Gott að Samfylking sjái ljósið - eða a.m.k. smá-skímu

Nú hafa tveir forystumenn Sam­fylk­ingar, for­mað­urinn Árni Páll og Helgi þing­flokks­for­maður, sem fýsir að verða for­maður, viður­kennt mistök flokks­ins með ein­hliða ofur­áherzlu á ESB og evr­una ásamt hlut­drægum böl­móði um ís­lenzkt efna­hagslíf.

Mis­tök eru til þess að læra af. Kreppa stjórn­mála og ekki síst okk­ar jafn­aðar­manna er ekki sér­ís­lensk þótt hún djúp sé hér. Hún er sprott­in af þeirri til­finn­ingu fólks að pen­inga­öfl­in ráði, stjórn­mála­menn séu í stjórn­mál­um bara sjálfra sín vegna og flokk­arn­ir svíki gef­in lof­orð,“ seg­ir Helgi Hjörv­ar, þing­flokks­formaður Sam­fylk­ing­ar­inn­ar, í yf­ir­lýs­ingu sem hann hef­ur sent til fjöl­miðla í kjöl­far þess að hann til­kynnti fram­boð til for­mennsku í flokkn­um (leturbr. jvj).

Það dug­ar ekki að bíða eft­ir evr­unni, held­ur þarf Sam­fylk­ing­in skýra stefnu­breyt­ingu. Við eig­um að halda aðild­ar­um­sókn­inni að ESB á lofti,“ seg­ir Helgi, „en hætta að segja að allt sé ósann­gjarnt og verði áfram óhóf­lega dýrt á meðan við höf­um okk­ar veik­b­urða gjald­miðil.“

Takið eftir, að enn hangir hann í því að tíunda meintan veikleika krón­unnar, í stað þess að viðurkenna a.m.k. sveigjanleika hennar um leið, og vill halda aðild­ar­um­sókn­inni  áfram, NOTA BENE: ekki viðurkenna, að hún hafi verið dregin til baka! Við vitum sem sé, hvernig Helgi myndi reynast í því máli, yrði hann foringi Samfylkingarinnar – gera allt til að liðka fyrir sem sneggstri innlimun í stórveldið!

„Við meg­um ekki fresta því að breyta kerf­inu þangað til við fáum al­vöru gjald­miðil [sic],“ seg­ir Helgi enn­frem­ur í sömu yf­ir­lýs­ingu.

En þótt það sé prýðilegt að Samfylking sjái a.m.k. smá-skímu þessa dagana og ætli sér ekki að halda áfram gamla söngnum um að nánast allt sé hér ómögu­legt, eins og það hafi verið rök fyrir innlimun í stórveldabandalag, þá skulum við samt hafa auga með því, hvað valdamenn í þessum hnignandi flokki ætla sér – og ekki þá síður vegna þess, að nýja formannsefnið vill sameinast Pír­ötum og "Bjartri framtíð" og trúlega véla það fólk inn í Brusseláhugamál sitt.

Engin Evrópusambands-innlimunarstefna má eiga hér upp á pallborðið hjá íslenzkri þjóð; við stefnum sjálf að okkar eigin björtu framtíð með vinnusemi og okkar ágætu krónu sem smám saman hefur gert Ísland að alvöru-ferða­mennskulandi, ríkissjóði og sveitarfélögum og okkur öllum til mikils tekjuauka. Með tímanum (eins og hefur sýnt sig) getum við svo vel sniðið marga agnúana af okkar efnahags- og peningamálum og gefið almenningi miklu betri hlut í batanum með því að útdeila gróða nýju bankanna af því að hafa keypt kröfur hrundu bankanna á spottprís. Og nú þegar, frá síðustu áramótum, hefur ríkis­stjórnin fært niður verðlag á ýmsum vörum með niðurfellingu tolla – en það er nokkuð sem við værum ekki sjálfráð um, ef við værum í Evrópusambandinu!

Jón Valur Jensson.


mbl.is Ekki hægt að bíða eftir evrunni
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Guðmundur Ásgeirsson

Mikið er nú gott að Helgi skuli ætla að hætta að níða niður land og þjóð og allt sem íslenskt er og nota það ásamt verðtryggingunni sem svipu til að knýja okkur nauðug inn í Evrópusambandið.

Með yfirlýsingu Helga ásamt útspili Árna Páls hefur nú verið viðurkennt að þetta eru bullrök sem Samfylkingin hefur verið að nota í þeim tilgangi einum að reyna að plata fólk til að halda að ESB sé einhver lausn.

Guðmundur Ásgeirsson, 19.2.2016 kl. 13:43

2 Smámynd: Samtök um rannsóknir á ESB ...

Þakka þér mjög gott innlegg sem oftar, Guðmundur. 

Samtök um rannsóknir á ESB ..., 19.2.2016 kl. 13:55

3 Smámynd: Tómas Ibsen Halldórsson

Það hefur nú aldeilis tekið tímana tvenna fyrir forustulið Samfylkingarinnar að átta sig á því að það sem þeir eru búnir að vera berjast fyrir frá því sá flokkur var stofnaður er eitt stórt klúður. Nú þurfa leifarnar af SF að átta sig á því að flokkurinn þeirra, sem hefur haft eitt málefni á stefnu skrá sinni, er búinn að glata stefnu sinni.

Hugsið ykkur ef við hefðum nú álpast inn í ESB fyrir tilstilli og þrýstni forystu Fylkingarinnar, hvar ætli við sem þjóð stæðum í dag mitt í öllu ESB klúðrinu og þeirri upplausn sem þar á sér stað akkúrat núna?

Við höfum, blessunarlega, enn haft íslensku krónuna okkar sem hefur hjálpað okkur út úr krísunni sem yfir okkur dundi, í stað þess að vera á sama plani og Grikkir sem sjá ekki út úr augum vegna efnahagslegra erfiðleika.

Ég verð nú að segja að það er aðdáunar vert og þó kannski ekki, að nokkur maður vilji taka að sér að gerast formaður í flokki sem hefur klúðrað öllum sínum málum eins og SF hefur gert. Að nokkur vilji taka það að sér að halda áfram á þeirri braut, að búa til nýja stefnu sem klúðra megi. Ekki það að ég óski Helga Hjörvari eða nokkrum öðrum að lenda í slíku feni, en að mínu viti hefur lítið gagnlegt komið frá flokki hans, eins og skoðanakannanir benda til að almenningur er farinn að átta sig á. Meira að segja eru vonarstjörnur flokksins farnar að yfirgefa sökkvandi skipið.

Tómas Ibsen Halldórsson, 19.2.2016 kl. 14:04

4 Smámynd: Samtök um rannsóknir á ESB ...

Þakkir fyrir fróðlegt innleggið, Tómas! Og gleymum ekki nágrönnum okkar, Írum, sem voru af ESB knúnir til að taka á sig fjárhagsbyrðar vegna bankanna, sem töfðu endurreisn þeirrar þjóðar eftir hrunið mun lengur en okkur hér á sjálfstæða Íslandi.  --JVJ.

Samtök um rannsóknir á ESB ..., 19.2.2016 kl. 14:17

5 Smámynd: Tómas Ibsen Halldórsson

Já, mér fannst ekki þurfa að telja upp öll hin löndin, en rétt er það að Grikkir eru langt í frá að vera eina þjóðin í ESB sem hefur lent í klóm þeirra sem öllu ráða þar innandyra en enginn hefur kosið til þess að sinna málefnum sambandsins.

Tómas Ibsen Halldórsson, 19.2.2016 kl. 14:29

6 Smámynd: Jón Steinar Ragnarsson

Þetta er mikil herkænska að slaka á Evrópusambandsdraumum þegar vitað er að þeir eru stopp og munu hvergi komast fyrr en búið er að liða sundur stjórnarskranna til að gera okkur bæði hæf til inngöngu og opna á kafla sem varða framsal.

nú eru þeir komnir með forgangsröðina. Nú mun áherslan lögð á stjórnarskrárbreytingar til að greiða götuna. Þetta hefur alltaf verið sama málið, en þeir byrjuðu á vitlausum enda síðast og urðu heimaskítsmát. Fylgist nú með komandi stjórnarskrárlýðskrumi.

Jón Steinar Ragnarsson, 19.2.2016 kl. 16:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband