Úrskurður Mannréttinda­dómstóls Evrópu í máli Geirs Haarde felur líka í sér stjórnar­skrárbrot með ESB-umsókninni

MDE byggði á því að 16.-19.gr. stjórnar­skrár­innar væru í gildi: að meiri háttar stjórnar­málefni bæri því að leggja fyrir ríkis­stjórn. En þar er og kveðið á um að slík mál skal bera undir forsetann og að undirskrift hans fullgildi þau. Það á ekki aðeins við um lagafrumvörp.

Þingsályktunartillagan um að sækja um aðild að Evrópusambandinu var slíkt "mikilvægt stjórnarmálefni", eins og Árni Páll Árnason (lögfræðingur og formaður Samfylkingarinnar!) sagði sjálfur og viðurkenndi, sjá hér: Árni Páll Árnason minnir óvart á að ESB-umsókn Össurar og hans eigin flokks var ólögmæt!

Samt hljópst Össur, þá utanríkisráðherra, fram hjá þeirri skyldu að bera málið undir Ólaf forseta -- stökk bara með þings­ályktunina (þá enn ekki fullgilda skv. ákvæðum stjórnarskrár) beint út til ESB og það tvisvar!

Össur Skarphéðinsson verðskuldar að vera dreginn fyrir Landsdóm vegna þessa stjórnarskrárbrots.

Það sem meira er: Sjálf umsóknin var og er ógild. Alþingi uppfyllir bezt skyldu sína með því að afturkalla formlega þá sam­þykkt naums meirihluta þingmanna í júlí 2009.

Jón Valur Jensson.

16.-19. gr. Stjórnarskrár lýðveldisins Íslands eru sem hér segir:

 16. gr. Forseti lýðveldisins og ráðherrar skipa ríkisráð, og hefur forseti þar forsæti. 

 Lög og mikilvægar stjórnarráðstafanir skal bera upp fyrir forseta í ríkisráði. 
 17. gr. Ráðherrafundi skal halda um nýmæli í lögum og um mikilvæg stjórnarmálefni. Svo skal og ráðherrafund halda, ef einhver ráðherra óskar að bera þar upp mál. Fundunum stjórnar sá ráðherra, er forseti lýðveldisins hefur kvatt til forsætis, og nefnist hann forsætisráðherra. 
 18. gr. Sá ráðherra, sem mál hefur undirritað, ber það að jafnaði upp fyrir forseta. 
 19. gr. Undirskrift forseta lýðveldisins undir löggjafarmál eða stjórnarerindi veitir þeim gildi, er ráðherra ritar undir þau með honum. 

Athugasemdir

[Jón Valur Jensson, 25.11.2017 kl. 11:46]

Í Vikulokum á Rás 1 vilja Ragnheiður Elín Árnadótir, fv. ráðherra Sjálfstæðisflokksins, og Þorsteinn Víglundsson afnema lögin um Landsdóm, en Elín (Briem?) lögfræðingur vill laga þau og breyta. En engin þörf er á að hlífa brotafólki Jóhönnustjórnar.

[Jón Valur Jensson, 25.11.2017 kl. 11:59]

Eydís Blöndal heitir reyndar lögfræðingurinn sem er í Vikulokunum, laugardags-þættinum sem nú er að ljúka.