Endapunktur við atlögur Jóhönnu­stjórnar að stjórn­ar­skránni og full­veldi landsins

Gleðilegt má kalla, að síðasta atlaga Samfylk­ingar og leiði­tamra VG-manna að stjór­nar­skránni fór út um þúfur. Nú á miðnætti rann út bráða­birgða­heim­ild sem að vilja þeirra var skeytt við stjórnar­skrána um að hægt verði að breyta henni auðveldlega og á af­ger­andi hátt í krafti einnar snöggrar þjóðar­atkvæða­greiðslu. Allt átti þetta vita­skuld að þjóna endan­legu mark­miði hinna óþjóð­legu afla á Alþingi sem vildu koma Íslandi undir forræði Evrópu­sam­bands­ins, í krafti hinnar billegu heimildar í 111. grein tillagna hins ólög­mæta "stjórn­lagaráðs" fyrir inntöku í Evrópu­sambandið, um leið og svo var um hnútana bundið í 67. grein, að ekki væri unnt að snúa til baka frá þeirri ákvörðun með kröfu um þjóðar­atkvæða­greiðslu eins og þá, sem Bretar fengu heimild til með sínu Brexit.

En Samfylkingin hefur fengið sína refsingu í þeirri þjóðar­atkvæða­greiðslu síð­asta haust, sem þaggaði niður í þessum óþjóðlegu öflum Össurar­manna, Sig­ríðar Ingibjargar Ingadóttur, Helga Seljan og annarra sem vildu þá Babýlon­ar­herleið­ingu þjóðarinnar sem til stóð hjá þeim: að koma landinu inn í Evrópu­sambandið. Og vantrú þeirra á gamla Íslandi er öllum augljós að vera bábilja og hégilja og engan veginn í takt við marg­reyndar staðreyndir um gildi fullveldis okkar og sjálfstæðs gjaldmiðils!

Jón Valur Jensson.

Ákvæðið um þjóðaratkvæði fallið úr gildi

Glæsisigur Theresu May mun styrkja Brexit í sessi

Glæsileg voru úrslit atkvæða­greiðslu í brezka þing­inu í dag um að boða til þing­kosn­inga 8. júní. Sam­tals greiddu 522 þing­menn at­kvæði með til­lög­unni, ein­ung­is 13 greiddu at­kvæði gegn henni!

"Skoðanakann­an­ir benda til þess að Íhalds­flokk­ur for­sæt­is­ráðherr­ans eigi eft­ir að vinna stór­sig­ur í þing­kosn­ing­un­um og bæta veru­lega við þig fylgi og þing­mönn­um," segir í frétt á Mbl.is, og hefði mátt taka mun dýpra í árinni, því að reiknað er með, að Íhaldsflokkurinn fái allt að 200 þingsætum meira en Verka­manna­flokk­ur­inn.

"Verka­manna­flokk­ur­inn mæl­ist hins veg­ar með sögu­lega lítið fylgi en inn­an hans hafa geisað átök um fyr­ir­hugaða út­göngu Bret­lands úr Evr­ópu­sam­band­inu sem flokks­menn hafa skipt­ar skoðanir á, sem og á Jeremy Cor­byn leiðtoga hans. (Mbl.is)

Þetta er svona "just for the record" á þessari vefsíðu, sem ekki hefur unnizt tími til að sinna nógu vel síðustu vikurnar, en hér skal heitið að gera betur á næstunni.

Vef­ur Daily Tel­egraph segir betur frá þessu máli dagsins.

Margir, m.a. hér á landi, hafa gert því skóna, að Bretar fari flatt á Brexit og verði jafnvel gerðir afturreka með það. En þrátt fyrir upphafs-andstöðu sína hefur Theresa May staðið drengilega við þá stefnu sem meiri­hluti Breta markaði með þjóðar­atkvæða­greiðslunni, og nú styrkist öll aðstaða hennar til að koma málinu fram og hafa sterkari samnings­aðstöðu gegnvart kerfiskörlum ESB. Að sama skapi veikist mál­staður Evrópu­sam­bands­ins í álfunni allri og framtíð þess fjarri því að vera tryggð.

Og eins og segir í þætti "Stjórnar­mannsins" aftan á Markaði Frétta­blaðsins í dag, þá "styrktist sterlings­pundið verulega í kjölfar tíðind­anna" frá í gær, að Theresa May myndi leggja tillögu um þingslit og kosningar fyrir þingið í dag - "og hefur ekki verið sterkara gagnvart evru og banda­ríkjadal um nokkurra mánaða skeið."

Og lokaorðin þar: "Það skyldi þó ekki vera, að væntur sigur Íhaldsflokksins yrði til að slá botn í þann óróa sem ríkt hefur allt frá atkvæðagreiðslunni fyrir réttum níu mánuðum?"

JVJ.

Breska þingið samþykkir kosningar