlaugur Þór Þórðarsson og Helgi Magnússon)

En hver er Helgi? Þessi sami sem á hér líka prívat og persónulega þetta framlag í kosningasjóð Guðna Th. 2016:

Helgi Magnússon................................................... 400.000 (50% eigandi Fréttablaðsins, einn af stofnendum Viðreisnar). Já, um þetta -- að styðja Guðna Th. til forsetakjörs -- sameinaðist Valhallargengið og einn máttarstólpi ESB-flokksins Viðreisnar!

En eru framlög Framsóknarflokks-fylgjenda rýrari? Um það skal ekki fullyrt hér, það þarf að skoða betur allan listann í skýrslu Ríkisendurskoðunar um fjármögnun kosningaskrifstofa framboðanna 2016. En þessa má þó tiltaka:

Askja hf................................................................ 100.000 (Ólafur Ólafsson)

Samskip hf............................................................. 400.000 (Ólafur Ólafsson, aftur sá eini sanni)

Vogabakki ehf........................................................ 400.000 (Ólafur Ólafsson, enn sá eini sanni, drjúg framlögin frá honum)

Svo er hér e.k. rúsína í pylsuendanum: 

Wow air ehf........................................................... 400.000 (Skúli Mogensen)

Hvað var hann að gera hér? Vildi hann fá Guðna í lið mér sér að auglýsa Wow air? Einhver myndi kannski leyfa sér all-djarfa, en ósannaða samsæristilgátu: Að Engeyjar-gengið (sem svo mjög hamaðist við að styðja Guðna) hafi mögulega bent Skúla á, að ef hann yrði nú meðfærilegur og sletti góðri summu í framboð eins óskakandídats á Bessastaði, þá fengi hann kannski hagstæða meðferð síns fjármálaævintýris? 

  

* Sjá hér (úr skýrslu Ríkisendurskoðunar um styrki til forseta­frambjóð­enda 2016): https://fullveldi.blog.is/blog/fullveldi/entry/2238792/ --- já, takið eftir, að ítrekað koma Engeyingar þar við sögu!

Jón Valur Jensson.

Samþykkt þriðja orkupakkans felur í sér opið framtíðar-samþykki við raforku-sæstreng (með viðauka)

En talsmenn stjórnarflokkanna keppast hver um annan þveran um að af­neita þessari staðreynd, og ESB-hneigðir vinstri flokkar taka undir sama skræka söng hinna fáfróðu.

Stað­reynd­in liggur fyrir í orku­pakk­anum sjálf­um, mark­miðs­lýsingu hans í inn­gangs­orð­un­um, sem og í ákvæðum þar um, að ekki megi hindra raforku­flutning yfir landamæri. Vitaskuld er þar átt við raflínur milli landa, og þegar um þau lönd er að ræða, sem aðskilin eru með hafi, þá eru þær raflínur (eins og nú þegar er að finna hjá nágranna­þjóðum okkar) í formi sæstrengs.

Þetta má og þarf að rökstyðja miklu ýtar­legar, og það verður líka gert með viðauka við þennan pistil.

PS.  Óvænt er nú umræðu lokið um málið, "fleiri eru ekki á mælendaskrá," var þingforseti (WÞÞ) að tilkynna og boðaði atkvæðagreiðslu um málið nk. mánudag, um leið og hann sleit þingfundi rétt í þessu, kl. 19.35.

V I Ð A U K I

Skúli Magnússon, héraðsdóm­ari við Héraðs­dóm Rvíkur og fyrrv. skrif­stofu­stjóri EFTA-dóm­stóls­ins, hafn­ar rök­um um að lagn­ing sæ­strengs teng­ist þriðja orku­pakk­anum.

Bless­aður lög­fræð­ing­ur­inn gengur þarna fram hjá því, að strax í upp­hafi 1. gr. reglu­gerð­ar EVRÓPU­ÞINGS­INS OG RÁÐSINS (EB) nr. 714/2009 segir svo [feitletranir JVJ]:

"Efni og gildissvið

Markmiðið með þessari reglugerð er að:

a) setja sanngjarnar reglur um raforkuviðskipti yfir landamæri

og auka þannig samkeppni á innri markaðinum með raforku

að teknu tilliti til sérkenna landsbundinna markaða og

svæðismarkaða. Þetta felur í sér að komið verði á

fyrirkomulagi vegna jöfnunargreiðslna fyrir raforkuflæði

yfir landamæri og að settar verði samræmdar meginreglur

um gjöld vegna flutnings yfir landamæri og úthlutun

tiltækrar flutningsgetu samtengilína milli landsbundinna

flutningskerfa, ..."  

----Við sjáum vitaskuld fyrir okkur, að hafa megi raforkuviðskipti yfir landamæri t.d. Belgíu og Frakklands. Það verður ekki gert með því að flytja risa-rafgeyma í löngum flutningalestum yfir landamærin. Það þarf ekki að nefna það, að vitaskuld er þetta gert með RAFLÍNUM. En ef Ísland á að verða undirsett þessari reglugerð, þá verður rafmagn vitaskuld ekki flutt héðan með öðru móti en með þess háttar raflínum, sem eru í formi SÆSTRENGS. Lögfræðingur, sem þykist ekki skilja eða viðurkenna þetta, er eins og blindur á sinn lagalega texta. 

----Og ekki er þetta aðeins (orðrétt) "markmiðið með þessari reglugerð", heldur fylgja henni líka ákvæði 19.gr. um að "eftirlitsyfirvöld skulu vinna saman og með framkvæmdastjórninni og stofnuninni til að uppfylla markmið þessarar reglugerðar, eftir því sem við á, í samræmi við IX. kafla tilskipunar 2009/72/EB," og í 21. gr.: "Með fyrirvara um 2. mgr. skulu aðildarríkin setja reglur um viðurlög við brotum gegn ákvæðum þessarar reglugerðar og gera allar nauðsynlegar ráðstafanir til að tryggja að þeim ákvæðum sé beitt...."

----Ennfremur í almennum ákvæðum í I. viðauka við reglugerðina: "Flutningskerfisstjórar skulu leitast við að samþykkja öll viðskipti, þ.m.t. þau sem tengjast viðskiptum yfir landamæri."

----Ennfremur í 4.gr. reglugerðarinnar: "Allir flutningskerfisstjórar skulu starfa saman á vettvangi Bandalagsins í Evrópuneti raforkuflutningskerfisstjóra til að stuðla að tilkomu og starfsemi innri markaðarins á sviði raforku og viðskiptum yfir landamæri og til að tryggja bestu stjórn, samhæfðan rekstur og trausta tæknilega þróun evrópska raforkuflutningsnetsins."

----Kýs Skúli Magnússon að vera blindur á þessar staðreyndir í þeim afleita þingsályktunarpakka, sem nú er reynt að narra alþingismenn til að samþykkja? AUGLJÓSLEGA eru þarna ákvæði sem mæla fyrir um  raforkuviðskipti yfir landamæri, með RAFLÍNUM, sem í tilfelli eylandsins Íslands hlýtur að vera í formi SÆSTRENGS eða SÆSTRENGJA. Allar fullyrðingar um, að þriðji orkupakkinn feli EKKI í sér sæstrengi, eru því RAKIN LYGI, sem enginn lögfræðingur á að leggja nafn sitt við, hversu mikið sem honum kann að vera boðið í vel smurða þókknun fyrir sérálit sem gangi í þessa átt!

Í reglugerð Evrópusambandsins nr. 702/2009 frá 13. júlí 2009, um að koma á fót Samstarfsstofnun eftirlitsaðila á orkumarkaði, segir svo í 1. og 5. lið:

1) Í orðsendingu framkvæmdastjórnarinnar frá 10. janúar 2007 sem ber yfirskriftina „Stefna í orkumálum fyrir Evrópu" er lögð áhersla á mikilvægi tilkomu innri markaðarins á sviði raforku og jarðgass. Það að bæta regluramma á vettvangi Bandalagsins var auðkennt sem lykilráðstöfun til að ná því markmiði. [...]

5) Aðildarríkin skulu vinna náið saman og fjarlægja hindranir í vegi viðskipta með raforku og jarðgas yfir landamæri í því skyni að ná fram markmiðum Bandalagsins á sviði orku. Mat á áhrifum tilfanga, sem miðlæg stofnun þarf, leiddi í ljós að óháð, miðlæg stofnun hafði til langs tíma litið fjölmarga kosti umfram aðra valkosti. Stofna skal Samstarfsstofnun eftirlitsaðila á orkumarkaði (stofnunin) til að bæta gloppur í löggjöfinni á vettvangi Bandalagsins og stuðla að skilvirkri starfsemi innri markaða fyrir raforku og jarðgas. Stofnunin skal einnig gera landsbundnum eftirlitsyfirvöldum kleift að auka samvinnu sína á vettvangi Bandalagsins og taka gagnkvæman þátt í Bandalagstengdri starfsemi.

Hér ber allt að sama brunni og ljóst, að með orkupakkanum er verið að gera öllum aðilum hans skylt fylgja eftir því aðal-markmiði að fjarlægja hindranir í vegi viðskipta með raforku yfir landamæri í því skyni að ná fram markmiðum Bandalagsins á sviði orku.

Í tilfelli Íslands merkir þetta ekki í sjálfu sér skyldu ríkisvaldsins að kosta og leggja héðan sæstreng, heldur einfaldlega, að engum leyfist að hindra viðskipti með raforku um slíkan sæstreng. Íslenzka ríkið mundi eiga aðild að þessum reglugerðum báðum, ef þriðji orkupakkinn verður samþykktur nk. mánudag 2. september, og stjórnvöld geta þá ekki undanþegið sjálf sig frá þeirri skyldu, skv. ofangreindu, að sjá til þess, að engar hindranir verði settar í veg fyrir lagningu og starfrækslu slíks sæstrengs eða sæstrengja.

Þeir stjórnmálamenn eru naumast læsir, sem sjá þetta ekki.

Jón Valur Jensson.

„Ekki koma með enn eitt bullið“

Við eigum að nýta okkur sem bezt frábæra samninga EFTA-ríkjanna við önnur lönd, í stað þess að einblína á tregt og staðnað Evrópusamband

Nú hafa náðst einstakir frí­verzl­un­ar­samn­ing­ar EFTA-ríkj­anna ­við s.k. Mercosur-ríki í S-Ameríku: Argentínu, Brasilíu, Úrúgúay og Paragúay. Þetta skapar ómetan­leg við­skipta­tæki­færi fyrir sjávar­útveg okkar og fleiri atvinnuvegi.

Samn­inga­nefnd­ir EFTA og Mercos­ur í Bu­enos Aires sl. föstudag, 23. ág. 2019, þann merkisdag!

 

Árlegur innflutningur til Íslands frá þessum fjórum löndum nemur 24 milljörðum króna, en útflutningur héðan til þeirra aðeins einum og hálfum milljarði (sextán sinnum minna)! "Í inn­flutn­ingi til Ís­lands veg­ur áloxíð langþyngst en það er þegar toll­frjálst" (Mbl.is). En nú fengum við tækifærið til að stórefla útflutning til þessara landa.

 

Nýi samningurinn felur í sér, að "nær all­ar sjáv­ar­af­urðir sem Ísland flyt­ur út munu njóta fulls toll­frels­is, sum­ar frá gildis­töku samn­ings­ins, en aðrar að lokn­um mislöng­um aðlög­un­ar­tíma." (Mbl.is, leturbr. hér)

 

Þetta er einstakt tækifæri fyrir okkar útflutnings­greinar, og EFTA-ríkin (Sviss, Noregur, Ísland og Liechtenstein) hafa náð hér betri samningum en Ísland fekk með EES-samningnum. Þá (1993) var okkur lofað tollfrelsi í ESB á sjávarafurðir, en það hefur enn ekki verið staðið við það! Hins vegar hafa Kanadamenn, sem ekki eiga aðild að EES-samn­ingnum, náð betri fríverzlunar­kjörum við ESB en við!

 

 

Jón Valur Jensson.

Fríverslunarsamningur við aðildarríki Mercosur