Fjárhagur Evrópustofu margfaldur á við það sem sagt var í upphafi?! Styrkir hennar (ætlaðir til áróðurs) fara víða til að hafa áhrif á hugi manna!

Halldóra Hjaltadóttir stjórnmálafr.nemi og Erna Bjarnadóttir, hagfræðingur BÍ, voru í viðtali á Útvarpi Sögu þennan mánudag. Þar kom fram, að "Evrópustofa" fær árlega (til brúks og dreifingar) 700.000 evrur. Þetta eru 109.942.000 kr. m.v. núv. gengi. Samt var í upphafi talað um, að Evrópustofa fengi í heild 230 millj. kr. En 110 millj. á hverju ári eru strax á 3. ári komnar fram úr þeirri upphæð!

Hér virðist ausið inn ómældu magni af áróðurs- og upphitunarfé úr sjóðum Evrópusambandsins, í miklu meiri mæli en menn töldu í upphafi. Takið eftir, að þar er ekki verið að ræða um IPA-styrki, aðeins fjárhagsveldi "Evrópustofu"!

Halldóra nefndi, að ungir jafnaðarmenn, ungir framsóknarmenn, ungmennafélög, stúdentaráð, skátarnir, tvær kirkjur o.fl. aðilar hefðu fengið styrki frá Evrópustofu!

Það er greinilegt, að allar leiðir eru reyndar til að kaupa sig inn á Íslendinga, og lík var einmitt reynsla fleiri þjóða sem hurfu inn í þetta stórveldi, oft á naumum meirihluta atkvæða í lokin, og þegar svo sumar þjóðirnar sáu sig um hönd eftir á (eins og Svíar), þá var ekki hægt að snúa til baka!

Þá er rétt, að fram komi, að hin sama "Evrópustofa" (= Evrópusambands-áróðursstofa) sendi fyrir skemmstu starfsmenn sína í vinnustaðaheimsókn í Samherja, til að kynna Evrópusambandið og nýja sjávarútvegsstefnu þess (sem hefur þó alls ekki verið samþykkt!) fyrir starfsfólki fyrirtækisins í Reykjavík. Ennfremur er Evrópustofa með "námskeið" fyrir meðlimi ASÍ og BSRB um ESB í samstarfi við Félagsmálaskólann, og ber það heitið "Hvernig starfar ESB?"

Allt er greinilega reynt til að útbreiða áróður til að mýkja veikgeðja Íslendinga til að gleypa við flugum ESB, en áður höfðu sendiherrar ESB og útþenslumálastjórinn fyrrverandi, Olli Rehn, reynt með afar gagnrýnisverðum hætti að hlutast til um íslenzk innanríkismál, eins og áður hefur verið frá sagt.

Í framhjáhlaupi má geta þess, að Halldóra Hjaltadóttir, sem er formaður Ísafoldar, félags ungs fólks gegn ESB-aðild, upplýsti m.a. í þættinum að hún sendi Fréttablaðinu grein um ESB-mál til birtingar, en fekk hana ekki birta. Einnig hefur félag hennar sent 5 ályktarnir til fjölmiðla. Fjórar af þeim birtust í Morgunblaðinu, en engin í Fréttablaðinu! Þetta er dæmigert fyrir hlutdrægni og ESB-þjónkun þess fjölmiðils, sem í viku hverri er með margvísleg þókknunarskrif í þágu Evrópusambandsins.

Jón Valur Jensson.


« Síðasta færsla | Næsta færsla »

Athugasemdir

1 Smámynd: Valdimar Samúelsson

Góð og þörf gein ég vil minna á Vienna Consular og lögin okkar sem meina alla styrki og afskiptasemi að innlengum málum sérstaklega þar sem þeir kalla sig sendiráð núna. Hér eru lögin. Þetta verður að kæra og sérstaklega út af áróðri sem þeir stunda jafnvel borga skrifurum.

http://skolli.blog.is/blog/skolli/

Valdimar Samúelsson, 25.3.2014 kl. 18:27

2 Smámynd: Valdimar Samúelsson

Jón Valur þessi grein var sett inn sem athugasemd hjá mér nokkuð merkileg. http://skolli.blog.is/blog/skolli/entry/1367213/#comment3504487

Mogginn 2. apríl 2012. Tómas Ingi Olrich:

Summa diplómatískra lasta

Eftir Tómas Inga Olrich

Valdimar Samúelsson, 25.3.2014 kl. 22:16

3 Smámynd: Jón Valur Jensson

Einmitt, Valdimar, þú þekkir þetta vel. Kærar þakkir.

Jón Valur Jensson, 25.3.2014 kl. 22:20

4 Smámynd: Högni Elfar Gylfason

Það er algjörlega óþolandi að ESB skuli senda hingað stórar fjárhæðir til að múta og blekkja fólk. Það hefur löngum verið vitað að peningar geta verið skoðanamyndandi, ekki síst gagnvart fólki sem ekki nennir að hafa eigin skoðanir á málum eða er ekki mjög skarpt í hugsun.

Högni Elfar Gylfason, 26.3.2014 kl. 08:54

5 Smámynd: Jón Valur Jensson

Gæti ekki verið meira sammála þér, Högni. Takk!

Jón Valur Jensson, 26.3.2014 kl. 23:46

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband