Breytt og jákvæð stefna Obama-stjórnar gagnvart viðskiptum við ESB-laust Bret­land

Yf­ir­maður ut­an­rík­is­viðskipta í rík­is­stjórn Obama sagði fyr­ir helgi að banda­rísk stjórn­völd hafi "þegar hafið óform­leg­ar viðræður við hátt­setta breska emb­ætt­is­menn um mögu­leg­an viðskipta­samn­ing á milli Banda­ríkj­anna og Bret­lands eft­ir að Bret­ar segja skilið við Evr­ópu­sam­bandið." Mike From­an heitir maðurinn, og um þetta er fjallað í frétt Fin­ancial Times.

Fleiri ríki eins og Ástr­al­ía, Kan­ada, Nýja-Sjá­land, Mexí­kó, Ind­land og Suður-Kórea hafa þegar lýst yfir áhuga á viðskipta­samn­ingi við Bret­land auk EFTA-ríkj­anna Íslands, Nor­egs, Sviss og Liechten­stein. (Mbl.is)

Heur From­an þessi rætt við nokk­urn fjölda brezkra emb­ætt­is­manna frá því að brezk­ir kjós­end­ur samþykktu í þjóðar­at­kvæði 23. júní að yf­ir­gefa Evr­ópu­sam­bandið.

Viðræðurn­ar hafi snú­ist um þau áform Breta og mögu­leg­an tví­hliða viðskipta­samn­ing eft­ir að úr­sögn­in úr sam­band­inu hef­ur tekið gildi. (Mbl.is)

Og takið eftir þessu:

Fyr­ir þjóðar­at­kvæði sagði Obama að ef Bret­ar segðu skilið við sam­bandið lentu þeir aft­ast í röð þeirra sem vildu viðskipta­samn­ing við Banda­rík­in. Eins og fram kem­ur í frétt­inni er því ljóst að stefnu­breyt­ing hef­ur átt sér stað í þeim efn­um. (Mbl.is, nánar þar.)

Viðræður þess­ar "fara fram sam­hliða yf­ir­lýs­ing­um full­trúa re­públi­kana í full­trúa­deild Banda­ríkjaþings um að hefja ætti slík­ar viðræður við bresk stjórn­völd."

Og takið sérstaklega eftir þessu í hinni traustlegu frétt Mbl.is (leturbr. undirritaðs):

Ríkj­um Evr­ópu­sam­bands­ins er óheim­ilt að semja um viðskipti við önn­ur ríki, en From­an seg­ir ekk­ert því til fyr­ir­stöðu að óform­leg­ar und­ir­bún­ingsviðræður um viðskipti fari fram áður en Bret­land yf­ir­gef­ur sam­bandið form­lega. From­an seg­ir enn frem­ur að í ljósi fyr­ir­hugaðrar úr­sagn­ar Bret­lands úr Evr­ópu­sam­band­inu sé ástæða til að end­ur­meta yf­ir­stand­andi fríversl­un­ar­viðræður Banda­ríkj­anna við sam­bandið enda sé Bret­land stór ástæða fyr­ir því að sá samn­ing­ur sé tal­inn eft­ir­sókn­ar­verður að mati Banda­ríkja­manna. Fjórðung­ur banda­rísks út­flutn­ings til Evr­ópu­sam­bands­ins fari þannig til Bret­lands.

En það er líka unnt að fara aðra leið samkvæmt þeim vísa manni, sem kann þó að vera að sefa Brusselmenn með þessu:

Hugs­an­legt sé að Bret­land verði aðili að fríversl­un­ar­samn­ingn­um á milli Banda­ríkj­anna og Evr­ópu­sam­bands­ins þegar landið seg­ir skilið við sam­bandið og viðræðum um samn­ing­inn hef­ur verið lokið að sögn From­ans. Það sé einn af þeim mögu­leik­um sem rædd­ir hafi verið varðandi mögu­leg­an viðskipta­samn­ing á milli Banda­ríkj­anna og Bret­lands. (Mbl.is)

En það er greinilegt af öllu, að hrakspár ESB-sinna, m.a. í fréttamannastétt á Rúv og Fréttablaðinu, um yfirvofandi einangrun Bretlands viðskiptalega vegna Brexit, eiga ekki við nein rök að styðjast.

Jón Valur Jensson.


mbl.is Vilja viðskiptasamning við Bretland
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóhann Kristinsson

Það var mikill léttir í mörgum löndum að Brexit varð að veruleika, ESB er ekkert annað en tollamúr fyrir viðskipti við lönd utan ESB.

Gagnkvæmir viðskiptasamningar hafa leitt gott af sér og lönd sem eru í góðum viðskiptum við önnur lönd hefur efnhag í blóma.

Tollamúrar voru reindir af Ríkistjórn Herbert's Hoower USA og afleiðingin varð efnhagaskreppan á árunum frá 1929 til 1940.

Frjáls viðskipti landa á að vera takmarkið.

Kveðja frá Seltjarnarnesi

Jóhann Kristinsson, 18.7.2016 kl. 07:32

2 Smámynd: Jón Valur Jensson

Það er rétt hjá þér, Jóhann, að Evrópusambandið er tollamúr fyrir viðskipti við lönd utan ESB, en segjum samt ekki, að það sé "ekkert annað", því að þar að auki gerir það kröfu til æðsta valds í löggjafarefnum yfir meðlimaþjóðunum og jafnvel stjórnvalds og dómsvalds, auk þess sem það hefur metnað (og valdheimildir) til enn meira, m.a. til stofnunar hers. Þetta er því eðlisólíkt fríverzlunarsamtökunum EFTA.

Jón Valur Jensson, 18.7.2016 kl. 11:58

3 Smámynd: Jóhann Kristinsson

Það var mikill léttir í mörgum löndum að Brexit varð að veruleika, ESB er ekkert annað en tollamúr fyrir viðskipti við lönd utan ESB.

Gagnkvæmir viðskiptasamningar hafa leitt gott af sér og lönd sem eru í góðum viðskiptum við önnur lönd hefur efnhag í blóma.

Tollamúrar voru reindir af Ríkistjórn Herbert's Hoower USA og afleiðingin varð efnhagaskreppan á árunum frá 1929 til 1940.

Frjáls viðskipti landa á að vera takmarkið.

Kveðja frá Seltjarnarnesi

Jóhann Kristinsson, 18.7.2016 kl. 14:51

4 Smámynd: Jón Valur Jensson

Af hverju birtirðu innleggið tvisvar?

Jón Valur Jensson, 18.7.2016 kl. 14:56

5 Smámynd: Valdimar Samúelsson

Það mun margt breytast með þessu hugrekki Breta. Þjóðir innan Evrópu munu sjá að það er ekki hægt að þvinga þau til hlýðni og sjálfsagt munu þau hverfa úr sambandinu. Það er hinsvegar ekki víst það Íslendinga en þessi hávaðasami minnihluti mun halda áfram þótt ekkert ESB sé lengur.

Valdimar Samúelsson, 18.7.2016 kl. 15:47

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband