Fjórfalt fleiri Norðmenn andvígir ESB-inngöngu en þeir sem sækjast eftir henni

Miðað við þá, sem afstöðu tóku í nýrr­i skoðana­könn­un Sentios fyrir dag­blöðin Nati­on­en og Klassekam­pen, eru NEI-sinnar 79,8% Norðmanna, en já-sinnar aðeins 20,2%, og eru NEI-sinnar þannig 3,96 sinnum fleiri en jásinnar.

• Sam­kvæmt skoðana­könn­un­inni eru 70,5% Norðmanna and­víg aðild að ESB en 17,8% henni hlynnt. Meiri­hluti kjós­enda allra stjórn­mála­flokka í Nor­egi er á móti aðild, þar með taldir kjós­end­ur Hægri­flokks­ins sem er hlynnt­ast­ur inn­göngu í sam­bandið. 29,9% kjós­enda flokks­ins styðja aðild að ESB en 60% eru hins veg­ar á móti henni. 
• Mest andstaða er á meðal kjós­enda norska Miðflokks­ins en ein­ung­is 4,1% þeirra styður aðild að ESB. Mest­ur stuðning­ur er hins veg­ar á meðal kjós­enda Ven­stre en fjór­ir af hverj­um tíu kjós­end­um hans styðja aðild. (Mbl.is)

Ánægjuleg tíðindi af staðfestu norsku þjóðarinnar, ekki satt? Og sannarlega var gaman að heyra í hinum söngelska sjálfstæðissinna í Vestur-Íslendinga-þættinum í Sjónvarpinu í kvöld. Hann komst vandræðalaust í gegnum Öxar við ána – nokkuð sem ýmsir ungir menn á Reykjavíkurmalbikinu eiga orðið erfitt með fyrir sakir alls þess sem truflar athyglina og sýndarmennskunnar á mammonsvegum sem blekkir marga.

Jón Valur Jensson.

Meirihluti áfram gegn ESB-aðild

Athugasemdir

[Jón Þórhallsson, 1.9.2014 kl. 18:36]

Það er ekki hægt að bera saman inngöngu okkar og Noregs í ESB.

Noregur er með það stórt hagkerfi/mikinn íbúafjölda á bak við sig að þeir þurfa ekki á öðrum að halda; frekar en þeir vilja.

Það er annað en litla sem er bara með 360þúsund hræður á bak við sig.

=Minnsta hagkerfi í heimi.

[Samtök um rannsóknir á ESB ..., 1.9.2014 kl. 22:01]

Athugaðu annað, Jón Þórhallsson:

Íslendingar hefðu allra þjóða mestu að tapa við samlögun við stórveldið, um 755.000 fkm fiskveiðilögsögu, sem við yrðum ekki lengur hæstráðendur yfir né með einkaleyfi á nýtingu hennar, en við hefðum líka minnst að vinna: því að við yrðum með langminnsta atkvæðavægið í ESB-apparatinu af öllum þjóðum þessa stórveldabandalags; hér eru ennfremur þau land- og sjávargæði, að við eigum vísan stöðugt batnandi hag, til langs tíma litið, og langt umfram aðrar þjóðir, sbr. t.d. vaxandi ferðaþjónustu og líklega aflaaukningu og fleiri vaxtartækifæri í sjávarútvegi, auk annars.

Að agitera fyrir innlimun í þetta stórveldi er því bráðræði hið mesta!

Jón Valur Jensson.