Mörg evruríkin stöðvast í dag

Verkalýðsfélög í ýmsum evruríkjum, Spáni, Portúgal, Grikklandi og Ítalíu boða til allsherjarverkfalla í dag.

Allir helstu fjölmiðlar heims greina frá þessu.

Hér eru slóðir á greinar hjá EurActiv, BBC, WSJ, Reuters

Hér er slóð á auglýsingamynd frá spænskum verkalýðssamtökum.

Þrátt fyrir að forsætisráðherra Spánar þykist tímabundið vera að reyna stöðva 500 daglegar afhýsingar spánskra fjölskyldna úr húsnæði sínu, þá eru fjármálaöflin og bankarnir með fallöxina á almenningi.

Nákvæmlega sama sagan og á Íslandi nema í mörgum sinnum stærri og hrikalegri stíl.

Tónninn við heimsókn Angelu Merkel til Portúgal 12. nóv. er mjög harður.

Eftir opið bréf 100 listamanna til Merkel, þar sem hún var útlýst persona non grata í Portúgal, þá birtir blaðið I Informacao forsíðumynd af Angelu í dag þar sem hún er að breytast í svín.

Ein kveðjan til hennar er:

"Hail Angela, þeir sem munu deyja hylla þig."

Þetta var kveðja þrælabardagamanna í Rómarríki áður en bardagar hófust á leikvanginum að viðstöddum keisaranum.

 

Víðtækar vinnustöðvanir í Evrópu

Athugasemdir

[Ásthildur Cesil Þórðardóttir, 14.11.2012 kl. 12:39]

Draumalandið Evrópusamband er að breytast í animal farm.... eða þannig.

[Gústaf Adolf Skúlason, 14.11.2012 kl. 13:24]

Það er ekki fallegt að horfa upp á, hvernig er farið með fólk. Atvinnuleysi, húsnæðisleysi og margir, sem ekki hafa efni einu sinni á mat. Góð lýsing hjá þér Ásthildur með drauminn, sem breyttist í animal farm...fólk þarf að breyta þessu til baka.

[Ásthildur Cesil Þórðardóttir, 14.11.2012 kl. 15:45]

Svo sannarlega Gústaf, við þurfum að berja í brestina og taka höndum saman um að verja sjálfstæði okkar.