Ferðin sem aldrei skyldi farin hafa verið

  Kjaran auglýsir nú EBA-pappírstætara, þýzka hágæðaframleiðslu. Er þetta tilvalið tækifæri og viðblasandi lausn á þvi vandræðamáli sem Össurarumsóknin ólögmæta hefur verið okkur allt frá upphafi. Nú er tilvalið að renna henni í gegnum tætarann og að upplýsa Brusselmenn um þau farsælu endalok hennar.

Merkilegt annars með þessa "vegferð" Samfylkingarmanna með gervalla þjóðina. Henni má líkja við langt ferðalag, sem hópi nokkrum var gert að fara austur á Langanes, án þess að hann fengi nokkru um það ráðið, en þegar hann hafði á nær hálfnaðri leið fengið sína menn til að taka yfir stjórn á rútunni, þá sem höfðu ekki áhuga á lokatakmarkinu fremur en hópurinn sjálfur, þá heyrðist kveðið úr horni: "Nei, nú verður að kjósa um það, fyrir lítinn kvartmilljarð, hvort við höldum ferðinni áfram, úr því að við erum komin svona langt, eða setjum ákvörðun um það á ís, af því að það er aldrei að vita, hvað kynni að vera í pakkanum sem við fengjum, þegar á leiðarenda yrði komið!"

Jón Valur Jensson.

Athugasemdir

[Jón Steinar Ragnarsson, 6.3.2014 kl. 04:57]

Í þessari grein frá því ílok Maí í fyrra:

http://www.euractiv.com/enlargement/barroso-tells-iceland-decide-fas-news-529332

Segir Barrosso að klukkan tifi og að ríkistjornin verði án tafar að taka ákvörðun um hvort hún ætli að halda ferlinu áfram eða hætta við.

Evrópubandalagsinnar sjá þessa grein a annan veg og vitna til orða Barrossós um það að kjosa eigi um framhaldið innan fjögurra ára. Þetta er túlkað sem að Sigmundur hafi lofað Barrossó því að kjósa um framhaldið.

Það er einn galli á gjöf Njarðar. Barrossó er þarna að vísa til heitstrenginga Össurar frá því mánuði áður þegar hann gerði hlé á viðræðum. gunnar Bragi fór síðan út í Júní og sleit viðræðunum formlega.

Semsagt: Þetta er eftir að Össur strengir heit um þjóðaratkvæði við hann og áður en núverandi ríkistjórn slítur viðræðum.

Evrópusinnar eru því að eigna Sigmundi loforð sem Össur gaf Barrosso mánuði fyrir þennan umrædda fund, enda hvergi vitnað til orða Sigmundar í þessa veru.

Er þetta ekki alveg stórfenglegt hvernig spunarokkarnir vinna?

[Jón Steinar Ragnarsson, 6.3.2014 kl. 05:21]

Össur gerði reyndar hlé á þessu í Janúar 2013.

[Valdimar Samúelsson, 6.3.2014 kl. 17:00]

Það var rétt Jón Valur. Ég held samt að þessi umsóln verð eftirsót plakkard fyrir næstu kynslóð. Við ættum að byðja Ólaf að skrifa undir hana núna. Það væri gaman að heyra í honum um þetta mál og skrítið að hann hafi aldrei tjáð sig með það.

[Eggert Guðmundsson, 8.3.2014 kl. 20:57]

Maður er farinn að halda að þessi 46.000 manns sem hafa skrifað undir áskorun um framhald á því að "kíkja í pakkann" falli undir galla skólakerfisins sem fram hefur komið um að fólk geti ekki lesið sér til gagns.

Þetta á einnig við stóran hluta Alþingismanna sem hamra enn á  því að klára að kíkja í pakkann.

Það væri ráð að setja nokkra lestrarkennara á háum launum inn á Alþingi og láta alþingismenn lesa Rómarsáttmálann.