Elliði Vignisson tekur af skarið með uppreisn í Sjálfstæðis­flokknum gegn 3.orkupakkanum

 Honum blæðir fylgistap flokks­ins vegna máls sem Samfylk­ing og Við­reisn stefna að, en er í and­stöðu við lands­fund flokks hans og afstöðu gras­rót­ar­innar, sem fremur en að elta Bjarna í þvílíku grund­vall­ar­máli gegn sjálf­stæði okkar fer þá heldur yfir á Mið­flokkinn meðan þessir gerningar standa yfir í Valhöll.

Hann ber því vitni að átök hafa geisað inn­an Sjálf­stæðis­flokks­ins um þriðja orkupakka Evr­ópu­sam­bands­ins (þótt reynt hafi verið að þagga það niður), en þetta "þurfi ekki að vera ógn­vekj­andi," því að "í átök­um geti fal­ist tæki­færi til þess að leiðrétta kúrsinn þar sem þess væri þörf." Og það er greinilegt að nú sér hann fulla þörf á að leiðrétta kúrsinn í Val­höll, eins og meiri hluti fylgismanna flokksins hefur einmitt talið! Yfirgnæfandi andstaða sjálfstæðismanna gegn orkupakkanum hefur blasað við í hverri skoðana­könn­un eftir aðra um málið til þessa.

En fleira er í vopnabúri Elliða, bæjarstjóra Ölfuss og áður í Vestmannaeyjum:

„Mér hef­ur enda fund­ist það vera nán­ast áskor­un á sjálf­stæðis­menn að kjósa eitt­hvað annað þegar full­yrt hef­ur verið: „Þetta mál (Orkupakki 3) hef­ur ekki haft áhrif á fylgið“ [!!]“

Þá hef­ur Elliði einnig lýst áhyggj­um af eðli EES-samn­ings­ins sem feli í sér aðlög­un að Evr­ópu­sam­band­inu og velt því upp hvort ekki sé ástæða fyr­ir þing­flokk Sjálf­stæðis­flokks­ins að vera hugsi yfir því að stuðning­ur við þriðja orkupakk­ann komi aðallega úr röðum Sam­fylk­ing­ar­inn­ar, Viðreisn­ar og Pírata sam­kvæmt könn­un­um. (Mbl.is)

Með sínu hugrakka og skelegga frum­kvæði er Elliði vís með að kalla fram fagnaðar­bylgju meðal flokksmanna, sem knýi forystu flokksins til að endur­skoða allt málið frá grunni, vonandi með farsælli niðurstöðu fyrir land og þjóð, og þá verður um leið flokki hans bjargað frá smánarlegu hruni.

Jón Valur Jensson. 

Skorað á sjálfstæðismenn að kjósa annað

Athugasemdir

[Tómas Ibsen Halldórsson, 21.7.2019 kl. 17:34]

Elliði og fleiri á hans kalíber taki við forustu flokksins á næsta landsfundi, að öðrum kosti er flokkurinn dauður.

[Þorsteinn Siglaugsson, 22.7.2019 kl. 00:06]

Hann er eflaust á leið úr flokknum eftir tapið í síðustu sveitarstjórnarkosningum. Og þetta er aðferðin. Flóknara er það nú ekki held ég.

[Jón Valur Jensson, 22.7.2019 kl. 00:26]

Já, ég er ekki fjarri því, að þetta geti verið spádómsorð, ágæti Tómas. Flokkurinn heldur áfram að stefna lóðrétt niður, en raunhæft að ætla, að með opinskárri mótstöðu margra þekktra flokksmanna verpi hægt að þrýsta Bjarna frá völdum, kalla saman landsfund eða neyða forystuna til að fresta fyrirætlunum sínum eða fara millileið í málinu.