Ný ríkisstjórn Ítalíu tekst á við Evrópusambandið strax frá fyrsta degi

Margir hafa undrazt hvernig ESB-stór­veld­ið neyddi í raun meiri­hluta­flokka Ítal­íu til að falla frá skipan Paolos Sa­vona sem fjár­mála­ráðherra (forsetinn Mattar­ella hafn­aði honum, í þægð við Evrópu­sam­bandið). En það er verð­ugur mót­leikur þegar nýr forsætis­ráðherra landsins, Giuseppe Conte, skipar nú hinn sama Savona sem ráðherra Evr­ópu­mála, "en hann er harður efa­semda­maður um Evr­ópu­sam­starfið" (mbl.is)! Hér er fullt tilefni til að vitna í styttri leiðara Morgun­blaðsins þennan föstudag:

"Breytt í þágu Brussel

Föstudagur 1. júní 2018

Þriðja stærsta hagkerfi evrusvæðisins gæti þrátt fyrir allt fengið að mynda ríkisstjórn sem hefur efasemdir um evruna. Forseti Ítalíu hafði, eftir mikla andstöðu í Brussel og Berlín, hafnað fjármála­ráðherraefni flokkanna sem sigruðu í ítölsku þingkosningunum og mynda meirihluta á þingi. Fjármálaráðherraefnið þótti of gagnrýnið á evruna til að hægt væri að leyfa lýðræðinu að hafa sinn gang.

Í gærkvöld var greint frá því að meirihlutaflokkarnir hefðu ákveðið að gefa eftir og velja nýtt fjármálaráðherraefni. Þetta var gert undir hótunum um utanþingsstjórn þóknan­lega ESB og nýjar kosningar til að lagfæra þær sem elítan í ESB taldi hafa gefið ranga niðurstöðu.

Þegar þetta er skrifað er búist við að ný stjórn á Ítalíu taki við í dag, föstudag. Sú stjórn verður ekki eins og meiri­hlutinn á ítalska þinginu vildi helst hafa hana, en hún gæti engu að síður ruggað báti Evrópu­sambandsins og evrunnar verulega. Fróðlegt verður að sjá hver næstu viðbrögð elítunnar í Brussel og áhangenda hennar verða ef ríkis­stjórnin fylgir þeim málum eftir sem ítalskir kjósendur ætlast til." (Tilvitnun lýkur.)

Ekki hafa þessir atburðir aukið traust manna á lýðræðisást Brusselmanna og leiðtoga Evrópusambandsins, svo sem hinna valdamestu, Frakklandsforseta og Þýzkalandskanzlara. Greinilega vilja þau, eins og í tilfelli Grikklands, Ungverjalands og Póllands áður, takmarka frelsi þjóða og þjóðþinga til að ráða málum sínum sjálf.

Jón Valur Jensson.

Conte nýr forsætisráðherra Ítalíu

Athugasemdir

[Valdimar Samúelsson, 2.6.2018 kl. 13:50]

Jón Valur. Gott innlegg. Vonandi tekst Ítölum að lækka rosta Brusselsmanna.

[Merry, 2.6.2018 kl. 16:52]

Jón Valur

Ég hef flygst þetta ansi vel undafarið. EU hefur greinilega stórt vandamál með þetta með því að útiloka val sitt á fjármálaráðherra - en þau eru komnir í gang. Nú getur þau byrjað.